Wegɔɔnle 22:18 - Kazambale lé Sebe Sauunu 1979

¹⁸ Dé é a miomian nya, yé é sɛbɛ ’ko lé balelaye dérenu ’ma, maa lé a lɛ léma: Dé mian é we bɛ pa a va, Kazambale é dan a gyɛ lɛ migyɛgyɛnu lé wo wolé we gyɛ sɛbɛ ’ko gi, wo nya.

Wegɔɔnle 22:18 ပူးပေါင်းရင်းမြစ်များ

Wegɔnévɔlenu 30:6

Té bé dére taa pa lo, dé é da we pla i lɛ yé wo i ye viézan nya.

Lévinu 26:18

Dé maa ’bɛ kɛlɛ yé ka ’ka ka tɔné dɔ lɛ an lɛ duowo lo, maa dan we lɛdɔ lɛ ka gi taawo gɔnɔ sɔrafié kalé wenyané ma.

Lévinu 26:28

maa dan dɔ lɛ ka ma é ziin bliflile blɛn nya yé maa dan we lɛdɔ lɛ ka gi taawo gɔnɔ sɔrafié kalé wenyanénu ma.

Lévinu 26:37

Wo dan zana lɛ wo ke gi, bélé gwɔun lé mi gyɛle zo, ’té mi do kpen ’ka wo zuo binna lo. Ka ’ka dan dɔ lɛ ka nyanézannu ’lɛ lo;

Matio 15:13

Jézu a zi pa léé: Fɛ faa lé Lagi Ti ’ka a vɔ lɛ lo, wo dan wo soowɔla lɛ.

Éfez munu 4:17

We lé maa a fé, ’té maa a plaan ka lɛ Mizan tɔ nya, yee lé é ke ’ko: Yolémunu lé woo tawoo boblɛn ’wuogibɔrɔlenu yɛrama bɛ, té ka tawo é dɛrɛ wo zo lo.

Bélidɔwesɛbɛ Fiézan 12:32

We lé maa a fena ka lɛ, ’ka wo lɛdɔma, ’ka wo ta tawo; té ka wo taa do kpen pa lo, té ka a do kpen si wo va lo.

Bélidɔwesɛbɛ Fiézan 4:2

We lé maa a fena ka lɛ, té ka a taa do kpen pa lo, té ka a ke si a ta lo; naa, Gakelebale, kalé Bale lé bélidɔwenu lé maa a fena ka lɛ, ’ka wo ta we kɛlɛ.

1 Tɛsalɔnik munu 4:6

Té mi do é wenyané ’ko zo kɛlɛ é bwe lɛ lo. Mizan ɛ ’bɛ zoɛ wenu lɛgi paan; yee lé ko a fe ka lɛ é kyɛn, yé ko a gɔɔn ka lɛ wéiin.

Wegɔɔnle 1:3

A bléyi bɔ é pu, amalé mian éé sɛbɛ ’ko ta fé, é valé munuan woo balelawefele ’ko maan, yé wenu lé é ke é gyɛle sɛbɛ ta, ’té woo a ta tawoo bɛ, wo drɔɔ a é vole.

Wegɔɔnle 15:1

’Bɛ zuo, maa givuruwe bɛ ye la gi; é a blɛn; we zevɔle lé; lanje sɔrafié lé, migyɛgyɛ sɔrafié voélazannu ke wo lee, wo ana; wo nya lé Kazambale lé bliflile lɛ éé sɔɔan.

Wegɔɔnle 15:6

Lanje sɔrafié lé, migyɛgyɛ sɔrafié ke wo lee, wo bɔra fɛna sauun gi, lɛnsɔ zima nyananyana nya ’wo ta, kyan kyɛsidi nya ’wo golɛ ta.

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.

Wegɔɔnle 20:10

Yé yonufaatagɔné lé é wo saan, wa vuli kyɛ lé ke blɛn bélé gyankyɛ zo, ’té wo povun zén a va, a va, fɛana lé wi valé viébalelayezan ke, ana; yé wo dan nyané pa lɛ wo ta bladi nyanadi lɛɛfafama, a glɛ ’ka lo.

Wegɔɔnle 20:15

Munuan wo tɔ ’ka é gyɛle mibélilenu tɔgyɛlasɛbɛ gi lo, wo wo vuli yee kyɛ blɛn ’ko ɛ va.

Wegɔɔnle 22:10

É lé an lɛ léé: Balelaye dérenu lé é ke sɛbɛ ’ko gi, té i wo lɛ tan lo, naa, a bléyi bɔ é pu.

Wegɔɔnle 22:16

Maa Jézu, maa anlé lanje nwunvɔ we ’konu lé we fele ka lɛ we gi, léglizinu gi. Maa ɛ ke David kulu valé a punla nya, bladi monéné bile nya.

Wegɔɔnle 22:7

Yé bé ye, an dale bɔ é pu. Mi lé éé tawoo dére ’konu valé sɛbɛ ’ko lé balelayewe ta, azé a néné.

Wegɔɔnle 22:9

Naa, é lé an lɛ léé: Té bé kɛlɛ lo. Bii koo, i bwe balelayemunu koo, munu lé wo ke tawona sɛbɛ ’ko dérenu ta koo, maa a ka vazan do nya. ’I Kazambale ɛ bɔ.

Wegɔɔnle 3:14

’I sɛbɛ pa Laodisé léglizi lé lanje lɛ zia. ’Bé fe a lɛ léé: Mi lé ke Amɛɛn nya, yarapawela wenayezan bozen nya, Kazambale lé fɛ kɛlɛle pélisiale nya, a dére lé ke ’ko: