Wegɔɔnle 3:1 - Kazambale lé Sebe Sauunu 1979

¹ ’I sɛbɛ pa Saad léglizi lé lanje lɛ zia. ’Bé fe a lɛ léé: Mi lé Kazambale léli sɔrafié valé monéné sɔrafié ke a lee, a dére lé é ke ’ko: Maa i kɛlɛwenu dɔɔ. Maa a gi dɔɔ léé, i a mi yuɛmale nya munu yuɛ gi, dɔlé ’té i a é gale.

Wegɔɔnle 3:1 ပူးပေါင်းရင်းမြစ်များ

WENÉNÉ LÉ LUK A GYE (Évangile selon Luc) 15:24

Naa, an be ’ko, é ga, yé é vuo; é san, yé é bɔra a gi. Yé wo kun zana gyɛle ma.

WENÉNÉ LÉ LUK A GYE (Évangile selon Luc) 15:32

Naa, i zuané ’ko, é ga yé é vuo, é san, yé é bɔra a gi; amalé é a lé ko gi é nana a we ma yé ko fɛti kɛlɛ webozen nya.

WENÉNÉ LE JAN A GYE (Évangile selon Jean) 1:16

Fɛ lé é ke a gi saawo bɛ, é a ke nɔ ko faa lɛ blɛ nya, yé é zin kiɛre kɛlɛ ko lɛ.

WENÉNÉ LE JAN A GYE (Évangile selon Jean) 1:33

Maa ’ka a dɔɔ lɛ lo, naa, mi lé é an pa zia léé, an munu batizéwo ’yi nya, yee ɛ fe an lɛ léé: Mi lé i dan Kazambale Léli ye lɛ zunna a ta, yé é dɔ a nwiin, yee ɛ ke mi lé é dan munu batizéwo lɛ Léli Sauun nya bɛ, a nya.

WENÉNÉ LE JAN A GYE (Évangile selon Jean) 20:22

Dére ’konu fele zuo, é wo suu é ’léé fu nya, yé é lé wo lɛ léé: ’Ka Léli Sauun ye ma.

WENÉNÉ LE JAN A GYE (Évangile selon Jean) 3:34

Naa, Kazambale ’ka ’é Léli nɔle glɛ dɔ lɛ a lɛ lo; bɛwemalé, mi lé Kazambale a pa zia, Kazambale dérenu lé éé a fé.

Kelewenu 2:33

Kazambale a nwa aan wo é bɛyi nya, yé Léli Sauun lé a Ti a nɔle lé we fe a lɛ é kyɛn, é a ye a va, yé é a zén ko ta, fɛan zo lé ka a ye yé ka a ’ma, a zo.

Éfez munu 2:1

É vinin, ka a é gale kalé we sɛrɛlenu valé kalé wenyanénu lé we ma;

Kolɔs munu 2:13

’Kaa lé ka ke é gale kalé we sɛrɛlenu valé kalé ganedɔlelo we ma, é ka béli ékeva Jézu nya, ka ma we vole nya kalé we sɛrɛle faa ma;

1 Timoté 5:6

Naa, gyɛzarale lé éé ébozen lé sɔlɛwe kɛla, é ke aan wo é yuɛma bɛ, é a é gale.

SEBE LÉ JAK A GYE (Épitre de Jacques) 2:26

Fɛan zo lé kɔlɛ lé a léli ’ka lo, é ke é gale, a zo duo lé blipale lé a kɛlɛwenu ’ka lo, é a é gale yee ɛ zo.

1 Piɛri 1:11

Krist lé nyanéblelenu valé fua lé é dan a ble lɛ ’bɛ zuo, Krist Léli lé ke balelayemunu gi, é a ’bɛ gɔɔnna aan wo wo lɛ a bléyi ’lɛ, amalé wo kwa kuli léé, wa kɛlɛbléyi valé a ma we kénékénénénu faa dɔɔ.

SEBE LÉ JUD A GYE (Épitre de Jude) 1:12

Woo ka sɔle ka ke lɛ na fɛti tiri dɔa. Yara ’ka wo gya ka va fɛblele we ma lo, naa, wo kanle ’té ma lé wo ke. Wa bélé lafunu lé ’yi ’ka wo gi lo, ’té fu éé wo nyunuan bɛ, wo zo. Wa bélé yilinu lé, fɛ bɔra bléyi va, ’té wo poro ’ka lo, ’té wo ke é gale gɔnɔ fié, ’té wo suni ke é soowɔlale bɛ, wo zo.

Wegɔɔnle 1:11

Dé i wean ye, ’bé gyɛ sɛbɛ ta yé ’bé pa léglizi sɔrafié lé wo ke Éfɛz koo, Simii koo, Pɛɛgam koo, Tiatii koo, Saad koo, Filadɛfi koo, Laodisé koo, wona bɛ, wo lɛ zia.

