Wegɔɔnle 22:12 - Kazambale lé Sebe Sauunu 1979

¹² Bé ye, an dale bɔ é pu, yé mi banwofɛnu a an lee, munu banwole we gi do do wo kɛlɛwenu yɛrama.

Wegɔɔnle 22:12 ပူးပေါင်းရင်းမြစ်များ

JOB (Job) 34:11

Éé we kɛla blami lɛ a kɛlɛwenu yɛrama, Éé mi faa do do banwo é giégane yɛrama.

Lɛrɛvɔ Sɛbɛ 28:4

’I we lɛgi pa wo ma wo kɛlɛwenu yɛrama, yee valé wolé wenaanénu kɛlɛle yɛrama, ’I we lɛgi pa wo ma wo bɛ panyanama yɛrama; Wo gooli lé a yara lé wa ye, bé nɔ wo lɛ ma.

Ézai 40:10

Ka ye, Mizan Gakelebale a dana élé plɛplɛ nya; Éé plaan munu nwiin é bɛ plɛplɛ nya. Ka ye, ka banwofɛ a a lee, Éé ka gooli paan zia, yé yeeboen éé dan a zuo.

Ézai 62:11

We lé Gakelebale a zana dɔɔ fɔɔ tɛrɛ glɛ sina, yee lo; É léé, ’Ka fe Siɔn munu lɛ léé, Ka yua, ka siwegizan lé é dan bɛ; Ka ye, ka gooli a a lee, Yé a ’lɛvlɛ lé ke mibanwole nya.

Jérémi 17:10

Maa, Gakelebale, maa mi bli gi daan, maa mi gi kulian, Léé, an mi do do faa banwo wolé tawobɛ yɛrama, É valé wo panyanamanu yɛrama.

Sofoni 1:14

Gakelebale lé yi blɛn bɔ é pu. É bɔ é pu, é a biéna kelekele. Gakelebale lé yi a é dére wena, yé nyanazannu éé siaan klebledére nya.

Matio 16:27

Maa blami Be, an dan da lɛ an Ti lé fua tɔbɔle nya, é valé alé lanjenu nya, yé maa dan mi faa gooli pa lɛ do do wo kɛlɛwenu yɛrama.

Rom munu 14:12

’Ko zo lé kaa faa va mi do do é dan ébozen kɛlɛwe nɔnɔ lɛ Kazambale lɛ.

1 Korent munu 3:14

Mian é kɔn dɔ kɔngane ’ko ta, yé é vo ana, a dɔzan é dan é gooli ye lɛ.

1 Korent munu 3:8

Mian éé fɛ vɔa koo, mian éé ’yi zén‐é a ta koo, wolé we a do, yé wo dan wo fiénu banwo lɛ wo panyanama yɛrama.

Wegɔɔnle 11:18

Bɛnnu bli fli; yé izé bliflile nwa yé migalenu lé weblebléyi bɔ; i wuozan balelayemunu koo, Kazambale lé munu koo, mi kiénénu valé mi segelenu lé woo kanaan i tɔ lee koo, wo faa goolipabléyi bɔ, yé tɛrɛ sɛrɛmunu kulugabléyi bɔ.

Wegɔɔnle 2:23

Maa dan alé nénu gyɛ lɛ; yé léglizinu faa é dan a gi dɔɔ lɛ léé, maa ɛ munu bli valé wo gibɔrɔle naginian, yé maa dan ka faa do do banwo lɛ ka kɛlɛwenu yɛrama.

Wegɔɔnle 20:12

Yé maa migalenu ye, mi blɛnnu valé mi planu, ’té wa é dɔle webleblin ’lɛ. Wo sɛbɛnu fuo. Yé wo sɛbɛ do fuo é ziin, ’bɛ ɛ ke mibélilenu tɔgyɛlasɛbɛ nya. Yé wo migalenu lé we ble ’wo kɛlɛwe yɛrama, wenuan wo ke é gyɛle sɛbɛ ’konu gi, a yɛrama.

Wegɔɔnle 22:20

Mi lé é ke we ’konu fena, é léé: Iin, an dale bɔ é pu. Amɛɛn! Mizan Jézu, ’i da.

Wegɔɔnle 22:7

Yé bé ye, an dale bɔ é pu. Mi lé éé tawoo dére ’konu valé sɛbɛ ’ko lé balelayewe ta, azé a néné.

Wegɔɔnle 3:11

Bé ye, an dan da lɛ é kele. Fɛ lé é ke i lee, ’i kun a ma kli, té mi do kpen ilé tɔkoro si i lee lo.