Wegɔɔnle 2:9 - Kazambale lé Sebe Sauunu 1979

⁹ Maa ilé kleblele valé nyané lé i gyɛle dɔɔ, naa, i a fua nya duowo. Munu lé wo ’wobo laan Juifinu, ’té wo ’ka a nya lo, ’té wo ke Satan lé zén‐ékevamunu nya bɛ, maa gi dɔɔ léé, wa i tɔ sɛrɛna.

Wegɔɔnle 2:9 ပူးပေါင်းရင်းမြစ်များ

Matio 4:10

Jézu lé a lɛ léé: Satan, ’i si an ma. É a é gyɛle Kazambale lé sɛbɛ gi léé: ’I ’wuo tua Mizan izé Bale lɛ, yé ’i yee do kpen ɛ bɔ.

WENÉNÉ LÉ LUK A GYE (Évangile selon Luc) 12:21

Mi lé éé fɛwezannu zun dɔa ébo zé nya, yé é ’ka fɛwezannu tadɔa Kazambale va lo, a zo lé alé we ke.

WENÉNÉ LÉ LUK A GYE (Évangile selon Luc) 22:65

Yé wa sɔnɔ bɛ kiɛre ma é ziin.

WENÉNÉ LÉ LUK A GYE (Évangile selon Luc) 4:18

Mizambale Léli a maa ta Yé é nyɔnɔ zén an nwiin anlé wenéné fele nyanégyɛmunu lɛ we gi; É an pa zia munu lé blikyɛdɔwe blɛn bɔ wo ma, wo va, wo bélile koo, Luugimunu vole woboma valé Yuɛwiimunu yuɛ fuole koo, Munu lé woo yaan wo ta, wo vole woboma valé

WENÉNÉ LÉ LUK A GYE (Évangile selon Luc) 6:20

Yé Jézu é yuɛ vɔ é zuomunu ta yé é léma: ’Kaa nyanégyɛmunu, ka a bɛan ’bɛ gi bɛ, ’bɛ a é zima kazé nya, naa, Kazambale a é plale ka nwiin.

WENÉNÉ LE JAN A GYE (Évangile selon Jean) 16:33

Maa we ’konu fe ka lɛ ka vole drɔɔ an gi we ma. Ka dan nyané ble lɛ tɛrɛ la, naa, ’ka bli ta dɔ plɛplɛ; maa tɛrɛla kele.

Kelewenu 14:22

Yé wo zuomunu bli ta dɔ plɛplɛ, yé wo we pla wo lɛ léé, ’wo dɔ Bale lé we gi gligli, yé wo léé, é a lé ko wɔra nyané kiɛre blele nya Kazambale lé fuatɛrɛ la.

Kelewenu 26:11

Gɔnɔ kiɛre nya an we lɛdɔ wo gi bazorokɔnnu faa gi, yé an gla kɛlɛ wo va léé, ’wo sɔn vɔ ’wozé Bale zuozi ma. An bli flile wo ma bɛ nyané zi an nyané pa wo ta fɔɔ bɛn bɛnu lé flanu ta.

Rom munu 12:12

Ka gi ’é nana bli kɛlɛle fɛ lɛ lé we ma ma. ’Ka kɛlɛ bli tiéézannu nya nyanéblele gi. ’Kabo nɔ bazorole lɛ.

Rom munu 2:17

Bii lé ibo laama Juifi bɛ, i pale a bélidɔwe ta, ’té ibo ze vɔa Kazambale tɔ gi;

Rom munu 5:3

Yé ’bɛ ta loru, ko gi a nanana kolé kleblelenu gi, naa, ko gi dɔɔ léé, kleblele éé dan yara pale we la nya,

Rom munu 8:35

Mɛ ɛ dan kaa si lɛ Krist lé sɔlɛle gii? Gibɔrɔpale lé laa, kleblele lé laa, nyané pale kaa ta lé laa, lɔrɔ lé laa, porole lé laa, gale lé laa, gwɔun lé laa, mɛ fɛ léé?

