Wegɔɔnle 2:3 - Kazambale lé Sebe Sauunu 1979

³ I yara a é pale we la yé i nyané ble an tɔ ma yé i wɔlɛ gi ’ka nyaa lɛ i ma lo. Maa ’bɛ faa gi dɔɔ.

Wegɔɔnle 2:3 ပူးပေါင်းရင်းမြစ်များ

Lɛrɛvɔ Sɛbɛ 37:7

’I nyana drɔɔ Gakelebale ’lɛ, yé i bli ’é vo a lɛ; Yé mian alé we nyian é wo, té alé we é ’na i ma lo, Yé mi lé é ’é bɔngiwe nyanénu lɛ sɔɔ, té alé we é ’na i ma lo.

Lɛrɛvɔ Sɛbɛ 69:7

Mizan, lai sunyanu lé Gakelebale; Munu lé wo bli ke i lɛ, té yaragyɛwe é bɔ wo ma anlé we ma lo, Izraɛl lé Bale, Munu lé woo i naginian, té yara é wo gyɛ anlé we ma lo.

Misé 7:9

Maa wenyané kɛlɛ Gakelebale ma, amalé maa dan an ’wuo dɔ lɛ alé bliflile wuo fɔɔ yé é dɔ an zuo, yé é anzé kɛlɛ néné. É dan go lɛ an nya fɛna fu na, yé maa dan alé we tegele nagini lɛ.

Maak 15:21

Sirɛnezan Simɔn, yee lé ke Alézandre valé Rufus ti nya, é si féi yé é a giéna, yé wo Jézu lé yiliblan nɔ a lɛ gla nya a gole a nya we gi.

WENÉNÉ LÉ LUK A GYE (Évangile selon Luc) 14:27

Yé mian é ’ka ébo lé yiliblan sian yé é da an zuo lo, é ’ka bɔa kɛlɛle lɛ an zuozan nya lo.

WENÉNÉ LÉ LUK A GYE (Évangile selon Luc) 18:1

Jézu gɔné do vɔ wo lɛ a gɔɔnle wo lɛ we gi léé, é a lé ’wo bazoro yifaama, té wo daan a ma lo.

WENÉNÉ LÉ LUK A GYE (Évangile selon Luc) 21:19

ka dan ka boennu si lɛ we gi kalé yarapalale nya.

WENÉNÉ LÉ LUK A GYE (Évangile selon Luc) 5:5

Simɔn a zi pa a lɛ léé: Anzan, ko tu kini nyanama pale nya yé ko ’ka we do kpen ye lɛ lo, naa, i dére ta lé an dan séli nwɛɛn lɛ.

WENÉNÉ LÉ LUK A GYE (Évangile selon Luc) 8:15

Yee lé é dia tɛrɛ zima ta, wa munu lé woo dére maan bli tegele valé bli zin nya, wo nya, yé éé voo wo gi, ’té wo wɔlɛ éé baan yarapalale nya.

WENÉNÉ LE JAN A GYE (Évangile selon Jean) 15:21

Naa, mi lé é an pa zia wo ’ka a dɔɔa lo, bɛwemalé wo dan we ’konu faa kɛlɛ lɛ ka lɛ an tɔ lé we ma.

Rom munu 12:12

Ka gi ’é nana bli kɛlɛle fɛ lɛ lé we ma ma. ’Ka kɛlɛ bli tiéézannu nya nyanéblele gi. ’Kabo nɔ bazorole lɛ.

Rom munu 16:12

An we Trifɛne valé Trifoz lé wo ke nyanama pana Mizan zé nya bɛ, wo va. An we Pɛɛsid lé é sɔ an lɛ, a va. É Mizan lé nyanama pa kiɛre.

Rom munu 2:7

munu lé wo ke fuasan koo, tɔbɔle koo, vole é yuɛma koo, wo naginina yara pale wezin kɛlɛle ta nya bɛ, vole é yuɛma lé a glɛ ’ka lo, Kazambale a tadɔ wozé nya;

Rom munu 8:25

Naa, kaa bli a fɛan kaa ’ka a yé lo, a lɛ, amalé kaa a a lɛbɛnna bli tiéé nya.

1 Korent munu 13:7

Éé mi faa ma we voo; éé bli paan we faa lɛ; a bli a we faa lɛ; éé ’wuo dɔa we faa wuo.

