Wegɔɔnle 20:12 - Kazambale lé Sebe Sauunu 1979

¹² Yé maa migalenu ye, mi blɛnnu valé mi planu, ’té wa é dɔle webleblin ’lɛ. Wo sɛbɛnu fuo. Yé wo sɛbɛ do fuo é ziin, ’bɛ ɛ ke mibélilenu tɔgyɛlasɛbɛ nya. Yé wo migalenu lé we ble ’wo kɛlɛwe yɛrama, wenuan wo ke é gyɛle sɛbɛ ’konu gi, a yɛrama.

Wegɔɔnle 20:12 ပူးပေါင်းရင်းမြစ်များ

Lɛrɛvɔ Sɛbɛ 28:4

’I we lɛgi pa wo ma wo kɛlɛwenu yɛrama, yee valé wolé wenaanénu kɛlɛle yɛrama, ’I we lɛgi pa wo ma wo bɛ panyanama yɛrama; Wo gooli lé a yara lé wa ye, bé nɔ wo lɛ ma.

Lɛrɛvɔ Sɛbɛ 62:12

Bale we fe gɔnɔ do, Maa we ’ko ’ma gɔnɔ fié, Léé, plɛplɛ a Bale ɛ lee.

Lɛrɛvɔ Sɛbɛ 69:28

’I wolé weple kɛlɛle taa pa weplenu nya, Ilé nyanai zénle mi ta ’é kele wo ma ma.

Wegɔnévɔlenu 24:12

Dé bé fe léé: Aa! ko ’ka gi dɔɔ lɛ lo baa? Mi lé éé mi gi bli daan ékema, é ’ka a yé loo? Mi lé éé i boen tabin‐é, é ’ka a gi dɔɔa loo? É ’ka dan mi faa do do banwo lɛ wo kɛlɛwe yɛrama loo?

Wegɔnévɔlenu 24:29

Té bé fe léé, we lé é a kɛlɛ an lɛ, maa dan anzé kɛlɛ lɛ a lɛ, lo; té bé fe léé, maa dan we lɛgi pa lɛ mi do do ma wo kɛlɛwe yɛrama, lo.

Bale Lé We Gifezan 12:14

An be, we lé é vo, we konu ’wo we paa i gi ma; sɛbɛpanu kɛlɛle ’ka nyaan lo, yé wedraanle a mi wɔlɛginyaawe nya.

Jérémi 17:10

Maa, Gakelebale, maa mi bli gi daan, maa mi gi kulian, Léé, an mi do do faa banwo wolé tawobɛ yɛrama, É valé wo panyanamanu yɛrama.

Jérémi 32:19

I we plaan mi lɛ i zua, yé i a plɛplɛ we kɛlɛle gi; i yuɛ a é fuole blami kɛlɛwe yele we ma, léé, i wo faa do do banwo wolé tawobɛ yɛrama, wolé we kɛlɛbɛ yɛrama.

Daniɛl 7:10

Kyɛ éé bɔraan a ’lɛ, ’té éé yoroan bélé yuu zo. Mi wuru é wuru a bɔa, yé mi baa é wuru é wuru a é dɔle a ’lɛ. Weblezannu nyana, yé wo sɛbɛnu fuo.

Matio 11:22

Bɛwemalé webleyi nya, kazé kleblele é dan mini lɛ Tii valé Sidɔn zé ta. Maa fe ka lɛ.

Matio 16:27

Maa blami Be, an dan da lɛ an Ti lé fua tɔbɔle nya, é valé alé lanjenu nya, yé maa dan mi faa gooli pa lɛ do do wo kɛlɛwenu yɛrama.

WENÉNÉ LÉ LUK A GYE (Évangile selon Luc) 10:20

Naa, té ka gi é nana léé, yonu a é plale ka wuo lo; naa, ka gi ’é nana léé, ka tɔ a é gyɛle la gi.

Kelewenu 24:15

Mi tegelenu valé munu lé wo ’ka tegele lo, wo dan nwa lɛ gale va. An bli a Kazambale lɛ a we ma, bélé fɛan zo lé wo bli ke a lɛ, a zo.

Rom munu 2:6

yé é dan mi faa do do banwo lɛ wo kɛlɛwenu yɛrama;

1 Korent munu 4:5

Amalé maa léé, té ka we do kpen ble a blebléyi ’lɛ lo, fɔɔ yé Mizan ’é da. Wenu lé é ke é yɔɔle gunutinu va, yee ɛ dan wo bɔra lɛ san va. Yee ɛ dan mi bɔngiwenu bɔra lɛ munu yuɛ va. Yé munu lé wo tɔ zin fe yara lé, Kazambale é dan wo tɔ zin fe lɛ.