Rom munu 9:6

É ’ka kɛlɛ lɛ léé, Kazambale dére ’lɛ ka lo lo; naa, munu lé wo ke Izraɛl kulu nya, wo faa ’ka Izraɛl bozen nya lo,

2 Korɛnt Munu 6:10

woo ko yé bélé ko a bligikyɛdɔzannu nya, dɔlé ’té ko gi a é nanale yifaama; woo ko yé bélé nyanégyɛzannu zo, dɔlé ’té ko fuafɛnu nɔ mi kiɛre lɛ; woo ko yé bélé fɛ do kpen ’ka ko lee lo, dɔlé ’té fɛ faa a ko lee.

2 Korɛnt Munu 8:2

Nyanénu lé wa ble, é wo gi dan é baba; naa, duowo, wo gi nana yé é gié é glɛ la, ’té woo blɛ kɛla mi kiɛre lɛ dɔlé ’té nyané wobozen gyɛ.

2 Korɛnt Munu 8:9

Ka Kaazan Jézu Krist lé zin dɔɔ; yee lé ke fuablezan nya, é ’ébozen kɛlɛ nyanégyɛzan nya kalé we ma, léé, alé nyanégyɛle gi ka kɛlɛ fuablezannu nya.

1 Tɛsalɔnik munu 3:4

Bléyian va lé ko ke ka va, ko we ’ko lɛ kini ka lɛ. Yé ka a gi dɔɔ léé, é bɔ a zo.

1 Timoté 6:18

’I we pla wo lɛ léé, ’wo wezin kɛlɛ; wo kɛlɛwe zinnu ’é kɛlɛ kiɛre kiɛre; ’wo kɛlɛ drɔɔkɛlɛzannu valé bɛ ma wolowolozannu nya.

Wegɔɔnle 1:9

Maa Jan, maa a ka bwe nya. Nyanéblele valé plale mi nwiin valé yara pale we la lé ko ye Jézu lé we ma, é a kaazé nya. Maa a Kazambale dére valé Jézu lé we fena, amalé wo an si yé wo an zun wɛyi worona tɛrɛ lé wa laama Patimɔ, a ta.

Wegɔɔnle 2:13

Maa i nyanana dɔɔ, yé maa a gi dɔɔ léé, ana lé Satan lé blin ke. An tɔ a i ’léé, yé yian nya lé wo anlé yarapawela wenayezan Antipas gyɛ ka va, fɛana lé Satan nyanana ke, ana, ’bɛ yinu nyaoo, i bli ’ka si lɛ anlé we lɛ duowo lo.

Wegɔɔnle 2:2

I kɛlɛwenu koo, ilé nyanama koo, i yara pale we la koo, maa wo dɔɔ. Maa a gi dɔɔ léé, i ’ka bɔa dɔle lɛ mi nyanénu lé we nyi wuo lo; munu lé, wo léé, ’wa nwunvɔmunu nya ’té wo ’ka a nya bɛ lo, i wo gi dan yé i wo ye viémunu nya.

Wegɔɔnle 2:24

Yé ’kaa Tiatii munu pɔnénu lé ka ’ka wepaale ’ko nyi si lɛ lo, ’té we lé wa laan Satan lé we wɔlɛ ma bɛ, ’té ka ’ka ’bɛ gi dɔɔa lo, maa lé ka lɛ léma: Maa ’ka kɔné bɛ dɔna ka nwiin lo;

Wegɔɔnle 3:9

Bé ye, Satan lé zén‐ékevamunu lé woo viéwoo léé, ’wa Juifinu nya, dɔlé ’té wo ’ka a nya lo, maa dan wo va mi kenu nɔ lɛ i lɛ; bé ye, maa dan da lɛ wo nya, yé wo dan ’wo ’wuo wɔra lɛ i gane wuo, yé wo dan a gi dɔɔ lɛ léé, i sɔ an lɛ.

Wegɔɔnle 7:14

Maa lé a lɛ léé: Anzan, bii ɛ ’bɛ gi dɔɔ. É lé an lɛ léé: Wa munu lé wo si nyané blɛn gi, wo nya; wo ’wolé sɔnu zuru ’Blané nyɛ nya yé wo kɛlɛ fu tata.