1 Korent munu 16:16

’ka ’bɛ zo munu lɛdɔma, é valé munu faa lé wo ke nyanama duo pana, wo nya.

2 Korɛnt Munu 10:15

Amalé, kobo ze vɔle ’ka giéan é glɛ la lo, yé ko ’ka kobo ze vɔa mi bɛ lé nyanama gi lo; ko bli a a lɛ léé, dé kalé blipale gi gyɛ, ko kɛlɛle blɛn gi éé gya, yé Bale ’é ko dia glɛ ’ko zi yé ko Wenéné fe ka zi tɛrɛnu ta é ziin, ’té ko a yifaama ko glɛ la, ’té ko ’ka kobo ze vɔa wenu lé mi bɛnu a kɛlɛ wozé fɛna, a gi lo.

2 Korɛnt Munu 11:23

Wo léé, ’wa Krist gi nyanamapazannu nyaa? Maa a we fena bélé tavozan zo. Yé maa nii? Maa ’ka ’bɛ nya loo? Anzé gié wozé ta. An nyanama pa é baba é mini wo ta; wo an bla é baba é mini wo ta, wo an vɔ bokɔn gi, ’bɛ gié wozé ta baa, yé maa anbo bɔra ga lɛ gɔnɔ kiɛre.

2 Korɛnt Munu 4:1

Ko nyanama ’ko ye Bale lé nyanai zénle ko ta nya, amalé dé ko a pana ko fuu ’ka sié ko ta lo.

2 Korɛnt Munu 4:16

Bɛwemalé ko fuu ’ka sié ko ta lo. Dé ko kɔlɛ a gana ko maoo, mi lé é ke ko gi, ’té éé nɔlaan é boroné nya yi faa do do ma.

2 Korɛnt Munu 5:9

Bɛwemalé, ko ke kwa kulina léé, dé ko a kɔlɛ ’ko gioo, dé ko si a gioo, ’ko kɛlɛ mi zinnu nya a yuɛ gi.

Galasi munu 6:2

’Ka dɔ ka ke lé we tɔntɔn kɔnénu wuo, a zo lé ka dan Krist lé bélidɔwe lɛ sɔɔ lɛ.

Galasi munu 6:9

Té kaa wɔlɛgi é nyaan kaa ma wezin kɛlɛle nya lo; naa, dé a bléyi bɔ, kaa dan a tɔnɔ ye lɛ, ’té dé kaa fuu ’ka si lɛ kaa ta lo.

Filip munu 2:16

A zo lé Krist lé yi la, an gi é dan nana lɛ kalé we ma léé, maa ’ka vlan buru lɛ é pla lo, yé an ’ka nyanama pa lɛ é pla lo.

Filip munu 4:3

Yé bii é ziin, an bɔluzan yarapawelazan, iin, ilé zanté, naa, lomu lé wo pa an va Wenéné fele lé guli danna bɛ, wo valé Kléman koo, an va nyanama pa béé bɛnu lé wo tɔ ke é gyɛle mi bélilenu tɔ gyɛlasɛbɛ gi koo, ’i bɔ wo va.

Kolɔs munu 1:11

yé ’ka dɔ plɛplɛ we faa gi alé plɛplɛ tɔbɔle nya, yé ’ka kɛlɛ yifaama yarapawelazannu valé bli tiéézannu nya, ’té ka gi éé nanaan.

1 Tɛsalɔnik munu 1:3

We lé ka a kɛla kalé blipale we ma koo, nyanama lé ka a paan Kazambale sɔle ka lɛ we ma koo, ka bli a Kaazan Jézu Krist lɛ yifaama fɛan zo koo, wo sele a ko gi bléyi faa ma kaa Ti Bale ’lɛ.

1 Tɛsalɔnik munu 2:9

Bwenu, kolé nyanama valé kolé nyanéblele sele a ka gi. Ko Kazambale lé Wenéné fe ka lɛ, yé tu valé é kinile ma ko a nyanama ta, té ko kɛlɛ kɔné nya ka va mi do kpen nwiin lo we ma.

