Wegɔɔnle 20:9 - Kazambale lé Sebe Sauunu 1979

⁹ Yé wo gié tɛrɛ faa ta, yé Kazambale lé munu nyanana valé fla lé é sɔ Bale lɛ, wa zi lɛ sɔɔ, naa, kyɛ si la gi yé é wo ble.

Wegɔɔnle 20:9 ပူးပေါင်းရင်းမြစ်များ

Wepélisiananu 19:24

Yé Gakelebale povun valé kyɛ zana Sɔdɔm valé Gɔmɔɔ ta bélé lɛɛ zo. Gakelebale bozen va lé we ’ko si.

2 Minwiinzannu 6:15

Bale lé mi wuozan nwa bladi tutu yé é bɔra; yé bé ye, sunyanu koo, wisoonu koo, goronu koo, fla zi lɛ a é sɔɔle wo nya. Yé Bale lé mi wuozan lé a lɛ léé: Yiba, anzan, ko kɛla kaa?

JOB (Job) 38:18

I yuɛ vɔ tɛrɛ faa la bléyi do nyaa? Dé i we ’konu faa gi dɔɔ, ’bé fe.

Lɛrɛvɔ Sɛbɛ 106:18

Yé kyɛ bi mi gu ’ko méléna, Yé kyɛnɛnɛ mi plenu ble.

Lɛrɛvɔ Sɛbɛ 87:2

Siɔn gɔrɔ ’léénu sɔ Gakelebale lɛ, É mini Jakɔb nyanananu faa ta.

Lɛrɛvɔ Sɛbɛ 97:3

Kyɛ éé tawoo a ’lɛ, Yé a mazannu lé wa zi lɛ sɔɔ, kyɛ éé wo blé.

Ézai 30:33

Maa miyilibanna ma’lɛrɛ ana mɔn Tofɛt; a ma a é ’lɛrɛle Asirinu nwiinzan lé we ma. A guru a, yé a laala a blɛn yé maa kyɛ zén yee miyilibanna ta di; maa, Gakelebale, maa dan kyɛ vɔ lɛ a ’léé an flin fu nya bélé povun kyɛ blɛn zo.

Ézai 37:36

’Bɛ béli duo nya, Gakelebale lé lanje da yé é munu gyɛ Asiri munu lé sɔkɔn dɔna mi baa yɔ ziɛn wɔlɛ vu ta fié, é ta lé mi wuru soru. Munu nwa bladi aan wo, bé ye, migalenu saa lé.

Ézékiɛl 38:16

Gɔg‐oo, Gɔg, i dan go lɛ i ’lɛzia anlé munu ma, bélé lati lé é tua tɛrɛ sɔnɔ, a zo. Yi voélanu gi, maa dan ka nwa lɛ anlé tɛrɛ ma, léé, bɛnnu an dɔɔ. Bii ɛ nya lé wo dan a gi dɔɔ lɛ léé, maa a blɛn.

Ézékiɛl 38:22

Maa dan dɔra lɛ a ta bawurumagyɛ koo, nyɛ zanale koo, lɛɛ ’lɛ plɛplɛ koo, goowɔlɛlɛɛ lé ke gɔlɛ zo koo, wo nya. Maa dan kyɛ valé povun zén lɛ yee valé élé sunyanu koo, mi kiɛre lé wo ke a va koo, wo ta, bélé lɛɛ zo.

Ézékiɛl 38:9

I dan nwa lɛ wo ma, i dan bié lɛ wo ma bélé fu plɛplɛ zo, i dan kɛlɛ lɛ bélé lati lé é bié tɛrɛ sɔnɔ, a zo, bii valé ilé mi palunu faa koo, é valé mi ’léé kiɛre lé wo ke i va koo, wo nya.

