Wegɔɔnle 2:2 - Kazambale lé Sebe Sauunu 1979

² I kɛlɛwenu koo, ilé nyanama koo, i yara pale we la koo, maa wo dɔɔ. Maa a gi dɔɔ léé, i ’ka bɔa dɔle lɛ mi nyanénu lé we nyi wuo lo; munu lé, wo léé, ’wa nwunvɔmunu nya ’té wo ’ka a nya bɛ lo, i wo gi dan yé i wo ye viémunu nya.

Wegɔɔnle 2:2 ပူးပေါင်းရင်းမြစ်များ

Lɛrɛvɔ Sɛbɛ 1:6

Naa, Gakelebale mi tegelenu lé zi dɔɔ, Yé wenyanékɛlɛzannu lé zi éé goo mi sɛrɛna.

Matio 7:23

Naa, an dan a fe lɛ wo lɛ kpaklaa léé: Maa ’ka ka dɔɔ lɛ monomono lo. Ka lé ka weple kɛla, ’ka si an ma.

WENÉNÉ LE JAN A GYE (Évangile selon Jean) 6:6

We lé é dan a kɛlɛ lɛ, é a gi dɔɔ, naa, é we ’ko fe Filip gi danle we gi.

Galasi munu 1:7

É ’ka kɛlɛ lɛ léé, wenéné bɛ a lo, naa, mi kenu ana, é sɔ wo lɛ léé, ’wo Krist lé Wenéné nɔla yé ’bɛ gi bɔrɔ pa ka ma.

Éfez munu 4:14

Amalé té kaa kɛlɛ nénu zo é dɛrɛ lo; té kaa bli é kɛlɛ we faa lɛ lo; té kaa go wepaale faa zuo lo; té mi tablezannu é kaa saan wolé dabli kɛlɛle valé wolé suyɛn dére nya lo;

1 Tɛsalɔnik munu 1:3

We lé ka a kɛla kalé blipale we ma koo, nyanama lé ka a paan Kazambale sɔle ka lɛ we ma koo, ka bli a Kaazan Jézu Krist lɛ yifaama fɛan zo koo, wo sele a ko gi bléyi faa ma kaa Ti Bale ’lɛ.

1 Tɛsalɔnik munu 5:21

’Ka wenu faa va si. ’Ka kun a zin ma ma.

2 Timoté 2:19

Kazambale lé wegane a é vɔle gligli duowo; naa, a dɔgligli dérenu lé ke ’ko: munu lé wo ke Mizan zé nya, é wo dɔɔ; yé mian éé Mizan tɔ laan, ’é daan weple ma ma.

Ébrunu 6:10

Naa, Kazambale ’ka weple kɛla lo. Ka nyanama pa fɛan zo, ’bɛ sele a Kazambale gi. Ka a gɔɔn léé, Kazambale tɔ sɔ ka lɛ, alé munu mawe kɛlɛle nya fɛan zo, ’té ka a kɛlɛna tan bɛ, ’bɛ sele a a gi.

1 Jan 4:1

Ka lé ka sɔ an lɛ, té ka bli é vo léli faa lɛ lo, naa, ’ka lélinu gi dan, yeean é ke Kazambale zé nya, a dɔɔle we gi, naa, viébalelayemunu kiɛre bɔra tɛrɛ la.

Wegɔɔnle 2:5

Bɛwemalé, fɛana lé we ’ko san i lee, ’i gi bɔrɔ ’bɛ ma; ’i bli nɔla yé ’i kɛlɛwe vininnu kɛlɛ ma. Dé i ’ka i bli nɔla lɛ lo, maa dan da lɛ i va, yé maa dan ilé fintran si lɛ é dɔrana.

Wegɔɔnle 2:6

Naa, we do a ilé wezin nya duowo; yee lé é ke léé, Nikolat palu gizannu kɛlɛwenu lé a za ke an gi, a za a i gi é ziin.

Wegɔɔnle 2:9

Maa ilé kleblele valé nyané lé i gyɛle dɔɔ, naa, i a fua nya duowo. Munu lé wo ’wobo laan Juifinu, ’té wo ’ka a nya lo, ’té wo ke Satan lé zén‐ékevamunu nya bɛ, maa gi dɔɔ léé, wa i tɔ sɛrɛna.

Wegɔɔnle 3:1

’I sɛbɛ pa Saad léglizi lé lanje lɛ zia. ’Bé fe a lɛ léé: Mi lé Kazambale léli sɔrafié valé monéné sɔrafié ke a lee, a dére lé é ke ’ko: Maa i kɛlɛwenu dɔɔ. Maa a gi dɔɔ léé, i a mi yuɛmale nya munu yuɛ gi, dɔlé ’té i a é gale.

Wegɔɔnle 3:15

Maa i kɛlɛwenu dɔɔ. I ’ka drɔɔdrɔɔ lo, yé i kyɛ ’ka lo. É sɔ an lɛ léé, i kyɛ ’é kɛlɛ; dé ’bɛ kaan lo, ’i kɛlɛ drɔɔdrɔɔ.

Wegɔɔnle 3:8

Maa i kɛlɛwenu dɔɔ. Bé ye, plɛplɛ kiéné a i lee, i tawo an dére ta, yé i ’ka an tɔ yɔɔ lɛ lo, amalé an zi lɛ so i lɛ, yé mi do kpen ’ka bɔa a lɛ tanle lɛ lo.