1 Tɛsalɔnik munu 5:12

Bwenu, kalé zanté; munu lé woo Bale lé nyanama paan ka va, ’té wa ka zilɛzannu nya Mizan gi, ’té woo we plaan ka lɛ bɛ, ’ka wo lɛdɔma.

2 Tɛsalɔnik munu 3:13

’Kaa bwenu, té ka wɔlɛgi é nyaan ka ma wezin kɛlɛle nya lo.

2 Tɛsalɔnik munu 3:5

Yé Mizan ’é go ka nya Kazambale lé sɔlɛle va, é valé Krist lé bli tiéé va ma.

2 Tɛsalɔnik munu 3:8

ko ’ka mi do kpen lé fɛ ble lɛ é pla lo, ko lɔa é wo; naa, tu valé é kinile ma, ko nyanama paan, ’té ko nyané blé, té ko kɛlɛ mi do kpen nwiin kɔné nya lo we ma.

1 Timoté 4:10

Kaa bli a Bale yuɛmale lé é ke mi faa siéwegizan nya, ’té é ke munu lé wo bli vo a lɛ, wo siéwegizan bozen nya bɛ, a lɛ; bɛwemalé ko nyanama paan ’té ko guli daan.

1 Timoté 5:17

Léglizigimi segelenu lé woo we yuɛ gi boo é zima, é a lé ka wo lɛdɔma, wo bɛn ’é vo ka gi ma; wo lé woo Bale dére fé yé woo we paan munu gi wo zua, é a lé ’bɛnu lɛdɔmale é mini wo faa ta.

Ébrunu 10:36

We lé ke ka mawe nya, yee lé ke léé, ’ka kɛlɛ yarapawelazannu nya, yé dé ka Kazambale lé blibɔmawe lɛ sɔɔ faa yé fɛ lé Kazambale a fe léé, é dan a nɔ lɛ ka lɛ, yé é a nɔ ka lɛ.

Ébrunu 12:1

Kaa zi gunu a é dɔrale ’bɛ zo wenayemunu kiɛre nya bélé lati zo, bɛwemalé kaa é ziin, fɛnu lé woo kaa bɛn dɔa, kaa wo faa pla ma, yé kaa sɔn vɔ wenyanékɛlɛbli ma, yé kaa vlan buru kaa yarapalale nya vlan za kɛlɛna lé, a lɛ ke é sole kaa ’lɛ bɛ, ana ma,

Ébrunu 13:13

Bɛwemalé, kaa go a va fla nwun zi mi; yaragyɛwe lé é ’wuo dɔ a wuo, kaa ’wuo dɔ yee duo wuo ma.

Ébrunu 6:10

Naa, Kazambale ’ka weple kɛla lo. Ka nyanama pa fɛan zo, ’bɛ sele a Kazambale gi. Ka a gɔɔn léé, Kazambale tɔ sɔ ka lɛ, alé munu mawe kɛlɛle nya fɛan zo, ’té ka a kɛlɛna tan bɛ, ’bɛ sele a a gi.

Ébrunu 6:12

É sɔ ko lɛ léé, té ka yuɛ gi é blan lo, naa, munu lé wo ke blivolɛdére lɛsɔɔle yena, blipale valé yarapalale nya, ’ka kɛlɛ bélé wo zo.

Ébrunu 6:15

’Bɛ zo lé, dé Abraam a lɛbɛn yarapalale nya faa, yé fɛ lé Kazambale a fe blivolɛdére nya, yé é a ye.

2 Piɛri 1:6

yé ’kabo kunle pa wedɔɔle va, yé ’ka bli tiéé pa kabo kunle va, yé ’ka Bale lé zi sɔle ka lɛ pa bli tiéé va,

Wegɔɔnle 1:9

Maa Jan, maa a ka bwe nya. Nyanéblele valé plale mi nwiin valé yara pale we la lé ko ye Jézu lé we ma, é a kaazé nya. Maa a Kazambale dére valé Jézu lé we fena, amalé wo an si yé wo an zun wɛyi worona tɛrɛ lé wa laama Patimɔ, a ta.

Wegɔɔnle 3:10

I tawo an dére ta yarapalale nya, amalé maa é ziin, bléyi tɔntɔn lé é dan bɔ lɛ tɛrɛ faa la, tɛrɛlamunu gi danle we gi bɛ, maa dan ka tabin lɛ ’bɛ bléyi va.