Wegɔɔnle 20:4 - Kazambale lé Sebe Sauunu 1979

⁴ Yé maa webleblinnu ye, yé Bale weblele se kɛlɛ wotazannu lɛ. Yé munu lé wo wo ’wuo kini Jézu lé we fele valé Kazambale dére lé we ma koo, munu lé wo ’ka dia lɛ ’wo bli la wi valé é yili ’lɛ lo, ’té wo ’ka wi lé tɔmase gyɛ lɛ, dé wo yarapɛla léé, dé wo bɛ la léé, ana lo, maa wo boennu ye. Wo nwa é yuɛma é ziin yé wo pla munu nwiin Krist va lɛɛ wuru soru.

Wegɔɔnle 20:4 ပူးပေါင်းရင်းမြစ်များ

Daniɛl 2:44

Minwiinzan blɛn ’konu bléyi va, lanu lé Bale é dan plale mi nwiin lé é ’ka dan sɛrɛ lɛ monomono lo, a dɔ lɛ, ’té mi bɛ ’ka dan pla lɛ ’bɛ nwiin monomono lo. Yee ɛ dan plale mi nwiin ’konu faa ’wii lɛ yé é wo sɛrɛ tata, yé yeebozen é dan vo lɛ ana lɛɛfaama, ’bɛ glɛ ’ka lo.

Daniɛl 7:18

Naa, lagi Loruzan lé munu é dan pla lɛ munu nwiin, yé plale munu nwiin é dan vo lɛ wozé nya lɛɛfaama, a glɛ ’ka lo, ’té ’bɛ glɛ ’ka dɔa monomono lo.

Daniɛl 7:22

fɔɔ yé mi kwa lé ke yinu ’lɛ, é da yé é weblele se kɛlɛ Loruzan lé munu lɛ yé a bléyi bɔ yé é a se kɛlɛ wo lɛ léé, wo pla munu nwiin.

Daniɛl 7:27

Plale mi nwiin koo, munu plale a wuo koo, tɛrɛ la bɛngɔnɔnu faa lé fua koo, wo dan wo nɔ lɛ Loruzan lé munu lɛ. ’Bɛnu lé plale mi nwiin a plale mi nwiin lé é vo ana lɛɛfaama, a glɛ ’ka lo, a nya, yé minwiinzannu faa é dan a bɔ lɛ yé wo dan a lɛdɔ lɛ a ma.

Daniɛl 7:9

Maa a naginina bléyian va, ’té woo webleblinnu dɔraan. Yé mi kwa lé ke yinu ’lɛ, é nyana. Alé sɔ a fu tata bélé tɔrɛ zo. A nwiin nwinnu a bélé ’blakyɛɛ zima zo. Alé webleblin a bélé kyɛnɛnɛnu zo, yé alé webleblin ganenu a bélé kyɛnyɛ zo.

Malasi 4:5

Ka ye, maa dan balelayezan Éli pa lɛ ka lɛ zia Gakelebale lé kana?-?mayi blɛn bɔle ’lɛ.

Matio 19:28

Jézu lé wo lɛ léé: Maa lé ka lɛ webozen nya léé, a bléyi é dan bɔ lɛ yé ’wo fɛnu faa kɛlɛ é dɛrɛ; dé ’bɛ bléyi bɔ, dé maa, blami Be nyana anlé webleblin tɔbɔle ta, ka lé ka da an zuo, ka dan nyana lɛ webleblin vu ta fié ta, yé ka dan Izraɛl bɛn vu ta fié lé we ble lɛ.

Matio 24:10

É ziin, mi kiɛre é dan diéra lɛ, yé wo dan ’wo ke liwo lɛ yé wo dan ’wo ke za pa lɛ.

Maak 6:16

Naa, Érɔd a ’ma aan wo, yé é léma: Jan lé maa a ’wuo kini, yee ɛ nwa bɛ.

Maak 6:27

Yé a bléyi duo nya é sunya pa zia léé, ’bɛ ’é da mi batizéwozan Jan ’wuo nya.

Maak 9:11

Jézu zuomunu we laa é lee léé: Mɛmalé sɛbɛgifemunu léé, é a lé Éli é da é viniin?

WENÉNÉ LÉ LUK A GYE (Évangile selon Luc) 1:17

É dan tawo lɛ Kazambale ’lɛ é gi bli nya bélé Éli zé zo, yé alé plɛplɛ é dan kɛlɛ lɛ bélé Éli zé zo, né tinu bli nɔlale ’wolé nénu va koo, tɔnégiplɛplɛ munu nɔlale mi tegelenu lé we dɔɔle vazia koo, munu ma’lɛrɛle wo kɛlɛle Mizambale zé nya koo, wo we ma.

WENÉNÉ LÉ LUK A GYE (Évangile selon Luc) 14:14

Wo ’ka bɔa a lɛgi kɛlɛle lɛ i lɛ lo, naa, Bale é dan a lɛgi kɛlɛ lɛ i lɛ mi tegelenu nwayi nya gale va, amalé i gi é dan nana lɛ ’bɛ yi la.

WENÉNÉ LÉ LUK A GYE (Évangile selon Luc) 22:30

yé ka dan fɛ ble lɛ anlé tablé ta anlé fuatɛrɛ la, yé ka dan nyana lɛ webleblinnu ta Izraɛl lé bɛn vu ta fié lé we blele we ma.

WENÉNÉ LE JAN A GYE (Évangile selon Jean) 14:19

É vo sɛ yé tɛrɛlamunu ’ka dan an ye lɛ é dɛrɛ lo, naa, maa a é yuɛma, yé ka dan kɛlɛ lɛ é yuɛma é ziin, amalé ka dan an ye lɛ.

