Wegɔɔnle 2:14 - Kazambale lé Sebe Sauunu 1979

¹⁴ Naa, i ma we kenu a an gi, yee lé ke léé, i va mi kenu a Balaam lé wepaale va. Balaam we paa Balak gi léé, ’é saanwe gɔɔn Izraɛlnu lɛ léé, ’wo miyili banwinu ble, yé ’wo ’wobo nɔ pɛnpɛnnégyɛle lɛ.

Wegɔɔnle 2:14 ပူးပေါင်းရင်းမြစ်များ

Ézai 57:14

Wo dan a fe lɛ léé: ’Ka zi ma’lɛrɛoo, ’ka zi ma’lɛrɛ yɔrɔyɔrɔ! ’Ka fɛ polunu si anlé munu ’lɛ zia.

Jérémi 6:21

Amalé Gakelebale léma: Maa dan misaangɔlɛnu pla lɛ munu ’konu ’lɛ; nénu valé ’wo tinu sɔné é dan san lɛ ékeva; béé valé béénu sɔné é dan san lɛ a ma yé wo dan zamaga wo lɛ.

Ézékiɛl 3:20

Dé mi tegele do si élé we tegele kɛlɛle zuo yé é wenaané kɛlɛ, maa dan san pla lɛ a ’lɛ, yé é dan ga lɛ; i ’ka we lɛ kini lɛ a lɛ lo, amalé é dan ga lɛ élé wenyané nya é lee. Alé we tegele lé é a kɛlɛ, wo ’ka dan ’bɛ fe lɛ é dɛrɛ lo, yé maa dan a gawe dɔ lɛ i nwiin.

Ézékiɛl 44:12

Naa, wo munu mawe kɛlɛ wolé miyilinu ’lɛ, yé wo Izraɛl munu kɛlɛ wenyanékɛlɛzannu nya, amalé an bɛ nwa wo ma léé, ’wo nyané ble wolé weple ma. A zo lé Mizan Gakelebale a fe.

Mi Nɔnɔle 24:14

Yé bé ye, sin, maa dan go lɛ anlé munu va. ’I da, yé wean migɔnɔ ’ko é dan a kɛlɛ lɛ ilé munu lɛ é voéla, maa a zuo fe i lɛ.

Mi Nɔnɔle 31:16

Woan Izraɛlnu sia ana yé wo yuɛgi blan Gakelebale lé we kɛlɛle ma Baal‐Péɔɔ lé we nya Balaam dére ta loo? yé ’bɛ lé we maan migyɛgyɛ ’wii Gakelebale lé munu ta loo?

Mi Nɔnɔle 31:8

Wo Madiannu valé wo nwiinzannu gyɛ ékeva, Évi koo, Rékɛm koo, Suu koo, Uru koo, Réba koo, woo lé; wo nwiinzan blɛn soru tɔ lé ke bɛ, yé é ziin wo Béɔɔ be Balaam gyɛ gwɔun nya.

Matio 18:7

We tɔntɔn ’é kɛlɛ tɛrɛlamunu lɛ diérawenu lé we ma. É a lé diérawenu é bɔ, naa, mian é da mi diérawe nya, we tɔntɔn ’é kɛlɛ ’bɛzan lɛ ma.

Kelewenu 15:29

Té ka miyili banwi ble lo; té ka wi nyɛ ble lo; winu lé wo fɛ fɔnɔ wo bɔrɔ gi yé wo ga, té ka wo ble lo; té ka pɛnpɛnné gyɛ lo; fɛnu lé ke ’ko, dé ka yuɛ pa kabo va wolé we ma ka kɛla é zima. Ka yaima.

Kelewenu 21:25

Bɛn bɛnu lé wo bli vo Jézu lɛ, ko ko ’wuo gi bɔrɔ yé ko léé, é a lé wo daan miyili banwinu koo, wi nyɛ koo, winu lé wo fɛ fɔnɔ wo bɔrɔ gi yé wo ga koo, le ginile koo, wo ma, yé ko ’bɛnu faa gyɛ sɛbɛ ta a zo.

Rom munu 11:9

Wolé fɛblele ’é kɛlɛ wo ma wo kunsan valé Wo kunséli nya, yé ’wo saan, yé maa we lɛdɔ wo gi tegele.

Rom munu 14:13

Bɛwemalé, té ko ko ke ma we ble é dɛrɛ lo; naa, ’i bɔn‐in dan, yé we lé é ke ka bwe do saanwe valé a diérawe nya, té bé kɛlɛ lo.

Rom munu 14:21

Dé é a wi blele nyaoo, dé é a nwɛ minile nyaoo, dé weowean éé bɔaléé, é i bwe saan, a nyaoo, é a é zima léé, té i wo do kpen kɛlɛ lo.

Rom munu 9:32

Mɛwemaléé? Wo ’ka a nagini lɛ bélé éé sié blipale va lo, wa nagini bélé éé sié wo kɛlɛwenu va, azama. Misaangɔlɛ wo saan,

1 Korent munu 1:23

naa, Krist lé wa dun yiliblan ta, ko yee ɛ lé we fé. Juifinu éé we ’ko yé ’wolé we gi sɛrɛwe nya; bɛnnu a yé ’tugyɛwe nya,

1 Korent munu 7:2

Naa, pɛnpɛnnégyɛzannu a kiɛre; amalé gɔné faa do do ’é le do si ébozen zé na nya ma, yé le faa do do ’é gɔné do si ézé zana nya ma.

Ébrunu 13:4

Munu faa ’é kalé le sile valé bo sile tɔ zin fe ma; té kalé yialafɛ tiri ’é dɔ lo ma. Naa, pɛnpɛnnégyɛzannu koo, le bɛ valé gɔné bɛ ginizannu koo, Kazambale é dan wolé we ble lɛ.

Jozué 24:9

Moab nwiinzan Sipɔɔ be Balak nwa yé é guli dan Izraɛl va. É Béɔɔ be Balaam laa bale pale ka ma we gi.

1 Piɛri 2:8

Misaangɔlɛ nya, Midiéragɔlɛ nya. Munu lé wo ’ka ’wo bli vo lɛ Jézu lɛ lo, Jézu kɛlɛ yee gɔlɛ nya wo lɛ. Wo ’ka dɔ lɛ Bale dére ta lo, amalé misaangɔlɛ ’ko, é wo saan. Kazambale a kɛlɛ é kyɛn, amalé é kɛlɛ a zo.

2 Piɛri 2:15

Wo si zi tegele ta yé wo ’wobo san. Béɔɔ be Balaam lé, weple ban sɔ a lɛ, wo go ’bɛ lé zi ta;

SEBE LÉ JUD A GYE (Épitre de Jude) 1:11

We tɔntɔn ’é bɔ wo ma ma. Wo tawo Kain lé zi ta; wo zén Balaam lé misaanwe zuo tɔnɔ yele we ma yé wo nwa mi ma bélé Koré zo, amalé wo guru zana a gi.

Wegɔɔnle 2:20

Naa, i ma we do a an gi; yee lé ke léé, lezan Jézabɛl lé é a fe léé, ’é a balelaye le nya, i zi nɔ a lɛ léé, é we paa an wuozannu gi, ’té éé wo saan léé, ’wo ’wobo nɔ pɛnpɛnnégyɛle lɛ, ’té woo miyili banwi blé.

Wegɔɔnle 2:4

Naa, i ma we do a an gi; sɔlɛle lé ke i gi é vinin, é ’ka i gi lao ’bɛ zo lo.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.