Wegɔɔnle 2:26 - Kazambale lé Sebe Sauunu 1979

²⁶ Mian we ’ko ’wuo vo a lɛ, ’té éé yara paan anlé we kɛlɛle ta fɔɔ yé é bɔ a ’wuoplana, maa dan a pla lɛ bɛnnu nwiin.

Wegɔɔnle 2:26 ပူးပေါင်းရင်းမြစ်များ

Lɛrɛvɔ Sɛbɛ 2:8

Bé laa an lee yé maa dan bɛnnu nɔ lɛ i lɛ ilé tɔnɔfɛ nya, Maa dan tɛrɛ nɔ lɛ i lɛ izé nya, fɔɔ yé é bɔ a glɛ sina.

Lɛrɛvɔ Sɛbɛ 2:9

I dan wo ’wii lɛ ilé plaminwiin foliɛwɔlɛ nya. I dan wo ’wii lɛ bélé bɔdɔzan lé bɔ ’wiile zo.

Lɛrɛvɔ Sɛbɛ 49:14

Wolé tawobɛ valé wolé ’tugyɛwe lé ke bɛ; Yé munu lé woo goo wo zuo, wo dérenu sɔ ’bɛnu lɛ. Ka ye do.

Daniɛl 7:18

Naa, lagi Loruzan lé munu é dan pla lɛ munu nwiin, yé plale munu nwiin é dan vo lɛ wozé nya lɛɛfaama, a glɛ ’ka lo, ’té ’bɛ glɛ ’ka dɔa monomono lo.

Daniɛl 7:22

fɔɔ yé mi kwa lé ke yinu ’lɛ, é da yé é weblele se kɛlɛ Loruzan lé munu lɛ yé a bléyi bɔ yé é a se kɛlɛ wo lɛ léé, wo pla munu nwiin.

Daniɛl 7:27

Plale mi nwiin koo, munu plale a wuo koo, tɛrɛ la bɛngɔnɔnu faa lé fua koo, wo dan wo nɔ lɛ Loruzan lé munu lɛ. ’Bɛnu lé plale mi nwiin a plale mi nwiin lé é vo ana lɛɛfaama, a glɛ ’ka lo, a nya, yé minwiinzannu faa é dan a bɔ lɛ yé wo dan a lɛdɔ lɛ a ma.

Matio 10:22

An tɔ lé we ma lé munu faa é dan ka za pa lɛ. Naa, mian éé yara paan anlé we kɛlɛle ta fɔɔ yé ’é bɔ a ’wuoplana ’bɛzan é dan si lɛ we gi.

Matio 19:28

Jézu lé wo lɛ léé: Maa lé ka lɛ webozen nya léé, a bléyi é dan bɔ lɛ yé ’wo fɛnu faa kɛlɛ é dɛrɛ; dé ’bɛ bléyi bɔ, dé maa, blami Be nyana anlé webleblin tɔbɔle ta, ka lé ka da an zuo, ka dan nyana lɛ webleblin vu ta fié ta, yé ka dan Izraɛl bɛn vu ta fié lé we ble lɛ.

Matio 24:13

Naa, mian éé yara paan anlé we kɛlɛle ta fɔɔ yé é bɔ a ’wuo plana, ’bɛzan é dan si lɛ we gi.

WENÉNÉ LE JAN A GYE (Évangile selon Jean) 6:29

Jézu lé wo lɛ léé: Kazambale lé nyanama lé ke ’ko: maa lé é an pa zia, ka bli vole an lɛ lé.

Rom munu 2:7

munu lé wo ke fuasan koo, tɔbɔle koo, vole é yuɛma koo, wo naginina yara pale wezin kɛlɛle ta nya bɛ, vole é yuɛma lé a glɛ ’ka lo, Kazambale a tadɔ wozé nya;

Rom munu 8:37

Naa, we ’konu faa gi kaa a a ’wuo?-?volɛmunu nya gɔnɔ fié, mi lé kaa sɔ a lɛ, alé we ma.

1 Tɛsalɔnik munu 3:5

Amalé dé an ’ka bɔa we ’ko vole lɛ ’ko zo lo, an Timoté pa ka lɛ zia léé, dé kalé blipale a kaa? ’é da ’é a zuo fe an lɛ. Kana a an gi léé, dé migidanzan ka gi dan mii? yé nyanama lé ko pa, dé é vo é plaa?

