Wegɔɔnle 21:2 - Kazambale lé Sebe Sauunu 1979

² Fla sauun lé ke Jérusalɛm dɛrɛ nya, maa a ye sina la gi Kazambale va yé é zun. A ma a é ’lɛrɛle bélé bosizan lé é ’lɛrɛ é zana lɛ, a zo.

Wegɔɔnle 21:2 ပူးပေါင်းရင်းမြစ်များ

Lɛrɛvɔ Sɛbɛ 87:3

Bale lé fla, Wo tɔbɔwenu fe i ma. Ka ye do.

Ézai 1:21

É kɛlɛ ka yé fla lé a tamunu a turu yarapawelazannu nya, woo goo bale bɛnu zuo bélé bɔrɔdɛ le zoo? A tamunu faa, woo we drɔle kɛla turu, ’té kɛlɛle tegele a wo va; sin, munu lé woo munu ma we blé, ’té woo wo gya wobo yuɛ va, wa wo va.

Ézai 52:1

Siɔn munu, ’ka vuo‐oo, ’ka vuo. ’Ka ’lɛrɛfɛ zén ka ta é ziin. Fla sauun Jérusalɛm, ’ka fɛtikɛlɛ?-?varɔ zén ka ta. Naa, mi lé a gane ’ka é dɔle lo, ’bɛ valé mi tiridɔle ’ka dan wɔra lɛ i va é dɛrɛ lo.

Ézai 54:5

I kɛlɛzan a i zana nya, azama. A tɔ lé, lai sunyanu lé Gakelebale; Izraɛl lé Mi Sauun a i tabozan nya; A tɔ lé, tɛrɛ faa la munu lé Bale;

Ézai 61:10

An gi é dan nana lɛ Gakelebale gi, An boen ginanale anlé Bale gi é dan an gi san lɛ an ma; Naa, é sile we gi zén an ta varɔ nya, É vole éboma zén an ta sɔ nya Bélé lesizan éé kyan zén‐é ’é ta fɛan zo, a zo, Bélé bosizan éé ’lɛrɛfɛ zén‐é ’é ta fɛan zo, a zo.

Ézai 62:4

Wo ’ka dan i laa lɛ, lebɔrale, é dɛrɛ lo; Wo ’ka dan ilé tɛrɛ laa lɛ, boatɛrɛ, é dɛrɛ lo; Wo dan i laa lɛ Esiba, ’bɛ gi léé, é sɔ an lɛ, Yé wo dan ilé tɛrɛ laa lɛ, Bula, ’bɛ gi léé, bofla le; I sɔ Gakelebale lɛ, ’bɛzama, Yé ilé tɛrɛ zana é dan kɛlɛ lɛ.

Jérémi 31:23

Lai sunyanu lé Gakelebale, Izraɛl lé Bale léma: Dé an da luugi‐munu nya wo pa gi, we lé munu é dan a fe lɛ Juda tɛrɛ valé é ta flanu ta, yee lé ke ’ko: Wetegele nyanana, gɔ sauun, Gakelebale i drɔɔ vo ma.

WENÉNÉ LE JAN A GYE (Évangile selon Jean) 3:29

Mi lé le dɛrɛ ke a lee, yee ɛ ke lesizan nya; naa, lesizan béé lé, ’bɛ ke é dɔle ana, ’té ’bɛ éé tɔné dɔa lesizan dére lɛ bɛ, ’bɛ gi éé nanaan lesizan dére lé we ma; yé é ziin, gi nanale ’ko lé é ke anzé nya, ’bɛ lɛ a é sɔɔle.

2 Korɛnt Munu 11:2

Maa ka pu dɔ lesizan do kpen ɛ lɛ, yé maa ka nɔ Krist lɛ, blɛn lé é ’ka tan gɔné dɔɔa lo, a nya, bɛwemalé maa a ka ta maawona bélé Kazambale lé maawole zo.

Ébrunu 11:10

Fla blɛn lé, a gane ke é vɔle gligli, ’té Kazambale ke a ninikinizan valé a pazan nya bɛ, ’té éé ’bɛ lɛbɛn‐é.

Ébrunu 11:16

Naa, sin, tɛrɛ zin baba do ma lé wo bli bɔ, ’bɛ ɛ ke lagi tɛrɛ nya. Bɛwemalé yara ’ka Kazambale gya ébo laale ma wolé Bale lo, naa, é fla blɛn do pa wozé nya.

