Wegɔɔnle 21:7 - Kazambale lé Sebe Sauunu 1979

⁷ Mian we ’ko ’wuo vo a lɛ, é dan fɛ ’konu ye lɛ ézé tɔnɔ nya; maa dan kɛlɛ lɛ alé Bale nya yé é dan kɛlɛ lɛ an be nya.

Wegɔɔnle 21:7 ပူးပေါင်းရင်းမြစ်များ

Wepélisiananu 17:8

Tɛrɛ lé i ke é nyanale a ta bɛn nya ’ko, maa dan a nɔ lɛ bii valé ilé nénu lé wo dan kɛlɛ lɛ i zuo bɛ, wo lɛ. Maa dan Kanaan tɛrɛ faa nɔ lɛ wo lɛ wozé nya lɛɛfaama, a glɛ ’ka lo, yé maa dan kɛlɛ lɛ wolé Bale nya.

2 Samuɛl 7:14

Maa dan kɛlɛ lɛ a ti nya yé é dan kɛlɛ lɛ an be nya. Dé é wenyané kɛlɛ, maa dan we lɛ dɔ lɛ a gi munu lé plén valé munu lé fɔlɛ nya;

Lɛrɛvɔ Sɛbɛ 89:26

Maa dan a bɛ pla lɛ wɛyi ta, Yé a bɛyi é dan pla lɛ yuunu ta.

Wegɔnévɔlenu 3:35

wedɔɔzannu é dan tɔ ye lɛ wozé nya, naa, yaragyɛwe é dan kɛlɛ lɛ ’tugyɛzannu zé nya.

Ézai 65:9

Maa dan Jakɔb kulu kɛlɛ lɛ, yé maa dan an zaragɔ kɛlɛ lɛ Juda punlazan do zé nya; munu lé maa wo si a va, tɛrɛ ’ko é dan kɛlɛ lɛ wozé nya, yé an wuozannu é dan nyana lɛ ana.

Zakari 8:8

Maa dan da lɛ wo nya, yé wo dan nyana lɛ Jérusalɛm; wo dan kɛlɛ lɛ anlé munu nya, yé maa dan kɛlɛ lɛ wolé Bale nya, webozen valé wedrɔle kɛlɛle nya.

Matio 19:29

Dé miomian é daan élé fɛnu ma an tɔ lé we ma, dé alé kɔnnu léé, dé a bwenu léé, dé a burunu léé, dé a ti léé, dé a bu léé, dé a na léé, dé alé nénu léé, dé alé tɛrɛnu léé, dé miomian é daan fɛ ’konu ma an tɔ lé we ma, é dan wo lɛgi ye lɛ gɔnɔ yɔ soru, yé é dan vo lɛ é yuɛma lɛɛfaama a glɛ ’ka lo. Tɔnɔ lé é dan a ble lɛ, yee lé ke bɛ.

Matio 25:21

Azan lé a lɛ léé: An wuozan zima, yarapawelazan, ’bɛ a é zima. I kɛlɛ yarapawelazan nya we kiéné ’ko gi, amalé maa dan fɛ kiɛre bɛ pa lɛ i lee; ’i da, ’i nyana an va, yé ko gi ’é nana ékeva.

Matio 25:34

Yé maa minwiinzan ’é dan a fe lɛ an bɛyilazannu lɛ léé: Ka lé an Ti ka drɔɔ vo, ’ka da; tɔnɔtɛrɛ lé é a kɛlɛ kazé nya tɛrɛ pélisia bléyi va, ’ka nyana ana.

Maak 10:17

Dé Jézu a zi siana, gɔné do da vlan nya a va, yé é zun é powuo la a ’lɛ, yé é we laa a lee léé: Anzan zin, maa kɛla kaa yé an vo é yuɛma lɛɛfaama yé a glɛ ’ka dɔa loo?

Rom munu 8:14

naa, munu faa lé Kazambale Léli éé goo wo nya, wo ɛ ke Kazambale benu nya.

Rom munu 8:19

Kazambale kɛlɛfɛnu faa é ziin, wa Kazambale benu nagɔɔnle lɛbɛnna bli pɛpɛ nya.

2 Korɛnt Munu 6:16

Kazambale bangikɔn valé miyilinu, ’bɛnu éé nanaan? Naa, ko a Bale yuɛmale lé kɔn nya, bélé fɛan zo lé Kazambale a fe, a zo. É léé: Maa dan nyana lɛ wo va, yé maa dan tawo lɛ wo méléna; maa dan kɛlɛ lɛ wolé Bale nya, yé wo dan kɛlɛ lɛ anlé munu nya.

2 Korɛnt Munu 6:18

Yé maa dan kɛlɛ lɛ ka Ti nya, Yé ka dan kɛlɛ lɛ an benu valé an lunu nya. Yee lé Mizambale Plɛplɛfaazan a fe.

Ébrunu 8:10

Naa, Mizambale léé: Gipawe lé maa dan a kɛlɛ lɛ Izraɛl munu va Yi ’konu zuo, yee lé é ke ’ko: Maa dan anlé bélidɔwenu pa lɛ wo ’wuo gi, Maa dan wo gyɛ lɛ wo bli gi Yé maa dan kɛlɛ lɛ wolé Bale nya, Yé wo dan kɛlɛ lɛ anlé munu nya.

1 Piɛri 3:9

Té ka wenyané lɛgi pa wenyané nya lo; yé té ka sɔnɔ lɛgi pa sɔnɔ nya lo; naa, ’ka munu drɔɔ vo, alé we ma lé wo ka laa, kaboen drɔɔ vole we gi.

Wegɔɔnle 2:11

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian we ’ko ’wuo vo a lɛ, a gulii ’ka dan ga lɛ lo.

Wegɔɔnle 2:17

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian we ’ko ’wuo é vo a lɛ, maa dan mana yɔɔle nɔ lɛ a lɛ, yé maa dan gɔlɛ fu nɔ lɛ a lɛ; ’té tɔ dɛrɛ a é gyɛle gɔlɛ ’ko ta, mi do ’ka a dɔɔa lo, ’té dé é ’ka mian wa nɔ a lɛ, a nya lo.

Wegɔɔnle 2:25

naa, yee lé é ke ka lee, ’ka kun a ma kli fɔɔ yé an da.

Wegɔɔnle 2:7

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian a ’wuo é vo a lɛ, mibéliyili lé é ke Kazambale lé fɛna paradi, maa dan a poro nɔ lɛ a lɛ blefɛ nya.

Wegɔɔnle 21:3

Yé maa dére plɛplɛ do ’ma, é si webleblin va yé é léé: Kazambale nyanana kɛlɛ munu va sin. É dan vo lɛ wo va, yé wo dan kɛlɛ lɛ alé munu nya, yé Kazambale bozen é dan kɛlɛ lɛ wo va.

1 Samuɛl 2:8

Éé nyanégyɛzan sié vun va, Éé lee korozan sié bli la, Wo nyanale mi blɛnnu va we gi, Éé nyanana zima no wo lɛ wozé nya. Naa, tɛrɛ lé wɛyili a Gakelebale lee, Yé wo ta lé é tɛrɛ dɔra.