Wegɔɔnle 21:27 - Kazambale lé Sebe Sauunu 1979

²⁷ Fɛ tirizan do ’ka dan wɔra lɛ ’bɛna lo; munu lé ’wobo nɔ wenaané naané kɛlɛle valé vié lɛ, wo va mi do kpen ’ka dan wɔra lɛ ’bɛna lo; munu lé wo wo tɔ gyɛ ’Blané lé mibélilenu tɔgyɛlasɛbɛ gi, wo saa ɛ dan wɔra lɛ ’bɛna.

Wegɔɔnle 21:27 ပူးပေါင်းရင်းမြစ်များ

Lɛrɛvɔ Sɛbɛ 101:8

Bladi faa do do ma, maa dan wenyanékɛlɛzannu sɛrɛ lɛ tata, Weplekɛlɛzannu nyaale Gakelebale lé fla we gi.

Fwile 32:32

Sin, ’i wo ma we vo. Dé ’bɛ kaan lo, ’i an tɔ fwi ilé sɛbɛ lé bé gyɛ, a gi.

Ézai 35:8

Wo dan zi do pla lɛ ana gbéin nya; Zi ’ko, wo dan a laa lɛ Bale lé zi tinle. Mi tiridɔle do kpen ’ka dan gié lɛ ana lo; é dan kɛlɛ lɛ wo saa zé nya; Munu lé wo ke tawona zi ’ko ta, dé wa ’tugyɛzan boen nyaoo, wo ’ka dan saan lɛ a ’léé lo.

Ézai 52:1

Siɔn munu, ’ka vuo‐oo, ’ka vuo. ’Ka ’lɛrɛfɛ zén ka ta é ziin. Fla sauun Jérusalɛm, ’ka fɛtikɛlɛ?-?varɔ zén ka ta. Naa, mi lé a gane ’ka é dɔle lo, ’bɛ valé mi tiridɔle ’ka dan wɔra lɛ i va é dɛrɛ lo.

Ézai 60:21

Mi tegele saa ɛ dan kɛlɛ lɛ i va; Ana tɛrɛ é dan vo lɛ wozé nya yifaama; Munu ’ko lé maa wo suru, wo dan fɔn lɛ a la, An wo kɛlɛ an tɔbɔzannu nya.

Ézékiɛl 44:9

Mizan Gakelebale léma: Bɛnnu lé wo bli ’ka é sile ’wo kɛlɛwe kyɛn lɛ lo, ’té wo gane ’ka é dɔle lo, wo vazan do kpen ’ka dan wɔra lɛ anlé fɛna tinle na lo. Bɛnnu lé wo dan nyana lɛ Izraɛlnu méléna, wo vazan do kpen ’ka dan wɔra lɛ ana lo.

Joɛl 3:17

Yé ka dan a gi dɔɔ lɛ léé, maa a Gakelebale, kalé Bale nya, ’Té an nyanaan anlé gɔ ’lɛzan Siɔn nwiin. Jérusalɛm é dan kɛlɛ lɛ é tinle Yé bɛnnu ’ka dan gié lɛ ana é dɛrɛ lo.

Lévinu 13:46

Bléyi faa lé gyɛ ke a ma, ’té a tiri a. A tiri a é dɔle, amalé é dan nyana lɛ é do. A nyanana é dan kɛlɛ lɛ fla gini ma.

Zakari 14:21

Jérusalɛm valé Juda tɛrɛ faa la, lɛedaa faa é dan kɛlɛ lɛ lai sunyanu lé Gakelebale zé nya. Munu faa lé wo da Bale ban lɛ, wa sié yé wo winu dɔne wo gi. Yé yaawomunu ’ka dan kɛlɛ lɛ lai sunyanu lé Gakelebale lé kɔn gi é dɛrɛ lo. A zo lé é dan kɛlɛ lɛ ’bɛ yi la.

