Wegɔɔnle 22:9 - Kazambale lé Sebe Sauunu 1979

⁹ Naa, é lé an lɛ léé: Té bé kɛlɛ lo. Bii koo, i bwe balelayemunu koo, munu lé wo ke tawona sɛbɛ ’ko dérenu ta koo, maa a ka vazan do nya. ’I Kazambale ɛ bɔ.

Wegɔɔnle 22:9 ပူးပေါင်းရင်းမြစ်များ

2 Minwiinzannu 17:36

Naa, Gakelebale lé é ka si Éjipiti tɛrɛ la plɛplɛ blɛn valé é bɛ soile nya, ’ka kana a lee; ’ka dia ka bli la yee ɛ ’lɛ; ’ka saraka bo yee ɛ lɛ.

Lɛrɛvɔ Sɛbɛ 45:11

An lu, ’i tɔné dɔ, ’i an ban i tɔné nya; bé ye; I gi ’é san ilé munu ma ma, é valé i ti lé kɔn ma ma.

Fwile 34:14

Té i dia i bli la bale bɛ do kpen ’lɛ lo; naa, Gakelebale tɔ lé Maabozan, iin, é a maabo Bale nya.

Matio 4:9

yé é lé a lɛ léé: Dé i dia i bli la an ’lɛ yé i an bɔ, maa dan fɛnu ’ko faa nɔ lɛ i lɛ.

WENÉNÉ LÉ LUK A GYE (Évangile selon Luc) 4:7

Amalé dé i dia i bli la an ’lɛ, wo faa é dan kɛlɛ lɛ izé nya.

Bélidɔwesɛbɛ Fiézan 4:19

Dé ka yara nwa lai zia, yiri koo, moné koo, monénénu koo, lagifɛ gbaunu bɛ, dé ka wo ye, té ’wo ka sia ana yé ka dia ka bli la wo ’lɛ yé ka wo bɔ lo; dé ka kɛlɛ, ’té ka kabo sɛrɛ. Gakelebale, kalé Bale fɛ ’konu kɛlɛ munu faa lé ke tɛrɛ la, wo faa zé nya.

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.

Wegɔɔnle 1:1

We lé Kazambale a gɔɔn Jézu Krist lɛ, yee lé ke ’ko. Wenu lé wo bɔle ’ka vo lɛ baa lo, Kazambale a gɔɔn a lɛ, alé wo gɔɔnle é wuomunu lɛ we gi. É a nagɔɔn élé lanje nwunvɔle nya, maa a wuozan Jan lɛ.

Wegɔɔnle 1:11

Dé i wean ye, ’bé gyɛ sɛbɛ ta yé ’bé pa léglizi sɔrafié lé wo ke Éfɛz koo, Simii koo, Pɛɛgam koo, Tiatii koo, Saad koo, Filadɛfi koo, Laodisé koo, wona bɛ, wo lɛ zia.

Wegɔɔnle 14:7

É lé dére plɛplɛ nya léé: A bléyi bɔ! Kazambale é dan munu lé we ble lɛ, amalé ’ka kana Kazambale lee ma, yé ’ka a tɔ bɔ ma; la koo, tɛrɛ koo, wɛyi koo, ’yibɔnanu koo, ’ka dia ka bli la wo Kɛlɛzan ’lɛ ma.

Wegɔɔnle 15:4

Mizan, de ɛ ’ka kanaan i lee loo? De ɛ ’ka i tɔ bɔa loo? Bii do kpen ɛ ke sauun. Ilé weblelenu a é gɔɔnle, amalé bɛnnu faa é dan da lɛ yé wo dia ’wo bli la i ’lɛ.

Wegɔɔnle 19:10

Yé maa dia a gane ma a bɔle we gi, naa, é lé an lɛ léé: Té bé kɛlɛ lo. Bii valé i bwenu lé woo Jézu lé we fé, maa a ka vazan do nya. ’I Kazambale ɛ bɔ. Jézu lé we a balelawefele pun nya.

Wegɔɔnle 22:10

É lé an lɛ léé: Balelaye dérenu lé é ke sɛbɛ ’ko gi, té i wo lɛ tan lo, naa, a bléyi bɔ é pu.

Wegɔɔnle 22:18

Dé é a miomian nya, yé é sɛbɛ ’ko lé balelaye dérenu ’ma, maa lé a lɛ léma: Dé mian é we bɛ pa a va, Kazambale é dan a gyɛ lɛ migyɛgyɛnu lé wo wolé we gyɛ sɛbɛ ’ko gi, wo nya.

Wegɔɔnle 22:7

Yé bé ye, an dale bɔ é pu. Mi lé éé tawoo dére ’konu valé sɛbɛ ’ko lé balelayewe ta, azé a néné.

Wegɔɔnle 4:10

’bɛ bléyi va mi segele yɔ do wɔlɛ ziɛn dia ’wo bli ta webleblin tazan ’lɛ, yé mi lé é ke é yuɛma lɛɛfaama, ’té ’bɛnu a bɔa. Yé wo ’wolé kyankoronu dia webleblin ’lɛ, yé wo léé:

Wegɔɔnle 9:20

Mi koɛnu lé, fɛ yaa ’ko ’ka ’bɛnu gyɛ lɛ lo, ’bɛnu ’ka ’wo bli si lɛ ’wo bɛ kɛlɛfɛnu lɛ lo; miyilinu lé wa kɛlɛ kyan koo, gɔɔlifu koo, zéné koo, gɔlɛ koo, yili koo, wo nya, ’té wo ’ka bɔa fɛ yele valé we ’male valé tawole lɛ lo, munu ’ka daan lɛ wo bɔle valé yonu bɔle ma lo;