Wegɔɔnle 3:11 - Kazambale lé Sebe Sauunu 1979

¹¹ Bé ye, an dan da lɛ é kele. Fɛ lé é ke i lee, ’i kun a ma kli, té mi do kpen ilé tɔkoro si i lee lo.

Wegɔɔnle 3:11 ပူးပေါင်းရင်းမြစ်များ

Sofoni 1:14

Gakelebale lé yi blɛn bɔ é pu. É bɔ é pu, é a biéna kelekele. Gakelebale lé yi a é dére wena, yé nyanazannu éé siaan klebledére nya.

1 Korent munu 9:25

Naa, zakɛlɛzannu faa éé sɔn vɔa fɛ kenu ma. Wa kɛla a ma ban lé éé nyaan, a yele we gi. Naa, kaa a kɛla ban lé é ’ka nyaan lo, a yele we gi.

Filip munu 4:5

Munu faa ’é ka dɔɔ bli drɔɔzannu nya ma. Mizan bɔ é pu.

2 Timoté 2:5

Dé zakɛlɛzan ’ka za kɛlɛ lɛ é kɛlɛbɛ gi lo, wo ’ka tɔkoro wɔraan a ’wuo ma lo.

2 Timoté 4:8

Yé sin, mi tegele lé tɔkoro ta a é dɔle anzé nya. Mizan, Weblezan tegele, é dan a nɔ lɛ an lɛ ’bɛ yi la. Naa, an do lɛan é dan a nɔ lɛ lo; munu faa lé, a dale sɔ wo lɛ, é dan a nɔ lɛ wo lɛ é ziin.

SEBE LÉ JAK A GYE (Épitre de Jacques) 1:12

Mian éé dɔa é gidanwenu wuo bli tiéé nya, azé a néné. Naa, a gi danle zuo, wo dan vole é yuɛma nɔ lɛ a lɛ bélé tɔkoro zo; tɔkoro lé Mizan a ma blivolɛdére fe munu lé, Mizan sɔ wo lɛ, wo lɛ bɛ, wo dan a nɔ lɛ a lɛ.

SEBE LÉ JAK A GYE (Épitre de Jacques) 5:9

Bwenu, té ka gun gyɛ ka ke ma lo, té wo kalé we ble lo we gi. Ka ye, Weblezan bɔ é pu.

Wegɔɔnle 1:3

A bléyi bɔ é pu, amalé mian éé sɛbɛ ’ko ta fé, é valé munuan woo balelawefele ’ko maan, yé wenu lé é ke é gyɛle sɛbɛ ta, ’té woo a ta tawoo bɛ, wo drɔɔ a é vole.

Wegɔɔnle 16:15

Bé ye, maa dan bélé kyeenzan zo. Mi lé é vo é yuɛma, ’té éé yuɛ paan élé sɔ ta léé, té é tawo é porole yé yara ’é gyɛ ’bɛ we ma lo, ’bɛzan zé a néné.

Wegɔɔnle 2:10

Nyané lé i dan a ble lɛ, té i kana a blele ma lo. Bé ye, yonufaatagɔné é dan ka va mi kenu vɔ lɛ bokɔn gi ka gi danle we ma, yé ka dan nyané ble lɛ yi vu. ’I yara pa a ta fɔɔ yé i gayi é bɔ, yé maa dan vole é yuɛma nɔ lɛ i lɛ ilé tɔkoro nya.

Wegɔɔnle 2:13

Maa i nyanana dɔɔ, yé maa a gi dɔɔ léé, ana lé Satan lé blin ke. An tɔ a i ’léé, yé yian nya lé wo anlé yarapawela wenayezan Antipas gyɛ ka va, fɛana lé Satan nyanana ke, ana, ’bɛ yinu nyaoo, i bli ’ka si lɛ anlé we lɛ duowo lo.

Wegɔɔnle 2:25

naa, yee lé é ke ka lee, ’ka kun a ma kli fɔɔ yé an da.

Wegɔɔnle 22:12

Bé ye, an dale bɔ é pu, yé mi banwofɛnu a an lee, munu banwole we gi do do wo kɛlɛwenu yɛrama.

Wegɔɔnle 22:20

Mi lé é ke we ’konu fena, é léé: Iin, an dale bɔ é pu. Amɛɛn! Mizan Jézu, ’i da.

Wegɔɔnle 22:7

Yé bé ye, an dale bɔ é pu. Mi lé éé tawoo dére ’konu valé sɛbɛ ’ko lé balelayewe ta, azé a néné.

Wegɔɔnle 3:3

Amalé wean wa fe i lɛ yé bé ’ma, a sele ’é dɔ i gi ma, yé bé kɛlɛ, yé ’i bli nɔla. Dé i ’ka voo é yuɛma lo, maa dan da lɛ bélé kyeenwozan zo, yé bléyian va lé maa dan bɔra lɛ i ma fiaa i ’ka dan a gi dɔɔ lɛ lo.

Wegɔɔnle 4:10

’bɛ bléyi va mi segele yɔ do wɔlɛ ziɛn dia ’wo bli ta webleblin tazan ’lɛ, yé mi lé é ke é yuɛma lɛɛfaama, ’té ’bɛnu a bɔa. Yé wo ’wolé kyankoronu dia webleblin ’lɛ, yé wo léé:

Wegɔɔnle 4:4

Maa webleblin yɔ do wɔlɛ ziɛn ye yee webleblin ’ko zi, ’té mi segele yɔ do wɔlɛ ziɛn a é nyanale ’bɛnu ta, ’té sɔ fu a wo ta yé kyankoronu a wo ’wuo ma.