2 Korɛnt Munu 5:10

Naa, é a lé kaa faa é dɔ Krist lé webleblin ’lɛ, mi faa do do lé é ban yele we ma, dé a kɛlɛwe zin léé? dé a nyané léé? ’té é wo kɛlɛ bléyian va lé é a é kɔlɛ gi bɛ, a yɛrama.

Filip munu 4:3

Yé bii é ziin, an bɔluzan yarapawelazan, iin, ilé zanté, naa, lomu lé wo pa an va Wenéné fele lé guli danna bɛ, wo valé Kléman koo, an va nyanama pa béé bɛnu lé wo tɔ ke é gyɛle mi bélilenu tɔ gyɛlasɛbɛ gi koo, ’i bɔ wo va.

Wegɔɔnle 11:18

Bɛnnu bli fli; yé izé bliflile nwa yé migalenu lé weblebléyi bɔ; i wuozan balelayemunu koo, Kazambale lé munu koo, mi kiénénu valé mi segelenu lé woo kanaan i tɔ lee koo, wo faa goolipabléyi bɔ, yé tɛrɛ sɛrɛmunu kulugabléyi bɔ.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.

Wegɔɔnle 17:8

Wi lé bé ye, é ana é kyɛn yé é ’ka ana é dɛrɛ lo. É a lé, ’é si guru lé a wɔlɛ ma nyaana ’ka lo, a gi, yé ’é go mi sanlenu gona. Yé tɛrɛlamunu lé wo ’ka wo tɔ gyɛ lɛ mi bélilenu tɔgyɛlasɛbɛ gi tɛrɛ pélisia bléyi va lo, wo gi é dan vuru lɛ wi ’ko yele ma; naa, é a é kyɛn, yé é ’ka ana é dɛrɛ lo, yé é dan bɔra lɛ é ziin, ’bɛzama.

Wegɔɔnle 19:5

Yé dére do si webleblin va yé é léé: ’Ka kozé Bale tɔ zin fe; ’kaa a wuozannu faa, ka lé ka kanaan a lee, mi kiénénu valé mi blɛnnu, ’ka kolé Bale tɔ zin fe.

Wegɔɔnle 2:23

Maa dan alé nénu gyɛ lɛ; yé léglizinu faa é dan a gi dɔɔ lɛ léé, maa ɛ munu bli valé wo gibɔrɔle naginian, yé maa dan ka faa do do banwo lɛ ka kɛlɛwenu yɛrama.

Wegɔɔnle 20:11

A zuo maa webleblin fu blɛn valé étazan ye. Tɛrɛ valé la fwi a lee baa, yé wo dɔna ’ka é dɛrɛ lo.

Wegɔɔnle 20:13

Wɛyi ézé migalenu bɔra a gi, yé ga valé gamunu nyanana wozé mi galenu bɔra a gi, yé wo wolé we ble do do wo kɛlɛwenu yɛrama.

Wegɔɔnle 20:15

Munuan wo tɔ ’ka é gyɛle mibélilenu tɔgyɛlasɛbɛ gi lo, wo wo vuli yee kyɛ blɛn ’ko ɛ va.

Wegɔɔnle 21:27

Fɛ tirizan do ’ka dan wɔra lɛ ’bɛna lo; munu lé ’wobo nɔ wenaané naané kɛlɛle valé vié lɛ, wo va mi do kpen ’ka dan wɔra lɛ ’bɛna lo; munu lé wo wo tɔ gyɛ ’Blané lé mibélilenu tɔgyɛlasɛbɛ gi, wo saa ɛ dan wɔra lɛ ’bɛna.

Wegɔɔnle 22:12

Bé ye, an dale bɔ é pu, yé mi banwofɛnu a an lee, munu banwole we gi do do wo kɛlɛwenu yɛrama.

Wegɔɔnle 3:5

Mian we ’ko ’wuo vo a lɛ, wo dan sɔ fu zén lɛ a ta; yé maa ’ka dan a tɔ fwi lɛ mi bélilenu tɔgyɛla sɛbɛ gi lo, yé maa dan a tɔ bɔra lɛ an Ti valé élé lanjenu yara.