Ébrunu 12:22

Naa, ka a é biéle Siɔn gɔ sɔnɔ, Bale yuɛmale lé fla lé ke lagi Jérusalɛm nya koo, lanjenu kiɛre lé wo nɔnɔ ’léé ’ka lo, ’té wa fɛti kɛlɛna bɛ, woo koo,

Ébrunu 13:14

Kaa nyanalafla ’ka tɛrɛ la ’ko lo. Naa, fla lé é dan da lɛ bɛ, a ’lɛ lé kaa ke a vɔna.

Wegɔɔnle 1:1

We lé Kazambale a gɔɔn Jézu Krist lɛ, yee lé ke ’ko. Wenu lé wo bɔle ’ka vo lɛ baa lo, Kazambale a gɔɔn a lɛ, alé wo gɔɔnle é wuomunu lɛ we gi. É a nagɔɔn élé lanje nwunvɔle nya, maa a wuozan Jan lɛ.

Wegɔɔnle 1:4

’Kaa léglizi sɔrafié lé ka ke Azi tɛrɛ la, an we ka va. Maa Jan ɛ ke sɛbɛ ’ko gyɛna ka lɛ. Mi lé é ke, ’té é ke ana é kyɛn, ’té é dan bɛ, yee koo, léli sɔrafié lé é ke alé webleblin ’lɛ, wo koo, Jézu Krist lé é ke yarapawela wenayezan, gamunu va nwazan vininzan, tɛrɛlamunu nwiinzannu ’é nwiinzan nya, yee koo, ’wo zin kɛlɛ ka lɛ yé ’wo ka vo drɔɔ ma. Mi lé kaa sɔa a lɛ, ’té é kaalé wenyané si kaa lee é nyɛ nya,

Wegɔɔnle 1:9

Maa Jan, maa a ka bwe nya. Nyanéblele valé plale mi nwiin valé yara pale we la lé ko ye Jézu lé we ma, é a kaazé nya. Maa a Kazambale dére valé Jézu lé we fena, amalé wo an si yé wo an zun wɛyi worona tɛrɛ lé wa laama Patimɔ, a ta.

Wegɔɔnle 11:2

Naa, wo Balebangikɔn zi gɔrɔ gi nɔ bɛnnu lɛ, amalé ’i ’bɛ vo, té i ’bɛ dan lo, yé bɛnnu é dan fla sauun zɔn lɛ ’wo gane nya moné yɔ fié wɔlɛ fié.

Wegɔɔnle 21:10

Yé an si an pɔlɛ gi yé an nɔla miléli nya, yé é go an nya gɔ blɛn torole nwiin. Yé fla sauun lé ke Jérusalɛm lé, é si la gi Kazambale va yé é zun, a nya, é a nagɔɔn an lɛ.

Wegɔɔnle 21:9

A zuo, lanje sɔrafié lé, kana sɔrafié ke wo lee, ’té wo ke é fanle migyɛgyɛ sɔrafié voélazannu nya, wo va lanje do we fe an lɛ yé é léé: ’I da, yé bosizan lé é ke ’Blané na nya, maa a nagɔɔn i lɛ.

Wegɔɔnle 22:17

Yé Kazambale Léli valé bosizan léé: ’I da. Yé dé mianzan a ’ma, ’bɛzan ’é ’i da vɔ ma. Mian ’yiminilɔrɔ ke a gyɛna, ’é da ma; yé mian é sɔ a lɛ léé, ’é mivoéyuɛma ’yi si, ’bɛzan a si é pla ma.

Wegɔɔnle 22:19

Dé mian é dére kenu si sɛbɛ ’ko lé balelaye wenu va, mibéliyili valé fla sauun lé, wo wolé we gyɛ sɛbɛ ’ko gi, Kazambale é dan azé si lɛ a lee.

Wegɔɔnle 3:12

Mian we ’ko ’wuo vo a lɛ, maa dan a kɛlɛ lɛ kɔn wɛyili nya anlé Bale lé kɔn blɛn gi, yé é ’ka dan bɔra lɛ ’bɛ gi é dɛrɛ lo; anlé Bale tɔ koo, anlé Bale lé fla lé é ke Jérusalɛm dɛrɛ lé é dan si lɛ la gi anlé Bale va yé é zun, a tɔ koo, an tɔ dɛrɛ koo, maa dan wo gyɛ lɛ a ta.