Wegɔɔnle 22:17 - Kazambale lé Sebe Sauunu 1979

¹⁷ Yé Kazambale Léli valé bosizan léé: ’I da. Yé dé mianzan a ’ma, ’bɛzan ’é ’i da vɔ ma. Mian ’yiminilɔrɔ ke a gyɛna, ’é da ma; yé mian é sɔ a lɛ léé, ’é mivoéyuɛma ’yi si, ’bɛzan a si é pla ma.

Wegɔɔnle 22:17 ပူးပေါင်းရင်းမြစ်များ

Lɛrɛvɔ Sɛbɛ 34:8

Munu lé woo kanaan Gakelebale lee, alé lanje éé yiié wo zi, Yé dé gawe bɔ wo ma, éé wo sié a gi.

Ézai 12:3

Ka dan ka béli’yi’wuo tɔ lɛ Ginanale nya;

Ézai 2:3

Munu é dan go lɛ ana é bu nya é bu nya, yé wo dan a fe lɛ léé: ’Ka da, kaa go Gakelebale lé gɔ nwiin Jakɔb lé Bale lé kɔn ’léé, Yé é ’élé we paa kaa gi, Yé kaa tawo alé zinu ta. Naa, bélidɔwe é dan si lɛ Siɔn, Yé Gakelebale dére é dan si lɛ Jérusalɛm.

Ézai 2:5

Jakɔb lé munu, ’Ka da, kaa tawo Gakelebale lé san va.

Jérémi 50:5

Wo dan Siɔn lé zi ma laa lɛ, wo dan ’wo yara nɔla lɛ a vazia. ’Ka da, ’ka gi pa do Gakelebale va, gipawe lé a glɛ ’ka lo, ’té ka gi ’ka saan a ma monomono lo, a nya.

Ézékiɛl 47:1

É da an nya é ziin kɔn ’léé zia, ’té ’yi éé bɔraan kɔn ’léé pa wuo yirinwanazia. Naa, kɔn yara a yirinwanazia. Yee ’yi éé yoroan, ’té éé goo kɔn valé balebanna bɛyilazia.

Misé 4:2

Bɛn gunu é dan go lɛ ana, yé wo dan a fe lɛ léé: ’Ka da, kaa go Gakelebale lé gɔ nwiin; Kaa go Jakɔb lé Bale lé kɔn gi, Yé é élé zi ta tawole paa kaa gi, Yé kaa tawo alé zinu ta. Naa, bélidɔwe é dan si lɛ Siɔn Yé Gakelebale dére é dan si lɛ Jérusalɛm.

WENÉNÉ LE JAN A GYE (Évangile selon Jean) 1:37

Dé a zuomunu fié dére ’ko ’ma a ta, wo go Jézu zuo.

WENÉNÉ LE JAN A GYE (Évangile selon Jean) 4:10

Jézu lé a lɛ léé: Dé é vo léé i Kazambale lé blɛ dɔɔ, yé maa lé maa a fe i lɛ léé: ’I ’yi nɔ an lɛ maa a mini, dé é vo léé, i an dɔɔ kɔɔn, ’té biibozen é dan mini’yi laa lɛ an lee, yé an dan mibéli’yi nɔ lɛ i lɛ.

WENÉNÉ LE JAN A GYE (Évangile selon Jean) 4:11

Lezan lé a lɛ léé: Mizan, fɛ do kpen ’ka i lee ’yitɔfɛ nya lo, yé ’yiguru gi a baa. I dan mibéli’yi ’ko ye lɛ fɛ kyɛnnaa?

WENÉNÉ LE JAN A GYE (Évangile selon Jean) 4:14

Naa, ’yi lé maa dan a nɔ lɛ munu lɛ, dé mian é ’bɛ ’yi mini, ’yiminilɔrɔ ’ka dan ’bɛzan gyɛ lɛ é dɛrɛ lo. Yé ’yi lé maa dan a nɔ lɛ ’bɛzan lɛ, é dan kinin lɛ ’yi’wuo nya a bɔn gi, yé é dan vo lɛ duunna fɔɔ yé é kɛlɛ munubélifɛ nya, yé wo vo é yuɛma ’té ’bɛ glɛ ’ka dɔa lo.

WENÉNÉ LE JAN A GYE (Évangile selon Jean) 4:29

Mi lé é an kɛlɛwe faa zuo fe an lɛ, ’ka da ’ka ye. Yeean ke Krist nya loo?

WENÉNÉ LE JAN A GYE (Évangile selon Jean) 7:37

Fɛti yi nyaana nya, yee lé é ke fɛti yi blɛn nya, Jézu dɔ loru, yé é siaa léé: Mian ’yiminilɔrɔ ke a gyɛna, ’é da an va ma, yé ’é ’yi mini ma.

Rom munu 3:24

alé zin nya lé wo kɛlɛ tegele é pla, Jézu Krist lé wo tabole we ma.

1 Korent munu 2:12

Dé é a kaa nya, léli lé kaa a ye, é ’ka tɛrɛlamunu léli nya lo, naa, léli lé éé sié Kazambale va, yee lé kaa a ye, wenu lé Kazambale a nɔ kaa lɛ élé zin lé we ma, wo dɔɔle we ma.

Wegɔɔnle 14:13

Yé maa dére do ’ma la gi yé é léé: ’Bé gyɛ léé: É sia bléyi ’ko va, munu lé wo ga Mizan gi, wozé a néné. Kazambale Léli léé: Iin, wa flinna wolé nyanama ma, naa, wo kɛlɛwenu éé goo wo zuo.

Wegɔɔnle 2:7

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian a ’wuo é vo a lɛ, mibéliyili lé é ke Kazambale lé fɛna paradi, maa dan a poro nɔ lɛ a lɛ blefɛ nya.

Wegɔɔnle 21:2

Fla sauun lé ke Jérusalɛm dɛrɛ nya, maa a ye sina la gi Kazambale va yé é zun. A ma a é ’lɛrɛle bélé bosizan lé é ’lɛrɛ é zana lɛ, a zo.

Wegɔɔnle 21:6

É lé an lɛ léé: A kɛlɛle nyaa. Maa ɛ ke Alfa valé Oméga nya, we pélisiana valé we ’wuoplana nya. Mian ’yiminilɔrɔ ke a gyɛna, maa dan mivoéyuɛma ’yi’wuo?-?la’yi nɔ lɛ a lɛ é pla.

Wegɔɔnle 21:9

A zuo, lanje sɔrafié lé, kana sɔrafié ke wo lee, ’té wo ke é fanle migyɛgyɛ sɔrafié voélazannu nya, wo va lanje do we fe an lɛ yé é léé: ’I da, yé bosizan lé é ke ’Blané na nya, maa a nagɔɔn i lɛ.

Wegɔɔnle 22:1

Yuu lé éé mi voo é yuɛma, ’té a yuɛ a sésé bélé vlinvlin wezan zo, ’té éé sié Kazambale valé ’Blané lé webleblin gi bɛ, lanje a gɔɔn an lɛ.

Wegɔɔnle 22:16

Maa Jézu, maa anlé lanje nwunvɔ we ’konu lé we fele ka lɛ we gi, léglizinu gi. Maa ɛ ke David kulu valé a punla nya, bladi monéné bile nya.

Wegɔɔnle 7:17

Naa, ’Blané lé é ke webleblin guru la, é dan wo pa lɛ yé é go wo nya mivoéyuɛma ’yi’wuonu va, yé Kazambale é dan wo yuɛyi faa si lɛ.