Wegɔɔnle 20:2 - Kazambale lé Sebe Sauunu 1979

² É dragɔn kun, méné kwa lé é ke yonufaatagɔné valé Satan nya, é a kun, yé é a yere lɛɛ wuru soru zé nya.

Wegɔɔnle 20:2 ပူးပေါင်းရင်းမြစ်များ

Wepélisiananu 3:1

Méné gi kini é mini winu faa lé Bale, Gakelebale a kɛlɛ, wo ta. É lé lezan lɛ léé: Kazambale a fe weboen nya léé, té ka féiyili poro faa ble loo?

Wepélisiananu 3:15

Maa dan guli pa lɛ bii valé lezan méléna, a kulu valé i kulu méléna; a kulu é dan i ’wuo wii lɛ yé i kulu é dan suiɛ dɔ lɛ a kulu ganetɛn ma.

JOB (Job) 1:7

Gakelebale lé Satan lɛ léé: I si kyɛɛn? Yé Satan a zi pa Gakelebale lɛ léé: An si giéna tɛrɛ faa la, ’té maa dɔwoo ana.

Ézai 24:22

É dan wo faa zén lɛ ékeva luu nya bokɔn gi, é dan wo vɔ lɛ bwati gi, yé ’bɛ zuo yi kiɛre nya, é dan we lɛdɔ lɛ wo gi.

Ézai 27:1

’Bɛ yi ’ko la, léviatan lé ke bélé yiripan zo élé tawole fiéfié nya, Gakelebale é dan a gyɛ lɛ élé gwɔun yuyu plɛplɛ blɛn nya. Léviatan lé éé tawoo é plinle nya bélé ménénwunnu zo, é dan a gyɛ lɛ; wi blɛn lé ke wɛyi va, é dan ’bɛ gyɛ lɛ.

Ézékiɛl 47:5

’Bɛ zuo é a dan é ziin mɛtrɛ wuru fié yɔ soru, yé é a ’yiyoro plɛplɛ lé an ’ka bɔa giéle lɛ a va lo, a nya. Naa, ’yi ’ko guru a kaii, amalé é a lé wo pa a ta. ’Yiyoro lé mi ’ka bɔa a kinile lɛ lo, yee lé.

Matio 19:29

Dé miomian é daan élé fɛnu ma an tɔ lé we ma, dé alé kɔnnu léé, dé a bwenu léé, dé a burunu léé, dé a ti léé, dé a bu léé, dé a na léé, dé alé nénu léé, dé alé tɛrɛnu léé, dé miomian é daan fɛ ’konu ma an tɔ lé we ma, é dan wo lɛgi ye lɛ gɔnɔ yɔ soru, yé é dan vo lɛ é yuɛma lɛɛfaama a glɛ ’ka lo. Tɔnɔ lé é dan a ble lɛ, yee lé ke bɛ.

Matio 8:29

Yé wo kun siaale ma léé: Bale be, mɛmalé i we kolé we maa? I da ’ko nyané pa lɛ ko ta a bléyi ’lɛɛ?

Maak 4:15

’Sawɔlɛ lé é dia zi sɔnɔ, ’bɛ gi lé ke ’ko: dé mi kenu a dére ’ma, kele tɔɔn Satan éé dan yé Bale dére lé wa nwɛɛn wo bli gi bɛ, éé a sié.

Maak 5:7

yé é siaa dére plɛplɛ nya léé: Loruzan Bale Be Jézu, mɛmalé i we kolé we maa? Maa lé i lɛ Bale tɔ nya léé, té i nyané pa an ta lo.

WENÉNÉ LE JAN A GYE (Évangile selon Jean) 12:31

Sin, tɛrɛlamunu lé weblebléyi bɔ yé wo dan tɛrɛ ’ko nwiinzan vuli lɛ béera.

WENÉNÉ LE JAN A GYE (Évangile selon Jean) 16:11

wo tɛrɛ ’ko nwiinzan blɛn lé we ble, bɛwemalé we lé ke weblele nya, é dan wo bɔn‐in kini lɛ ’bɛ lé we ma.

Rom munu 16:20

Mi vo drɔɔ Bale é dan Satan ’wii lɛ ka gane wuo laoɛ. Kaazan Jézu Krist lé zin ’é kɛlɛ ka ta ma.

