Wegɔɔnle 22:16 - Kazambale lé Sebe Sauunu 1979

¹⁶ Maa Jézu, maa anlé lanje nwunvɔ we ’konu lé we fele ka lɛ we gi, léglizinu gi. Maa ɛ ke David kulu valé a punla nya, bladi monéné bile nya.

Wegɔɔnle 22:16 ပူးပေါင်းရင်းမြစ်များ

Ézai 11:1

Izai bɛ do é dan dɔ lɛ é ma bélé yilibɛ zo, yé a suni do é dan fɔn lɛ a ta.

Ézai 14:12

Pɔrɔkunnu monéné, tukini gunu, i si la gi i dia kaa? Bii lé, guliwuo vo i lɛ bɛnnu nwiin, wo i dia tɛrɛ va.

Zakari 6:12

Bé fe a lɛ léma: Lai sunyanu lé Gakelebale léma: Bé ye, mi do lé a tɔ ke mipunla, é dan nɛɛ lɛ élé fɛna, yé é dan Gakelebale lé kɔn dɔ lɛ.

Mi Nɔnɔle 24:17

Maa a yé, naa lao kaan lo, An yuɛ vɔ a ta, naa, é ’ka é pu lo; Monéné si Jakɔb va, Plaminwiinyili nwa Izraɛl va, É dan Moab munu fɔn lɛ ’wo san gi; Yé é dan Sɛt lé nénu faa gyɛ lɛ.

Matio 1:1

Jézu a David valé Abraam kululazan nya. Jézu Krist tranu tɔ nɔnɔle lé ke ’ko:

Matio 2:2

yé wo léé: Né lé wa yaa Juifinu nwiinzan blɛn nya, é a kyɛɛn? Ko alé monéné ye yirinwanazia, amalé ko da a bɔ lɛ.

Matio 22:42

Jézu we laa wo lee léé: Krist lé we dɔ ka gi kaa? É a de ɛ be nyaa? Wa zi pa léé: David be lé.

Matio 22:45

Dé David Krist laa ézan, ’naan, é kɛlɛ kaa yé Krist kɛlɛ David be nyaa?

WENÉNÉ LÉ LUK A GYE (Évangile selon Luc) 1:78

Nyanai zén bli vɔ kolé Bale gi, Amalé é san bi ko la bélé bladi yiri zo,

WENÉNÉ LÉ LUK A GYE (Évangile selon Luc) 20:44

David Krist laa ’ézan ’naan, é kɛlɛ kaa yé Krist kɛlɛ David be nyaa?

Rom munu 15:12

Ézai lé é ziin léé: Izai punla é dan nɛɛ lɛ Yé é dan nwa lɛ yé é dan pla lɛ bɛnnu nwiin; Bɛnnu bli é dan vo lɛ yee ɛ lɛ.

Rom munu 9:5

Abraamnu a wo ɛ tranu nya, yé dé é a Krist lé tɛrɛlakɔlɛ lé we nya, wo ɛ kululazan lé, Krist lé ke fɛnu faa nwiin, ’té é ke Bale lé a drɔɔ ke é vole lɛɛfaama, a nya, wo ɛ kululazan lé. Amɛɛn.

2 Piɛri 1:19

Amalé é a ko gi léé, balelayezannu dére a sɔbɛlawe nya é mini we bɛnu faa ta, yé é a é zima léé, ka tɔné dɔ a lɛ, naa, é a bélé kyɛbɔ lé ke bina gunuti va, a zo, azama. Amalé ’ka tɔné dɔ a lɛ fɔɔ yé tukinibléyi é bɔ yé bladi monéné é nwa ka bli gi.

Wegɔɔnle 1:1

We lé Kazambale a gɔɔn Jézu Krist lɛ, yee lé ke ’ko. Wenu lé wo bɔle ’ka vo lɛ baa lo, Kazambale a gɔɔn a lɛ, alé wo gɔɔnle é wuomunu lɛ we gi. É a nagɔɔn élé lanje nwunvɔle nya, maa a wuozan Jan lɛ.

Wegɔɔnle 1:11

Dé i wean ye, ’bé gyɛ sɛbɛ ta yé ’bé pa léglizi sɔrafié lé wo ke Éfɛz koo, Simii koo, Pɛɛgam koo, Tiatii koo, Saad koo, Filadɛfi koo, Laodisé koo, wona bɛ, wo lɛ zia.

Wegɔɔnle 1:4

’Kaa léglizi sɔrafié lé ka ke Azi tɛrɛ la, an we ka va. Maa Jan ɛ ke sɛbɛ ’ko gyɛna ka lɛ. Mi lé é ke, ’té é ke ana é kyɛn, ’té é dan bɛ, yee koo, léli sɔrafié lé é ke alé webleblin ’lɛ, wo koo, Jézu Krist lé é ke yarapawela wenayezan, gamunu va nwazan vininzan, tɛrɛlamunu nwiinzannu ’é nwiinzan nya, yee koo, ’wo zin kɛlɛ ka lɛ yé ’wo ka vo drɔɔ ma. Mi lé kaa sɔa a lɛ, ’té é kaalé wenyané si kaa lee é nyɛ nya,

Wegɔɔnle 2:11

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian we ’ko ’wuo vo a lɛ, a gulii ’ka dan ga lɛ lo.

Wegɔɔnle 2:17

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian we ’ko ’wuo é vo a lɛ, maa dan mana yɔɔle nɔ lɛ a lɛ, yé maa dan gɔlɛ fu nɔ lɛ a lɛ; ’té tɔ dɛrɛ a é gyɛle gɔlɛ ’ko ta, mi do ’ka a dɔɔa lo, ’té dé é ’ka mian wa nɔ a lɛ, a nya lo.

Wegɔɔnle 2:7

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian a ’wuo é vo a lɛ, mibéliyili lé é ke Kazambale lé fɛna paradi, maa dan a poro nɔ lɛ a lɛ blefɛ nya.

Wegɔɔnle 22:1

Yuu lé éé mi voo é yuɛma, ’té a yuɛ a sésé bélé vlinvlin wezan zo, ’té éé sié Kazambale valé ’Blané lé webleblin gi bɛ, lanje a gɔɔn an lɛ.

Wegɔɔnle 22:11

Mi lé é ke mi ple nya, ’é vo élé weple gi; mi lé a tiri ke é dɔle, ’é vo é tiridɔle gi; mi tegele ’é vo élé we tegele kɛlɛna; mi lé é ke sauun ’é vo duowo sauun.

Wegɔɔnle 22:20

Mi lé é ke we ’konu fena, é léé: Iin, an dale bɔ é pu. Amɛɛn! Mizan Jézu, ’i da.

Wegɔɔnle 22:6

É lé an lɛ léé: We ’ko a sɔbɛlawe nya, yé é a webozen nya; yé Mizan, balelayezannu lélinu zé Bale, é ’élé lanje nwunvɔ wenu lé wo kɛlɛbléyi bɔ é pu, wo nagɔɔnle we gi ’é wuozannu lɛ.

Wegɔɔnle 3:13

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma.

Wegɔɔnle 3:22

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma.

Wegɔɔnle 3:6

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma.

Wegɔɔnle 5:5

Mi segelenu va mi do lé an lɛ léé: Té i wuvɔ lo; bé ye, Juda bɛn lé golizra, David Punla, a ’wuo vo a lɛ, alé sɛbɛ lɛ sole valé zɔrɔkaanyɔɔ sɔrafié bɔile we gi.