Wegɔɔnle 21:1 - Kazambale lé Sebe Sauunu 1979

¹ A zuo maa la dɛrɛ valé tɛrɛ dɛrɛ ye, naa, la vinin valé tɛrɛ vinin san, yé wɛyi ’ka ana é dɛrɛ lo.

Wegɔɔnle 21:1 ပူးပေါင်းရင်းမြစ်များ

Ézai 27:1

’Bɛ yi ’ko la, léviatan lé ke bélé yiripan zo élé tawole fiéfié nya, Gakelebale é dan a gyɛ lɛ élé gwɔun yuyu plɛplɛ blɛn nya. Léviatan lé éé tawoo é plinle nya bélé ménénwunnu zo, é dan a gyɛ lɛ; wi blɛn lé ke wɛyi va, é dan ’bɛ gyɛ lɛ.

Ézai 51:11

Munu lé Gakelebale wo tabo, wo dan da lɛ wo pa gi, Wo dan go lɛ Siɔn guliwuovolɛ lɛrɛ vɔle nya, Ginanale lé é ’ka nyaan lo, é dan kɛlɛ lɛ wo ’wuo ma bélé tɔkoro zo; Ginanale valé vole drɔɔ é dan kɛlɛ lɛ ana, Nyanéblele valé dunnule é dan si lɛ ana.

Ézai 57:20

Naa, mi nyanénu a bélé wɛyi lé éé nanoan, a zo. É ’ka bɔalɛ léé, é vo drɔɔ lo, ’té alé ’yinu éé nanoan fɛ naanénu nya;

Ézai 66:22

Naa, la dɛrɛ valé tɛrɛ dɛrɛ lé maa dan wo kɛlɛ lɛ, wo dan vo lɛ yifaama an yuɛ gi fɛan zo, a zo lé ka kulu valé ka tɔ é dan vo lɛ ana yifaama. Gakelebale ɛ fe.

Daniɛl 7:3

Yé wi blɛn ziɛn bɔra wɛyi va. Wo dɔbɛ a do do;

Rom munu 8:21

Naa, duowo, wo bli a we do lɛ, yee lé ke léé, yi do nya sɛrɛwe é dan si lɛ wo ma yé wo dan vo lɛ woboma duaa, bélé fɛan zo lé Kazambale benu a woboma weboen nya fɛan zo, a zo.

2 Piɛri 3:10

Mizambale lé yi é dan bɔ lɛ bélé kyeenwozan zo; yi ’ko nya lanu é dan gié lɛ é vun wele blɛn nya; fɛnu faa lé Bale wo kɛlɛ é wɔlɛnu nya, wo ’yi é dan bo lɛ kyɛ plɛplɛ baba lé we ma, yé tɛrɛ valé é tafɛnu yee é dan bo lɛ.

2 Piɛri 3:13

Naa, alé blivolɛdére yɛrama lé kaa ke la dɛrɛnu valé tɛrɛ dɛrɛ lɛbɛnna, ’bɛna lé we tegele é dan kɛlɛ lɛ.

Wegɔɔnle 13:1

A zuo, an wi do ye sina wɛyi va, a béli a vu yé a ’wuo a sɔrafié, yé kyankoro vu a a bélinu ta, yé Bale sɔnɔ tɔnu a é gyɛle a wuonu ma.

Wegɔɔnle 20:11

A zuo maa webleblin fu blɛn valé étazan ye. Tɛrɛ valé la fwi a lee baa, yé wo dɔna ’ka é dɛrɛ lo.

Wegɔɔnle 21:5

Yé webleblin tazan léé: Bé ye, maa fɛnu faa kɛlɛ fɛ dɛrɛnu nya. Yé é léé: ’Bé gyɛ ma, naa, we ’ko a sɔbɛlawe nya yé é a webozen nya.

Wegɔɔnle 6:14

La go, bélé sɛbɛ lé wo ke a plinna, a zo; yé gɔnu faa valé wɛyi worona tɛrɛnu si ’wo dɔna.