Wegɔɔnle 22:6 - Kazambale lé Sebe Sauunu 1979

⁶ É lé an lɛ léé: We ’ko a sɔbɛlawe nya, yé é a webozen nya; yé Mizan, balelayezannu lélinu zé Bale, é ’élé lanje nwunvɔ wenu lé wo kɛlɛbléyi bɔ é pu, wo nagɔɔnle we gi ’é wuozannu lɛ.

Wegɔɔnle 22:6 ပူးပေါင်းရင်းမြစ်များ

Wepélisiananu 41:32

Faraɔn lé nyɛ gyɛle gɔnɔ fié bɛ, ’bɛ gi léé, Kazambale ɛ a fe yé é dan a we kɛlɛ lɛ é kele.

Daniɛl 3:28

Nébukanɛsaa léé: Sadrak koo, Mésak koo, Abɛd‐Négo koo, wolé Bale drɔɔ ’é vo ma. Yeean é lanje pa zia yé a wuozannu lé wo bli ke a lɛ, ’té woo minwiinzan blɛn lé bélidɔwe lɛganma, yé wo bli si wo kɔlɛ lɛ, yé dé é ’ka wozé Bale do kpen nya lo, wo ’ka a nyi sié léé, wo ’wuo tua bale bɛnu lɛ yé wo ’bɛnu bɔ lo, yee ɛ wo si we gi.

Daniɛl 6:22

Anlé Bale élé lanje pa zia yé é golizranu lɔlu lɛ tan, yé wo ’ka we tɔntɔn do kpen kɛlɛ lɛ an lɛ lo. Bale an ye nwiinplazan nya, azama. Yé bii é ziin, minwiinzan blɛn, an ’ka wenaané do kpen kɛlɛ lɛ i ma lo.

Matio 13:41

Maa blami Be, an dan anlé lanjenu pa lɛ zia yé wo dan misaanwenu valé weplekɛlɛmunu faa si lɛ anlé munu méléna;

WENÉNÉ LÉ LUK A GYE (Évangile selon Luc) 1:70

Fɛan zo lé é a fe élé balelayemunu sauun lɔlu nya é li kwakwa, a zo,

WENÉNÉ LÉ LUK A GYE (Évangile selon Luc) 16:16

Bélidɔwe valé balelayemunu lé we vo ana fɔɔ Jan zé bléyi va; é sia ’bɛ bléyi va wo Kazambale plale mi nwiin lé we fe, yé mi faa do do éé wɔraan a gi gla nya.

Kelewenu 12:11

Piɛri bɔn gi kini aan wo yé é léma: Maa a ye sin léé, Mizambale élé lanje pa zia webozen nya yé é an si Érɔd lee, yé we faa lé Juifinu ke a lɛbɛnna, é an si ’bɛ faa lee.

Kelewenu 3:18

Naa, wenu lé Kazambale a fe é kyɛn élé balelayezannu faa lɔlu nya léé, é a lé ’élé Krist é nyané ble, ’ko zo lé é a faa lɛ sɔɔ.

Rom munu 1:2

Wenéné ’ko, Kazambale a ma blivolɛdére fe é kyɛn balelayemunu lɔlu nya, Kazambale lé sɛbɛ gi.

1 Korent munu 14:32

Balelawefezannu a é plale balelawefele nwiin.

1 Korent munu 7:29

Bwenu, we lé maa a fé, yee lé é ke ’ko: bléyi ’ko ’ka vo lɛ grɔgrɔ lo. É sia bléyi ’ko va, munu lé wo na a, ’wo kɛlɛ bélé fɛan zo lé wo na ’ka lo, a zo ma,

2 Tɛsalɔnik munu 1:7

Yé ka lé wa kle pana ka ta bɛ, é dan flinle nɔ lɛ kaa lɛ, bléyian va lé Mizan Jézu é dan si lɛ la gi yé é zun, yee valé élé lanje plɛplɛnu nya, ’bɛ bléyi va.

Ébrunu 12:9

É ziin, kaa tinu éé we lɛdɔa kaa gi tɛrɛ la ’ko, ’té kaa wo lɛdɔama, naa, é ’ka lé kaa pla é ziin kaa lagi Ti wuo, vole é yuɛma we gi loo?

2 Piɛri 1:21

Munu lé blibɔmawe ’ka da lɛ balelawefele do kpen nya monomono lo, naa, Léli Sauun ɛ Kazambale lé munu nyunu yé wa fe Kazambale tɔ gi.

2 Piɛri 3:2

Maa a a va léé, wenu lé balelayemunu sauun a fale vɔ ka lɛ, a sele ’é vo ka gi, yé é ziin, Mizan lé é ke mi Bélizan nya, bélidɔwe lé é a nɔ ka lɛ élé nwunvɔmunu lɔlu nya, yé ’bɛ sele ’é vo ka gi.

Wegɔɔnle 1:1

We lé Kazambale a gɔɔn Jézu Krist lɛ, yee lé ke ’ko. Wenu lé wo bɔle ’ka vo lɛ baa lo, Kazambale a gɔɔn a lɛ, alé wo gɔɔnle é wuomunu lɛ we gi. É a nagɔɔn élé lanje nwunvɔle nya, maa a wuozan Jan lɛ.

Wegɔɔnle 18:20

La, i gi ’é nana a sɛrɛle lé we ma ma. Yé ’kaa Kazambale lé munu koo, nwunvɔmunu koo, balelayemunu koo, ka gi ’é nana é ziin ma. Kazambale alé we nyaa a zo, amalé é we tegele kɛlɛ ka lɛ.

Wegɔɔnle 19:9

Yé lanje lé an lɛ léé: ’Bé gyɛ sɛbɛ gi léé: Munu lé wo wo laa ’Blané lé lesile lé fɛti kɛlɛle ma, wozé a é zima. Yé é lé an lɛ léé: Dére ’konu a Kazambale dére bozennu nya.

Wegɔɔnle 21:5

Yé webleblin tazan léé: Bé ye, maa fɛnu faa kɛlɛ fɛ dɛrɛnu nya. Yé é léé: ’Bé gyɛ ma, naa, we ’ko a sɔbɛlawe nya yé é a webozen nya.

Wegɔɔnle 21:9

A zuo, lanje sɔrafié lé, kana sɔrafié ke wo lee, ’té wo ke é fanle migyɛgyɛ sɔrafié voélazannu nya, wo va lanje do we fe an lɛ yé é léé: ’I da, yé bosizan lé é ke ’Blané na nya, maa a nagɔɔn i lɛ.

Wegɔɔnle 22:1

Yuu lé éé mi voo é yuɛma, ’té a yuɛ a sésé bélé vlinvlin wezan zo, ’té éé sié Kazambale valé ’Blané lé webleblin gi bɛ, lanje a gɔɔn an lɛ.

Wegɔɔnle 22:16

Maa Jézu, maa anlé lanje nwunvɔ we ’konu lé we fele ka lɛ we gi, léglizinu gi. Maa ɛ ke David kulu valé a punla nya, bladi monéné bile nya.

Wegɔɔnle 22:7

Yé bé ye, an dale bɔ é pu. Mi lé éé tawoo dére ’konu valé sɛbɛ ’ko lé balelayewe ta, azé a néné.

Wegɔɔnle 4:1

’Bɛ zuo, maa a nagini, ’té la lɛ a é sole. Dére lé maa a ’ma é vinin bélé béli vun zo, é we fe an lɛ yé é léma: ’I da loru ’ko, yé we lé é dan bɔ lɛ é voéla yé maa a nagɔɔn i lɛ.