Wegɔɔnle 21:23 - Kazambale lé Sebe Sauunu 1979

²³ Fla mawe ’ka yiri valé moné gi é ta kinile we gi lo, naa, Kazambale lé fuasan ɛ a ta kinié, yé ’Blané ɛ ke alé sona nya.

Wegɔɔnle 21:23 ပူးပေါင်းရင်းမြစ်များ

Lɛrɛvɔ Sɛbɛ 84:11

Dé mi yi do kɛlɛ ilé gɔrɔ gi, ’bɛ fila vɔ, é mini yi wuru soru lé mi a kɛla fɛ bɛna, a ta. Dɔle anlé Bale lé kɔnpa la fila vɔ É mini nyanale mi nyanénu lé sɔkɔn gi lɛ.

Ézai 2:10

’Ka wɔra gɔlɛkoro gi yé ’ka yɔɔ nyéné gi, léé, kana blɛn lé Gakelebale a zén‐é munu gi koo, alé fuasan bile planplan koo, ’ka so wo lee.

Ézai 2:19

Munu é dan wɔra lɛ gɔlɛkoronu gi, ’té woo goo fɔɔ tɛrɛwɔlɛ ma, léé, kana blɛn lé Gakelebale a zén‐é munu gi koo, alé fuasan bile planplan koo, yé wo so wo lee, bléyian va lé é nwa yé é di kini tɛrɛlamunu gi, a bléyi va.

Ézai 2:21

yé wo dan wɔra lɛ gɔlɛfeegyɛnanu valé gɔlɛkoronu gi, kana blɛn lé Gakelebale a zén‐é munu gi koo, alé fuasan bile planplan koo, wo sole wo lee we gi, bléyian va lé éé nwaan yé é di kini tɛrɛlamunu gi, a bléyi va.

Ézai 24:23

Yara é dan moné gyɛ lɛ, yaragyɛwe é dan bɔ lɛ yiri ma; naa, lai sunyanu lé Gakelebale é dan pla lɛ munu nwiin Siɔn gɔ la, Jérusalɛm, ’té alé fuasan éé bié planplan alé mi segelenu yuɛ va.

Ézai 30:26

Gakelebale lé munu lé é wo tuo bɛ, dé é sɔ vuru wo tuona ta, dé é wo tuonanu nyaa, ’té moné bile é dan kɛlɛ lɛ bélé yiri bile zo, yé yiri bile taa é dan pa lɛ fɔɔ gɔnɔ sɔrafié; yi do yiri bile é dan kɛlɛ lɛ bélé yi sɔrafié zé zo.

Abaku 3:3

Bale si Téman; Mi Sauun si Paran gɔ nwiin. Ka ye do. Alé fua tɔbɔle éé lanu ta sɔɔlaan, Yé alé fuasan éé tɛrɛ faan.

Matio 16:27

Maa blami Be, an dan da lɛ an Ti lé fua tɔbɔle nya, é valé alé lanjenu nya, yé maa dan mi faa gooli pa lɛ do do wo kɛlɛwenu yɛrama.

Maak 8:38

Naa, mian éé yara gya maa valé an dérenu lé we ma, bléyi ’ko vamunu lé wo ke pɛnpɛnnégyɛzannu valé wenyanékɛlɛzannu nya, wo méléna, dé maa blami Be da an Ti lé fuasan nya, é valé lanje sauunnu nya an va, yara é dan an gyɛ lɛ ’bɛzan lé we ma é ziin.

WENÉNÉ LÉ LUK A GYE (Évangile selon Luc) 2:32

É a bɛnnu vakinisan nya, ilé munu Izraɛl tɔbɔle nya yé maa a ye an yuɛ nya.

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

WENÉNÉ LE JAN A GYE (Évangile selon Jean) 1:18

Mi do kpen ’ka tan Kazambale ye lɛ lo; a Be do kpen lé, a zoɛ bɛ ’ka lo, ’té yeebozen ke Bale nya, ’té é ke é Ti bɛ gi, yee ɛ a nagɔɔn.

WENÉNÉ LE JAN A GYE (Évangile selon Jean) 1:4

A gi lé vole é yuɛma ke, yé yee vole é yuɛma a munu lé san nya.

WENÉNÉ LE JAN A GYE (Évangile selon Jean) 1:9

San ’ko a san bozen nya; é da tɛrɛ la, yé é munu faa va kini.

WENÉNÉ LE JAN A GYE (Évangile selon Jean) 17:24

An Ti, é sɔ an lɛ léé, fɛana lé an ke, munu lé i wo nɔ an lɛ, ’wo kɛlɛ an va ana, anlé fua tɔbɔle lé bé nɔ an lɛ, wolé a yele we ma. An sɔ i lɛ tɛrɛ bɔrale ’lɛ, ’bɛ lé we ma.

WENÉNÉ LE JAN A GYE (Évangile selon Jean) 5:23

léé, fɛan zo lé woo an Ti tɔ bɔa, wo maa, a Be, tɔ bɔ a zo. Mi lé é ’ka maa Bale Be tɔ bɔa lo, an Ti lé é an pa zia, é ’ka ’bɛ tɔ bɔa lo.

Kelewenu 22:11

San ’ko bile plɛplɛ zi an ’ka fɛna ye lɛ lo. Amalé munu lé wo ke an va, wo kun an bɛ ma, yé wo go an nya Damas.

Wegɔɔnle 14:4

Wa munu lé wo ’ka ’wobo tiri dɔ lɛ lomu va lo, wo nya, naa, wo ’ka le dɔɔ lɛ lo; fɛ faa lé ’Blané éé goo ana, woo goo a zuo. Bale wo tabo munu méléna féifɛ bɔrale vinin nya Kazambale valé ’Blané zé nya;

Wegɔɔnle 18:1

’Bɛ zuo maa lanje do ye sina la gi; é a mi plɛplɛ nya yé alé fuasan tɛrɛ ta kini.

Wegɔɔnle 21:11

Kazambale lé fuasan a a ta, yé a san a bélé gɔlɛwezan baba san zo, bélé jasipegɔlɛ lé woo yɛrɛ yé a zi bélé vlinvlin wezan zo, a zo.

Wegɔɔnle 21:25

Gunu ’ka dan dɔra lɛ ’bɛna lo, amalé wo ’ka dan a gɔrɔ lɛ tan lɛ é yiéyi lo.

Wegɔɔnle 22:5

Béli ’ka dan tan lɛ é dɛrɛ lo; Mizambale é dan wo ta kini lɛ, amalé wo mawe ’ka kyɛbɔ valé yirisan gi lo. Yé wo dan pla lɛ munu nwiin lɛɛfaama.

Wegɔɔnle 5:6

Webleblin koo, fɛ yuɛmale ziɛn koo, mi segelenu koo, maa ’Blané ye é dɔle wo méléna; é a bélé fɛan zo lé a bɔrɔ a é bole, a zo. A béli a sɔrafié, yé a yuɛ a sɔrafié, wo lé ke Kazambale léli sɔrafié lé é wo nwunvɔ tɛrɛ faa la, wo nya.

Wegɔɔnle 7:17

Naa, ’Blané lé é ke webleblin guru la, é dan wo pa lɛ yé é go wo nya mivoéyuɛma ’yi’wuonu va, yé Kazambale é dan wo yuɛyi faa si lɛ.