Rom munu 11:15

Dé Bale sɔn vɔ Juifinu ma yé bɛwemalé é tɛrɛlamunu nana ’é va ’naan, dé wo wɔra é ziin alé zin gi nii? ’Bɛ ’ka dan kɛlɛ lɛ nwale gale va nya loo?

Rom munu 8:17

Dé kaa a alé nénu nya, ’té kaa a é ziin tɔnɔblezannu nya, Kazambale lé tɔnɔblezannu nya, tɔnɔblezannu nya Krist va, ’té dé kaa nyané ble a va, lagifua blele a va we gi.

2 Timoté 2:12

dé ko yara pa alé we kɛlɛle ta, ko dan pla lɛ munu nwiin a va; dé ko sɔn vɔ a ma, yee é ziin, é dan sɔn vɔ lɛ ko ma.

Wegɔɔnle 1:2

Bale dére koo, Jézu Krist lé wefele koo, we faa lé maa a ye koo, maa wo fe.

Wegɔɔnle 1:9

Maa Jan, maa a ka bwe nya. Nyanéblele valé plale mi nwiin valé yara pale we la lé ko ye Jézu lé we ma, é a kaazé nya. Maa a Kazambale dére valé Jézu lé we fena, amalé wo an si yé wo an zun wɛyi worona tɛrɛ lé wa laama Patimɔ, a ta.

Wegɔɔnle 11:11

Yi yaa é buu zuo Kazambale lé flinle lé éé mi bélié, é dan zun lɛ wo ta yé wo nwa yé wo dɔ loru; yé kana blɛn é dan zén lɛ wo yemunu gi.

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.

Wegɔɔnle 11:3

Maa dan balelawe fele se kɛlɛ lɛ anlé wenayezannu fié lɛ ’yi wuru suiɛdo yi yɔ yaa, ’té bɔlɔ a wo ta sɔ nya.

Wegɔɔnle 11:7

Dé wolé wenayedére fele lɛ sɔɔ, wi lé é dan si lɛ guru gi, é dan guli dan lɛ wo va yé é wo kele, yé é wo gyɛ.

Wegɔɔnle 12:11

Wa kele ’Blané nyɛ valé wolé wenayedére fele nya, yé wo bli si wobo lɛ léé, ’wo ga.

Wegɔɔnle 14:11

Yé munu lé wo dia ’wo bli la wi valé é yili ’lɛ, yé mian a tɔ tɔmase ke é gyɛle a ma, wolé nyanéblele goi é dan nwa lɛ lɛɛfaama yé wo ’ka dan flin lɛ bladi nyanadi lo.

Wegɔɔnle 15:2

Yé maa fɛ do ye, é a bélé wɛyi zo, ’té é a bélé vlinvlin wezan zo, yé é a bélé é a é vɔɔle kyɛ nya, yé wi koo, é yili koo, a tɔ lé nibiéro koo, munu lé wo wo kele, wa é dɔle yee vlinvlin wezan wɛyi ta, ’té Kazambale lé kɔnɔnu a wo lee.

Wegɔɔnle 17:8

Wi lé bé ye, é ana é kyɛn yé é ’ka ana é dɛrɛ lo. É a lé, ’é si guru lé a wɔlɛ ma nyaana ’ka lo, a gi, yé ’é go mi sanlenu gona. Yé tɛrɛlamunu lé wo ’ka wo tɔ gyɛ lɛ mi bélilenu tɔgyɛlasɛbɛ gi tɛrɛ pélisia bléyi va lo, wo gi é dan vuru lɛ wi ’ko yele ma; naa, é a é kyɛn, yé é ’ka ana é dɛrɛ lo, yé é dan bɔra lɛ é ziin, ’bɛzama.

Wegɔɔnle 2:26

Mian we ’ko ’wuo vo a lɛ, ’té éé yara paan anlé we kɛlɛle ta fɔɔ yé é bɔ a ’wuoplana, maa dan a pla lɛ bɛnnu nwiin.

Wegɔɔnle 20:6

Munu lé wozé ke migale nwale vininzan va, wa mi sauunnu nya yé wozé a néné. Wo gulii ’ka dan ga lɛ lo, naa, wa Kazambale valé Krist banzannu nya yé wo dan pla lɛ munu nwiin a va lɛɛ wuru soru.

Wegɔɔnle 22:5

Béli ’ka dan tan lɛ é dɛrɛ lo; Mizambale é dan wo ta kini lɛ, amalé wo mawe ’ka kyɛbɔ valé yirisan gi lo. Yé wo dan pla lɛ munu nwiin lɛɛfaama.

Wegɔɔnle 3:21

Mian we ’ko ’wuo vo a lɛ, ko dan nyana lɛ a nya anlé webleblin ta, bélé fɛan zo lé a ’wuo vo an lɛ yé an Ti an nyana ’é va élé webleblin ta, a zo.

Wegɔɔnle 4:4

Maa webleblin yɔ do wɔlɛ ziɛn ye yee webleblin ’ko zi, ’té mi segele yɔ do wɔlɛ ziɛn a é nyanale ’bɛnu ta, ’té sɔ fu a wo ta yé kyankoronu a wo ’wuo ma.

Wegɔɔnle 6:9

É zɔrɔkaanyɔɔ soruzan bɔi aan wo, munu lé wo wo gyɛ Kazambale dére valé wolé wenayedére fele ma, maa wo boennu ye balebanna wuo.

Wegɔɔnle 7:3

Té ka wenyané kɛlɛ tan tɛrɛ koo, wɛyi koo, yilinu koo, wo ma lo, fɔɔ ko tɔmase gyɛ kozé Bale wuomunu yarapɛla.