Wegɔɔnle 21:8 - Kazambale lé Sebe Sauunu 1979

⁸ Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Wegɔɔnle 21:8 ပူးပေါင်းရင်းမြစ်များ

Wegɔnévɔlenu 19:5

Vié wenayezan ’ka dan vuru lɛ we lɛdɔle é gi ma lo, yé mi lé éé vié woo, é ’ka dan so lɛ we lee lo.

Wegɔnévɔlenu 19:9

Vié wenayezan ’ka dan vuru lɛ we lɛdɔle é gi ma lo; yé mi lé éé vié woo é dan zamaga wo lɛ.

Ézai 51:12

Maa, maa ɛ ke ka tɔrɔpaazan nya. Mi kaa lé i nya, blami lé ke bélé lu zo, ’Té é dan ga lɛ bɛ, yé i kana a lee?

Ézai 57:11

Ka a kanana de ɛ lee yé ka gɔné bɛ ginian an wuo yé an sele ’ka dɔa ka gi lo, yé ka ’ka ka gi bɔrɔan an ma loo? An tadɔna ka zi ’ka mɔn lɛ loo? Bɛwemalé ka ’ka kanaan an lee lo.

Ézai 9:15

Munu ’ko lé zigɔɔnzannu ’wo saan, yé munu lé wo yee zi gɔɔnle ’wo lɛ nyi si, wo saan.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

Matio 10:28

Wo lé woo mi kɔlɛ gya, yé wo ’ka bɔa miboen gyɛle lɛ lo, té ka kana wonu lee lo. Mi lé éé bɔa miboen valé mi kɔlɛ gyɛle lɛ jéɛna kyɛ plɛplɛ va, a fila vɔ léé, ka kana ’bɛzan lee.

Matio 25:25

An kana yé an go ilé talan yɔɔ lɛ tɛrɛ gi; bé ye, ilé fɛ lo, bé si.

Matio 8:26

Yé é lé wo lɛ léé: Bli pa Bale lɛ kiénézannu, mɛmalé ka a kananaa? Yé é nwa, yé é siaa fu valé wɛyi ta yé fɛ faa vɔ drɔɔ.

Maak 9:44

fɛana lé wo ziri ’ka gaan monomono lo, yé kyɛ ’ka dirian monomono lo, ana.

WENÉNÉ LE JAN A GYE (Évangile selon Jean) 8:44

Ka ti a yonufaatagɔné nya, yé é sɔ ka lɛ léé, ka ka ti lé blibɔmawe kɛlɛle lɛ sɔɔ. A pélisia bléyi va fɔɔ kyɔ é a migyɛzan nya yé é ’ka dɔa wezen zuo lo. Wezen ’ka a gi lo, ’bɛzama. É a viéwozan nya, yé é a vié faa ti nya, bɛwemalé dé é a vié wona, ’té é a ébo dére vɔna.

Bélidɔwesɛbɛ Fiézan 20:8

Guli zilɛzannu é dan vo lɛ we fena munu lɛ léé, kana a mi kyɛn gi yé a fuu si a taa? ’É diéra yé ’é go ’élé kɔn ’léé, té fuu ’é si a bwenu ta bélé azé zo lo.

2 Tɛsalɔnik munu 2:9

Bale lé zi ma wenyané fezan ’ko bɔrale a Satan lé nyanama nya, yé gyɛzorowenu gɔnɔ faa koo, tɔmasenu koo, viéwe blɛnblɛnnu koo,

1 Timoté 4:2

Yo ’konu é dan nyanama pa lɛ munu lé woo viéwe paan munu gi, ’té woo wobo drɔan, wo nya. Wolé wevasibli a wo gi bélé wi lé wa pla kyɛ ta, a gale zo kwa?-?koroo.

Tite 1:16

Woo we fé ’wo lɔlu nya léé, ’wo Kazambale dɔɔ, naa, wo sɔn vɔa a ma wo kɛlɛwenu nya. Wa we gin dɔle kɛlɛzannu valé tɔnégiplɛplɛzannu nya, yé wo ’ka bɔa wezin do kpen kɛlɛle lɛ lo.