Ébrunu 3:6

naa, Krist kɛlɛ yarapawelazan nya bélé mi be lé ke é plale ébo lé kɔn nwiin, a zo. Yé kaa a alé kɔn nya, ’té dé kaa bli vo é pale gligli, yé kaa bli vo we lé éé kaa gi nanaan, a lɛ, fɔɔ yé kaa bɔ a ’wuoplana.

SEBE LÉ JAK A GYE (Épitre de Jacques) 2:20

Bii tavozan, blipale lé a kɛlɛwenu ’ka lo, a tɔnɔ ’ka lo, i ’ka ’bɛ gi dɔɔa loo?

1 Jan 2:19

Wo si kaa méléna, naa, wo ’ka kaazé nya lo. Dé é vo léé, kaazé lé é ke wo nya, ’té wo vo kaa va kɔɔn. We ’ko kɛlɛle ma lé munu faa a gi dɔɔ léé, wo faa ’ka kaazé nya lo.

1 Jan 3:23

Alé bélidɔwe lé é ke ’ko: kaa bli vo a Be Jézu Krist tɔ lɛ ma, yé kaa sɔ kaa ke lɛ, bélidɔwe lé Jézu a nɔ kaa lɛ, a yɛrama.

1 Jan 5:5

Mi lé éé tɛrɛlawe keleé yé a ’wuo é vo a lɛ, dé é ’ka mi lé a bli ke a lɛ léé, Jézu a Kazambale Be nya, azan nya lo, ’té ’bɛzan lé é ke de nyaa?

Wegɔɔnle 2:11

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian we ’ko ’wuo vo a lɛ, a gulii ’ka dan ga lɛ lo.

Wegɔɔnle 2:17

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian we ’ko ’wuo é vo a lɛ, maa dan mana yɔɔle nɔ lɛ a lɛ, yé maa dan gɔlɛ fu nɔ lɛ a lɛ; ’té tɔ dɛrɛ a é gyɛle gɔlɛ ’ko ta, mi do ’ka a dɔɔa lo, ’té dé é ’ka mian wa nɔ a lɛ, a nya lo.

Wegɔɔnle 2:7

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian a ’wuo é vo a lɛ, mibéliyili lé é ke Kazambale lé fɛna paradi, maa dan a poro nɔ lɛ a lɛ blefɛ nya.

Wegɔɔnle 20:4

Yé maa webleblinnu ye, yé Bale weblele se kɛlɛ wotazannu lɛ. Yé munu lé wo wo ’wuo kini Jézu lé we fele valé Kazambale dére lé we ma koo, munu lé wo ’ka dia lɛ ’wo bli la wi valé é yili ’lɛ lo, ’té wo ’ka wi lé tɔmase gyɛ lɛ, dé wo yarapɛla léé, dé wo bɛ la léé, ana lo, maa wo boennu ye. Wo nwa é yuɛma é ziin yé wo pla munu nwiin Krist va lɛɛ wuru soru.

Wegɔɔnle 21:7

Mian we ’ko ’wuo vo a lɛ, é dan fɛ ’konu ye lɛ ézé tɔnɔ nya; maa dan kɛlɛ lɛ alé Bale nya yé é dan kɛlɛ lɛ an be nya.

Wegɔɔnle 22:5

Béli ’ka dan tan lɛ é dɛrɛ lo; Mizambale é dan wo ta kini lɛ, amalé wo mawe ’ka kyɛbɔ valé yirisan gi lo. Yé wo dan pla lɛ munu nwiin lɛɛfaama.

Wegɔɔnle 3:12

Mian we ’ko ’wuo vo a lɛ, maa dan a kɛlɛ lɛ kɔn wɛyili nya anlé Bale lé kɔn blɛn gi, yé é ’ka dan bɔra lɛ ’bɛ gi é dɛrɛ lo; anlé Bale tɔ koo, anlé Bale lé fla lé é ke Jérusalɛm dɛrɛ lé é dan si lɛ la gi anlé Bale va yé é zun, a tɔ koo, an tɔ dɛrɛ koo, maa dan wo gyɛ lɛ a ta.

Wegɔɔnle 3:21

Mian we ’ko ’wuo vo a lɛ, ko dan nyana lɛ a nya anlé webleblin ta, bélé fɛan zo lé a ’wuo vo an lɛ yé an Ti an nyana ’é va élé webleblin ta, a zo.

Wegɔɔnle 3:5

Mian we ’ko ’wuo vo a lɛ, wo dan sɔ fu zén lɛ a ta; yé maa ’ka dan a tɔ fwi lɛ mi bélilenu tɔgyɛla sɛbɛ gi lo, yé maa dan a tɔ bɔra lɛ an Ti valé élé lanjenu yara.