Mi Nɔnɔle 12:15

Mari vo fla gini ma yi sɔrafié, yé munu ’ka soowɔla lɛ lo fɔɔ yé Mari wɔra wo va.

Mi Nɔnɔle 5:3

Dé é a gɔné nyaoo, dé é a le nyaoo, ’ka wo bin; ’ka wo bin sɔkɔn dɔna, sɔkɔn dɔna lé anzé nyanana ke a méléna ’ko, té a sɔnné sɛrɛ lo we gi.

Matio 13:41

Maa blami Be, an dan anlé lanjenu pa lɛ zia yé wo dan misaanwenu valé weplekɛlɛmunu faa si lɛ anlé munu méléna;

Maak 7:2

Yé wa ye léé, a zuomi kenu fɛ ble ’wo bɛ ma tiri nya, ’bɛ gi léé, wo ’ka ’wo bɛ ma foli lɛ lo.

WENÉNÉ LÉ LUK A GYE (Évangile selon Luc) 10:20

Naa, té ka gi é nana léé, yonu a é plale ka wuo lo; naa, ka gi ’é nana léé, ka tɔ a é gyɛle la gi.

Éfez munu 5:5

Naa, ’ka a dɔɔ é zima ma, dé é a pɛnpɛnnégyɛzan nyaoo, dé é a we tiridɔle kɛlɛzan nyaoo, dé é a bli bɔ gɔɔli mazan nyaoo, ’bɛ gi léé, miyilibɔzan, ’bɛnu va mi do kpen ’ka dan tɔnɔ ble lɛ Krist valé Kazambale lé fuatɛrɛ la lo.

Filip munu 4:3

Yé bii é ziin, an bɔluzan yarapawelazan, iin, ilé zanté, naa, lomu lé wo pa an va Wenéné fele lé guli danna bɛ, wo valé Kléman koo, an va nyanama pa béé bɛnu lé wo tɔ ke é gyɛle mi bélilenu tɔ gyɛlasɛbɛ gi koo, ’i bɔ wo va.

1 Timoté 1:10

pɛnpɛnnégyɛzannu koo, wizowe kɛlɛmunu koo, miyaawozannu koo, viéwozannu koo, munu lé woo bale ’nyɔɔn‐an vié nya koo, munu faa lé woo dɔa wepaale tegele ma koo, wo bélidɔwe kɛlɛ wo ɛ lé we ma.

Ébrunu 12:14

’Ka kwa kuli yé ka vo mi faa va drɔɔ, yé ’ka kɛlɛ sauun. Dé mi ’ka kɛlɛ lɛ sauun lo, é ’ka dan Mizambale ye lɛ lo.

2 Piɛri 3:13

Naa, alé blivolɛdére yɛrama lé kaa ke la dɛrɛnu valé tɛrɛ dɛrɛ lɛbɛnna, ’bɛna lé we tegele é dan kɛlɛ lɛ.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.

Wegɔɔnle 20:12

Yé maa migalenu ye, mi blɛnnu valé mi planu, ’té wa é dɔle webleblin ’lɛ. Wo sɛbɛnu fuo. Yé wo sɛbɛ do fuo é ziin, ’bɛ ɛ ke mibélilenu tɔgyɛlasɛbɛ nya. Yé wo migalenu lé we ble ’wo kɛlɛwe yɛrama, wenuan wo ke é gyɛle sɛbɛ ’konu gi, a yɛrama.

Wegɔɔnle 20:15

Munuan wo tɔ ’ka é gyɛle mibélilenu tɔgyɛlasɛbɛ gi lo, wo wo vuli yee kyɛ blɛn ’ko ɛ va.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Wegɔɔnle 3:5

Mian we ’ko ’wuo vo a lɛ, wo dan sɔ fu zén lɛ a ta; yé maa ’ka dan a tɔ fwi lɛ mi bélilenu tɔgyɛla sɛbɛ gi lo, yé maa dan a tɔ bɔra lɛ an Ti valé élé lanjenu yara.