Wegɔɔnle 1:16

Monéné sɔrafié a a bɛyi lee. Gwɔun ’léé fié sorosoro bɔra a ’léé; yé a yara a bélé yiri lé é ke bina plɛplɛ, a zo.

Wegɔɔnle 1:20

Monéné sɔrafié lé i wo ye an bɛyi lee, é valé kyan fintran sɔrafié, wolé we a é yɔɔle. A gi lé é ke ’ko: monéné sɔrafié a léglizi sɔrafié lé lanjenu nya, yé fintran sɔrafié a léglizi sɔrafié nya.

Wegɔɔnle 1:4

’Kaa léglizi sɔrafié lé ka ke Azi tɛrɛ la, an we ka va. Maa Jan ɛ ke sɛbɛ ’ko gyɛna ka lɛ. Mi lé é ke, ’té é ke ana é kyɛn, ’té é dan bɛ, yee koo, léli sɔrafié lé é ke alé webleblin ’lɛ, wo koo, Jézu Krist lé é ke yarapawela wenayezan, gamunu va nwazan vininzan, tɛrɛlamunu nwiinzannu ’é nwiinzan nya, yee koo, ’wo zin kɛlɛ ka lɛ yé ’wo ka vo drɔɔ ma. Mi lé kaa sɔa a lɛ, ’té é kaalé wenyané si kaa lee é nyɛ nya,

Wegɔɔnle 2:13

Maa i nyanana dɔɔ, yé maa a gi dɔɔ léé, ana lé Satan lé blin ke. An tɔ a i ’léé, yé yian nya lé wo anlé yarapawela wenayezan Antipas gyɛ ka va, fɛana lé Satan nyanana ke, ana, ’bɛ yinu nyaoo, i bli ’ka si lɛ anlé we lɛ duowo lo.

Wegɔɔnle 2:19

I kɛlɛwenu koo, ilé sɔlɛle koo, ilé blipale koo, ilé nyanama lé bé pa i yuɛ gi do nya koo, i yara pale we la koo, ilé nyanama voélanu lé é ke di é mini a vininnu ta koo, maa wo dɔɔ.

Wegɔɔnle 2:2

I kɛlɛwenu koo, ilé nyanama koo, i yara pale we la koo, maa wo dɔɔ. Maa a gi dɔɔ léé, i ’ka bɔa dɔle lɛ mi nyanénu lé we nyi wuo lo; munu lé, wo léé, ’wa nwunvɔmunu nya ’té wo ’ka a nya bɛ lo, i wo gi dan yé i wo ye viémunu nya.

Wegɔɔnle 2:9

Maa ilé kleblele valé nyané lé i gyɛle dɔɔ, naa, i a fua nya duowo. Munu lé wo ’wobo laan Juifinu, ’té wo ’ka a nya lo, ’té wo ke Satan lé zén‐ékevamunu nya bɛ, maa gi dɔɔ léé, wa i tɔ sɛrɛna.

Wegɔɔnle 3:15

Maa i kɛlɛwenu dɔɔ. I ’ka drɔɔdrɔɔ lo, yé i kyɛ ’ka lo. É sɔ an lɛ léé, i kyɛ ’é kɛlɛ; dé ’bɛ kaan lo, ’i kɛlɛ drɔɔdrɔɔ.

Wegɔɔnle 3:2

’I vo é yuɛma, yé yee lé é vo i lee, ’té é bɔ nyaana bɛ, ’bé dɔ gligli; naa, maa a ye léé, gun a i kɛlɛwenu ma anlé Bale yuɛ gi.

Wegɔɔnle 3:8

Maa i kɛlɛwenu dɔɔ. Bé ye, plɛplɛ kiéné a i lee, i tawo an dére ta, yé i ’ka an tɔ yɔɔ lɛ lo, amalé an zi lɛ so i lɛ, yé mi do kpen ’ka bɔa a lɛ tanle lɛ lo.

Wegɔɔnle 4:5

Webleblin éé lɛɛ yuɛ wuo vɔa, ’té éé dérenu fé, ’té éé zagelenu baan. Kyɛbɔ sɔrafié lé wo ke Kazambale léli sɔrafié nya, wa bina plɛplɛ webleblin ’lɛ.

Wegɔɔnle 5:6

Webleblin koo, fɛ yuɛmale ziɛn koo, mi segelenu koo, maa ’Blané ye é dɔle wo méléna; é a bélé fɛan zo lé a bɔrɔ a é bole, a zo. A béli a sɔrafié, yé a yuɛ a sɔrafié, wo lé ke Kazambale léli sɔrafié lé é wo nwunvɔ tɛrɛ faa la, wo nya.