Wegɔɔnle 20:8 - Kazambale lé Sebe Sauunu 1979

⁸ É dan bɔra lɛ yé ’é go tɛrɛ faa la bɛnnu saanle we ma; Gɔg valé Magɔg tɛrɛlamunu lé, yé é wo zén ékeva gulidanle we gi; wo ’léé a bélé wɛyi gɔɔn ma nyéné zo.

Wegɔɔnle 20:8 ပူးပေါင်းရင်းမြစ်များ

1 Minwiinzannu 4:20

Juda valé Izraɛl munu a kiɛre é baba, wa bélé wɛyi gɔɔn ma nyéné zo. Woo fɛ blé, ’té woo fɛ minian, ’té wo gi éé nanaan.

2 Minwiinmunu lé Wezuofe Sɛbɛ 18:21

Gakelebale lé a lɛ léé: Kaa? É a zi pa léé: Maa dan go lɛ yé maa dan kɛlɛ lɛ vié léli nya alé balelayezannu faa ’léé. Gakelebale léé: I dan a saan lɛ weboen nya. ’I go, bé kɛlɛ a zo.

Ézai 10:22

Izraɛloo, Izraɛl, dé ilé munu kɛlɛ kiɛre bélé wɛyi gɔɔn ma nyéné zo, a pɔné lé wo vo, wo saa ɛ dan da lɛ wo pa gi; é dan wo guru zana lɛ a gi kpɔ, yé bɛ lé we ma lé wo dan we tegele kɛlɛ lɛ kiɛre.

Jérémi 33:22

Fɛan zo lé wo ’ka bɔa lagi monénénu nɔnɔle lɛ lo yé wo ’ka bɔa wɛyi gɔɔn ma nyéné nɔnɔle lɛ lo, a zo duo lé an wuozan David valé Lévinu lé woo an va nyanama paan, maa dan wo kulunu gi gyɛ lɛ.

Ézékiɛl 38:1

Gakelebale lé an lɛ léma:

Ézékiɛl 38:2

Blami be, Gɔg lé ke Ros valé Mésɛk valé Tubal nwiinzan nya Magɔg tɛrɛ la, ’i yara dɔ a vazia yé ’i balelawe fe a ma.

Ézékiɛl 39:1

Yé bii blami be, ’i balelawe fe Gɔg ma. Bé fe léma: Mizan Gakelebale léma: Bii Gɔg lé i ke Ros koo, Mésɛk koo, Tubal koo, wo nwiinzan nya bɛ, ko kee i nya kyɔ.

Ézékiɛl 39:6

Maa dan kyɛ zana lɛ Magɔg tɛrɛ la, ’bɛ valé munu lé woo nyanaan ’wobo ma duaa wɛyi worona tɛrɛnu la, wo ta. Yé wo dan a gi dɔɔ lɛ léé, maa lé ke Gakelebale nya.

Ézékiɛl 7:2

Yé bii blami be, Mizan Gakelebale we fe Izraɛl tɛrɛ ma léma: Ka ye, a nyaana lo. Izraɛl lé tɛrɛ faa zé nyaana lo.

Ébrunu 11:12

Bɛwemalé, mi do kpen lé a kɔlɛ kɛlɛ é kwakwa é pia nya, a kulu kɛlɛ kiɛre, bélé monénénu zo di, bélé wɛyigɔɔnma nyéné lé wo ’ka bɔa a nɔnɔle lɛ lo, a zo di.

Wegɔɔnle 12:9

Dragɔn blɛn, méné kwakwa lé wa laama yonufaatagɔné valé Satan, ’té éé tɛrɛlamunu faa saan bɛ, wa vuli tɛrɛ va, yee valé élé lanjenu nya.

Wegɔɔnle 16:14

Yo lélinu lé é ke wo nya; woo we blɛnblɛnnu kɛla, ’té woo goo tɛrɛ faa la, minwiinmunu va, wo zénle ékeva Plɛplɛfaazan Bale lé yi blɛn la gulidanle we ma.

Wegɔɔnle 20:10

Yé yonufaatagɔné lé é wo saan, wa vuli kyɛ lé ke blɛn bélé gyankyɛ zo, ’té wo povun zén a va, a va, fɛana lé wi valé viébalelayezan ke, ana; yé wo dan nyané pa lɛ wo ta bladi nyanadi lɛɛfafama, a glɛ ’ka lo.

Wegɔɔnle 20:3

É a vuli guru lé a wɔlɛ ma nyaana ’ka lo, a gi, yé é a lɛ tan a ta yé é a ’léé béé, té ’é bɛnnu saan é dɛrɛ lo we gi, fɔɔ yé lɛɛ wuru soru lɛ é sɔɔ. ’Bɛ zuo é a lé wo daan a ma sɛ.

Wegɔɔnle 7:1

’Bɛ zuo, maa lanje ziɛn ye é dɔle tɛrɛ sun ziɛn ta; wo kun tɛrɛ la fu ziɛn ma, té fu ’é gié tɛrɛ koo, wɛyi koo, yilinu koo, wo ma lo we gi.

Weblezannu 7:12

Madiannu koo, Amalɛknu koo, yirinwanazia munu koo, wa é nwɛɛnle gɔ worona bélé gangan gbau zo, yé wolé nyɔgɔménu a bélé wɛyi gɔɔn ma nyéné lé mi ’ka bɔa a nɔnɔle lɛ lo, a zo.

1 Samuɛl 13:5

Filisitinu zén ékeva gulidanle we gi Izraɛl va. Goro wuru soru valé wisootazannu baa yaa a wo lee, yé munu ’ko wa bélé nyéné lé ke wɛyi gɔɔn ma kiɛre yé wo ’ka bɔa a nɔnɔle lɛ lo, a zo. Wo da wolé sɔkɔn dɔ lɛ Mikimas, Bɛt‐Avan yirinwanazia.