Ézékiɛl 39:6

Maa dan kyɛ zana lɛ Magɔg tɛrɛ la, ’bɛ valé munu lé woo nyanaan ’wobo ma duaa wɛyi worona tɛrɛnu la, wo ta. Yé wo dan a gi dɔɔ lɛ léé, maa lé ke Gakelebale nya.

Misé 2:13

Gɔrɔfɔnzan éé giéan wo ’lɛ; wo dan gɔrɔ fɔn lɛ yé wo bɔ gɔrɔ ’léé, yé wo dan bɔra lɛ ana. Wo nwiinzan blɛn é dan tawo lɛ wo ’lɛ zia, yé Gakelebale é dan kɛlɛ lɛ wo zilɛzan nya.

Abaku 1:6

Ka ye, maa dan Kaldé munu nwa lɛ ka ma; wa bɛn wɛwɛzan valé ’wiié we ta bɛn nya; woo tɛrɛ blɛn kinié, nyanananu lé wo ’ka ’wozé nya lo, ana sile we ma.

Mi Nɔnɔle 11:1

Munu gun gyɛ, yé we ’ko ’ka sɔ lɛ Gakelebale lɛ lo. Gakelebale ’bɛ ’ma aan wo, a bli fli, yé é kyɛ bi wo méléna, yé é wolé fla san do ble.

Mi Nɔnɔle 16:35

Yé kyɛ do si Gakelebale va, yé mi wuru do yɔ fié wɔlɛ vu lé woo Bale baan lasikɔrɔ nya, é wo ble.

WENÉNÉ LÉ LUK A GYE (Évangile selon Luc) 17:29

naa, yian nya lé Lɔt si Sɔdɔm, kyɛ valé povun si la gi yé wo dia bélé lɛɛ zo yé é wo faa gyɛ za ma.

WENÉNÉ LÉ LUK A GYE (Évangile selon Luc) 19:43

A yi é dan bɔ lɛ, yé i nyanézannu é dan guru bo lɛ i zi, yé wo dan i zi lɛ sɔɔ lɛ yé wo dan i tunu lɛ bɛ faa ma.

WENÉNÉ LÉ LUK A GYE (Évangile selon Luc) 21:20

Dé ka Jérusalɛm zi lɛ ye é sɔɔle sunyanu nya, ka gi dɔɔ léé, a sɛrɛle bɔ é pu.

WENÉNÉ LÉ LUK A GYE (Évangile selon Luc) 9:54

A zuomunu Jan valé Jak, wo ’bɛ ye aan wo, wo léé: Mizan, é sɔ i lɛ léé, ko kyɛ laa léé, ’é si la gi yé ’é wo blee?

Bélidɔwesɛbɛ Fiézan 23:14

Naa, Gakelebale kalé Bale a tawona ka va, ka takuunle valé ka nyanézannu pale ka lee we gi; bɛwemalé é a lé kalé fla ’é kɛlɛ é zima, té Gakelebale é fɛ tiridɔle do kpen ye ka va lo, dé é da si ka va.

2 Tɛsalɔnik munu 1:8

É dan da lɛ kyɛnɛnɛ méléna, munu lé wo ’ka Kazambale dɔɔa lo, é valé munu lé wo ’ka Kaazan Jézu lé Wenéné lɛdɔama lo, we lɛdɔle wo gi we ma.

Ébrunu 13:13

Bɛwemalé, kaa go a va fla nwun zi mi; yaragyɛwe lé é ’wuo dɔ a wuo, kaa ’wuo dɔ yee duo wuo ma.

Wegɔɔnle 11:5

Dé mian é a a va léé, ’é wenyané kɛlɛ wo lɛ, kyɛ éé sié wo ’léé yé éé wo nyanézannu blé; iin, dé mian é a a va léé, ’é wenyané kɛlɛ wo lɛ, a zo lé wo dan a gyɛ lɛ.

Wegɔɔnle 13:13

É we blɛnblɛnnu kɛlɛ fɔɔ yé é kyɛ si la gi yé é zana tɛrɛ va munu yuɛ va.