Ébrunu 12:24

Jézu lé é ke gipawe dɛrɛ gizan nya, yee koo, Jézu nyɛ lé é nwɛɛn yé a zuowe fila vɔ é mini Abɛl zé ta bɛ, yee koo, wo sɔnɔ lé ka ke é biéle.

Ébrunu 13:4

Munu faa ’é kalé le sile valé bo sile tɔ zin fe ma; té kalé yialafɛ tiri ’é dɔ lo ma. Naa, pɛnpɛnnégyɛzannu koo, le bɛ valé gɔné bɛ ginizannu koo, Kazambale é dan wolé we ble lɛ.

1 Jan 2:22

Viézan lé é ke de nyaa? É ’ka mian é léé, Jézu ’ka Krist nya lo, yee ɛ nya loo? Yé mi lé, é léé, Kazambale ’ka Jézu Ti nya lo, yé Jézu ’ka Kazambale Be nya lo, yee ɛ ke Kristmazan nya.

1 Jan 3:15

Dé mianzan bwe za ke é gi, ’té ’bɛzan a migyɛzan nya. Yé ka a gi dɔɔ léé, vole é yuɛma lé a glɛ ’ka lo, é ’ka migyɛzan do kpen zé nya lo.

1 Jan 5:10

Mian é bli vo Kazambale Be lɛ, yee wenayedére ’ko a ’bɛzan gi. Yé mian é ’ka é bli voo Kazambale lɛ lo, é a Bale kɛlɛna viézan nya. É ’ka é bli vo lɛ Kazambale lé wenayedére lé é a fe é Be ma bɛ, a lɛ lo, azama.

Wegɔɔnle 14:10

yee é ziin, é dan Kazambale lé bliflile mini lɛ bélé nwɛ zo. Bliflile ’ko ’ka é vɔɔle lo, é a Kazambale lé bliflile zéngikana gi, yé azan é dan a mini lɛ, yé é dan nyané ble lɛ kyɛ valé povun kyɛ va, lanje sauunnu valé ’Blané yuɛ va.

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.

Wegɔɔnle 2:11

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian we ’ko ’wuo vo a lɛ, a gulii ’ka dan ga lɛ lo.

Wegɔɔnle 2:2

I kɛlɛwenu koo, ilé nyanama koo, i yara pale we la koo, maa wo dɔɔ. Maa a gi dɔɔ léé, i ’ka bɔa dɔle lɛ mi nyanénu lé we nyi wuo lo; munu lé, wo léé, ’wa nwunvɔmunu nya ’té wo ’ka a nya bɛ lo, i wo gi dan yé i wo ye viémunu nya.

Wegɔɔnle 21:27

Fɛ tirizan do ’ka dan wɔra lɛ ’bɛna lo; munu lé ’wobo nɔ wenaané naané kɛlɛle valé vié lɛ, wo va mi do kpen ’ka dan wɔra lɛ ’bɛna lo; munu lé wo wo tɔ gyɛ ’Blané lé mibélilenu tɔgyɛlasɛbɛ gi, wo saa ɛ dan wɔra lɛ ’bɛna.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.

Wegɔɔnle 9:17

’Ko zo lé maa wisoonu valé wotazannu ye yuɛzi gi, wo golɛtayɔɔfɛ yuɛɛ a bélé kyɛ koo, yasɛnt gɔlɛ koo, povun koo, wo yuɛɛ zo. Wisoonu ’wuo a bélé golizranu ’wuo zo; kyɛ koo, kyɛgoi koo, povun kyɛ koo, ’té éé bɔraan wo ’léé.

Wegɔɔnle 9:21

wolé migyɛle koo, wolé yo kɛlɛle koo, wolé pɛnpɛnné gyɛle koo, wolé kyeenwole koo, wo ’ka ’wo bli nɔla lɛ ’bɛnu kɛlɛle ma lo.

Weblezannu 7:3

Bɛwemalé bé fe munu lɛ léé, mi lé kana ke a gi, ’té di a é kinile a gi, ’é diéra yé ’é si Galaad gɔ ma baa. Munu va mi baa vu ta do diéra yé mi baa soru vo.