Ébrunu 2:14

Naa, kɔlɛ lé nénu éé sié a nya wo ti valé wo bu va, yee kɔlɛ duo nya lé Jézu da. Yé a gale nya lé, mi lé gale lé plɛplɛ ke a lee, ’bɛ gi léé, yonufaatagɔné, yé é ’bɛzan kulu ga,

1 Piɛri 5:8

’Ka kɛlɛ ’wuoatazannu nya ma. ’Ka vo é vuole ma. Ka nyanézan yonufaatagɔné a giéna bélé golizra lé é ke wena, a zo, mi lé é dan a ble lɛ, a mavɔɔle nya, bɛwemalé ’ka kɛlɛ ’wuoatazannu nya yé ’ka vuo.

2 Piɛri 2:4

Naa, Kazambale ’ka wenyanékɛlɛ lanjenu vo lɛ lo, é wo vuli gurunu lé wo gi gunu ke, wo gi, yé é wo tadɔ ’bɛna, léé, ’wo weblele lɛbɛn.

SEBE LÉ JUD A GYE (Épitre de Jude) 1:6

Lanjenu lé we sele ’é dɔ ka gi é ziin; wo ’ka dɔ lɛ ’wo dɔna lo, yé wo sɔn vɔ ’wobozen nyanana ma yé Kazambale wo yere gɔgɔbalenu lé wo ’ka kinié monomono lo, wo nya, yé é wo tadɔ gunuti tiritirinu va, alé wolé we blele we gi yi blɛn nya. Yee kaan loo?

Wegɔɔnle 12:13

Dragɔn a ye aan wo léé, wo ’é vuli tɛrɛ va, lezan lé é négɔné yaa, é a zuo bin.

Wegɔɔnle 12:15

’Yi lé é ke bélé yuu zo, é bɔra méné ’léé, yé é a nwɛɛn lezan zuo, lezan ganale yuu nya we gi.

Wegɔɔnle 12:17

Yé dragɔn bli fli lezan ma, yé é go guli dan lɛ a kulu pɔnénu lé, woo tawoo Kazambale lé bélidɔwenu ta, ’té wo ke Jézu lé wenayezannu nya bɛ, wo va.

Wegɔɔnle 12:3

Givuruwe do bɔra la gi é ziin. Dragɔn blɛn sɔɔn doan ke, a ’wuo a sɔrafié yé a béli a vu yé kyankoro sɔrafié a a ’wuo ma.

Wegɔɔnle 12:4

Lagi monénénu faa va, dé monéné a yaa, dragɔn woli a do ganaan a va, yé é a vuli tɛrɛ va yé a fié é voo. Yee dragɔn a é dɔle lezan lé é ke né yaana bɛ, a ma, léé, dé é né yaa tɔɔn yé ’é alé né mini.

Wegɔɔnle 12:9

Dragɔn blɛn, méné kwakwa lé wa laama yonufaatagɔné valé Satan, ’té éé tɛrɛlamunu faa saan bɛ, wa vuli tɛrɛ va, yee valé élé lanjenu nya.

Wegɔɔnle 13:2

Wi lé maa a ye, é a bélé kua zo; yé a ganenu a bélé wi blɛn urisi gane zo, yé a ’léé a bélé golizra ’léé zo. Dragɔn lé plɛplɛ koo, alé webleblin koo, alé se blɛn koo, é wo nɔ wi lɛ.

Wegɔɔnle 13:4

Dragɔn ézé plɛplɛ nɔ wi lɛ amalé wo dia ’wo bli la a ’lɛ, yé wo dia ’wo bli la wi ’lɛ é ziin, yé wo léé: Wi ’ko danmazan a kyɛɛn? De ɛ bɔalɛ léé, é guli dan a vaa?

Wegɔɔnle 20:10

Yé yonufaatagɔné lé é wo saan, wa vuli kyɛ lé ke blɛn bélé gyankyɛ zo, ’té wo povun zén a va, a va, fɛana lé wi valé viébalelayezan ke, ana; yé wo dan nyané pa lɛ wo ta bladi nyanadi lɛɛfafama, a glɛ ’ka lo.

Wegɔɔnle 20:7

Dé lɛɛ wuru soru lɛ sɔɔ, wo dan Satan bɔra lɛ bokɔn gi.

Wegɔɔnle 9:11

Guru lé a wɔlɛ ma nyaana ’ka lo, alé lanje ɛ ke wo nwiinzan nya; wa laama Ébru dére gi Abadɔn, yé wa laama é ziin Grɛki dére gi, Apɔliɔn.