Wegɔɔnle 22:14 - Kazambale lé Sebe Sauunu 1979

¹⁴ Munu lé woo ’wolé sɔnu zuruwo, mibéliyiliporo blele se valé wɔrale fla ’léé zia se yele we gi, wozé a é zima.

Wegɔɔnle 22:14 ပူးပေါင်းရင်းမြစ်များ

Wepélisiananu 2:9

Yé Bale, Gakelebale yili gɔnɔ faa si tɛrɛ gi; yili nɔnɔmi lé wo poro ke blefɛ zimanu nya, wo gɔnɔ faa lé; mibéliyili a féi méléna, yé wezin valé wenyané vasiyili ana é ziin.

Wepélisiananu 3:22

Bale, Gakelebale léé: Ka a yé loo? Mi kɛlɛ bélé kaa va mi do zo yé é wezin valé wenyané vasina dɔɔ. Naa, kaa mibéliyili poro sole yi ga a lee, dé é da ’bɛ ble yé é vo é yuɛma lɛɛfaama, ’té ’bɛ glɛ ’ka dɔa lo.

Lɛrɛvɔ Sɛbɛ 112:1

’Ka Gakelebale tɔ zin fe. Mian éé kanaan Gakelebale lee, ’Té alé bélidɔwenu sɔ a lɛ é baba, azé a néné.

Lɛrɛvɔ Sɛbɛ 118:20

Gakelebale lé kɔn ’léé lé é ke ’ko: Ana lé mi tegelenu éé wɔraan.

Fwile 19:10

Gakelebale lé Moizi lɛ léé: ’I go munu va; ’i wo kɛlɛ é zima kyɔ valé tɛlɛ; ’wo ’wolé sɔnu zuru ma.

Daniɛl 12:12

Mian é a lɛbɛn fɔɔ yé a yi wuru suiɛdo yɔ suiɛdo wɔlɛ vu ta soruzan bɔ, ’bɛzan zé a néné.

WENÉNÉ LE JAN A GYE (Évangile selon Jean) 10:7

Jézu lé é ziin wo lɛ léé: Maa fe ka lɛ kyɔ webozen nya, maa a ’bla gɔrɔ ’léé nya.

WENÉNÉ LE JAN A GYE (Évangile selon Jean) 10:9

Maa a gɔrɔ ’léé nya. Dé mian é wɔra an vazia é dan si lɛ we gi; é dan wɔra lɛ, yé é dan bɔra lɛ, yé é dan fɛblelenu ye lɛ.

WENÉNÉ LE JAN A GYE (Évangile selon Jean) 14:15

Dé an sɔ ka lɛ, ’ka anlé bélidɔwenu kɛlɛ ma.

WENÉNÉ LE JAN A GYE (Évangile selon Jean) 14:6

Jézu lé a lɛ léé: Maa lé ke zi koo, webozen koo, vole é yuɛma koo, wo nya. Mi do kpen ’ka dan an Ti va lo, ’té dé é ’ka gié lɛ an va lo.

WENÉNÉ LE JAN A GYE (Évangile selon Jean) 4:12

Ko tra Jakɔb lé, é ’yiguru ’ko nɔ ko lɛ, ’té yeebozen koo, a benu koo, alé trubɛnu koo, wo ’yi mini a gi bɛ, i blɛn mini a lɛɛ?

1 Korent munu 7:19

Dé wo mi gane dɔoo, dé wo ’ka a gane dɔ lɛ looo, ’bɛ ’ka we do nya lo; Kazambale lé bélidɔwe kɛlɛle ɛ ke we blɛn nya.

1 Korent munu 8:9

Naa, ’ka yuɛ pa kabozen va duowo, dé ka vole kaboma é da kɛlɛ mi tɔɔtɔɔnu saanwe nya.

1 Korent munu 9:5

A se ’ka ko lɛ léé, ko Krétiɛn le si ko na nya, yé ko go wo nya bélé fɛan zo lé nwunvɔzan pɔnénu koo, Mizan zuanénu koo, Séfa koo, wo ke a kɛlɛna, a zo loo?

Galasi munu 5:6

Dé mi a Jézu Krist gi, ganedɔle valé ganedɔlo tɔnɔ ’ka lo; naa, blipale lé éé we kɛla sɔlɛle nya, yee ɛ tɔnɔ ke.

1 Jan 3:3

Yé dé miomian a bli ke Jézu dale lɛ, ’bɛzan é ébozen kɛla sauun, bélé fɛan zo lé Jézu ke sauun, a zo.

1 Jan 5:3

Kazambale va sɔlɛle ɛ ke alé bélidɔwe kɛlɛle nya, yé alé bélidɔwe kɛlɛle ’ka tɔntɔn lo;

Wegɔɔnle 2:7

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian a ’wuo é vo a lɛ, mibéliyili lé é ke Kazambale lé fɛna paradi, maa dan a poro nɔ lɛ a lɛ blefɛ nya.

Wegɔɔnle 21:12

Alé gɔrɔ poo ’léé a blɛn yé é a é torole. A ’léé a vu ta fié yé lanjenu a é dɔle a ’léé do do, yé Izraɛl benu bɛngɔnɔ vu ta fié tɔ a é gyɛle alé duoli vu ta fié ta do do.

Wegɔɔnle 21:27

Fɛ tirizan do ’ka dan wɔra lɛ ’bɛna lo; munu lé ’wobo nɔ wenaané naané kɛlɛle valé vié lɛ, wo va mi do kpen ’ka dan wɔra lɛ ’bɛna lo; munu lé wo wo tɔ gyɛ ’Blané lé mibélilenu tɔgyɛlasɛbɛ gi, wo saa ɛ dan wɔra lɛ ’bɛna.

Wegɔɔnle 22:2

Éé yoroan fla vuun méléna. Mibéliyili a é dɔle yee yuu gɔ fié la; éé poro yuɛɛ do do baan gɔnɔ vu ta fié, moné ma moné ma, yé a laanu a bɛnnu bélifɛ nya.

Wegɔɔnle 22:7

Yé bé ye, an dale bɔ é pu. Mi lé éé tawoo dére ’konu valé sɛbɛ ’ko lé balelayewe ta, azé a néné.

Wegɔɔnle 7:14

Maa lé a lɛ léé: Anzan, bii ɛ ’bɛ gi dɔɔ. É lé an lɛ léé: Wa munu lé wo si nyané blɛn gi, wo nya; wo ’wolé sɔnu zuru ’Blané nyɛ nya yé wo kɛlɛ fu tata.