Wegɔɔnle 19:7 - Kazambale lé Sebe Sauunu 1979

⁷ Kaa gi ’é nana ma, yé kaa vo gi nanale blɛn gi ma, kaa a tɔ bɔ ma; naa, Blané lé lesile bɔ yé a na ma’lɛrɛle nyaa,

Wegɔɔnle 19:7 ပူးပေါင်းရင်းမြစ်များ

Lɛrɛvɔ Sɛbɛ 107:42

Mi tegelenu éé ’bɛ yé, yé wo gi éé nanaan, Naa, weple kɛlɛzannu faa lɔlu lɛ a é tanle.

Lɛrɛvɔ Sɛbɛ 48:11

Oo Bale, fɛan zo lé i tɔ éé goo baa, A zo duo lé i tɔ zin fele zuogi éé goo fɔɔ tɛrɛ glɛ sina; I bɛyi a we tegele saa kɛlɛbɛ nya.

Lɛrɛvɔ Sɛbɛ 9:14

Gakelebale, i nyanai ’é zén maa ta, An nyanézannu an kɛlɛ nyanaizénlazan nya fɛan zo, bé ye do; ’I an si gale lee,

Wegɔnévɔlenu 29:2

Dé mi tegelenu gi gyɛ munu gi éé nanaan; dé mi naané pla wo nwiin munu éé dunnuan.

Wegɔné Ma Lɛrɛ 3:11

’Kaa Siɔn lomu, ’ka bɔra, ’Ka nwiinzan Salomɔn nagini, Alé tɔkoro lé a bu a wo a ’wuo ma Alé lesiyi la, A ginanayi nya, ’ka nagini. —

Ézai 52:1

Siɔn munu, ’ka vuo‐oo, ’ka vuo. ’Ka ’lɛrɛfɛ zén ka ta é ziin. Fla sauun Jérusalɛm, ’ka fɛtikɛlɛ?-?varɔ zén ka ta. Naa, mi lé a gane ’ka é dɔle lo, ’bɛ valé mi tiridɔle ’ka dan wɔra lɛ i va é dɛrɛ lo.

Ézai 62:5

Pɛniɛ éé blɛnzan sié fɛan zo, A zo duo lé i benu é dan i si lɛ. Fɛan zo lé bodɛrɛsizan é zana gi nana, A zo lé i dan ilé Bale gi nana lɛ.

Ézai 66:10

’Kaa faa lé Jérusalɛm sɔ ka lɛ, Ka gi ’é nana a tamunu va ma, ’É kɛlɛ ka ginanamazan nya. ’Kaa faa lé ka a gyɛ bo, Ginanale ’é ka kun a va, léé,

Ézai 66:14

Ka dan a ye lɛ, yé ka dan fan lɛ ginanale nya, yé ka wɔlɛi é dan dɔ lɛ ka ma bélé lutolu zo. Gakelebale é dan élé plɛplɛ nagɔɔn lɛ é wuozannu lɛ, naa, a nyanézannu é dan alé bliflile dɔɔ lɛ ’wo kɔlɛ ma.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

Matio 1:20

É a é gi bɔrɔna we ’ko ma aan wo, Mizambale lé lanje do bɔra a va nyɛ fla yé é léé: David gɔnɔlazan Jozɛfu, té i kana i bwɛ Mari sile ma lo, naa, né lé é a bɔn si bɛ, é si Léli Sauun va.

Matio 22:2

Kazambale plale mi nwiin a bélé minwiinzan lé, é ’é be lé lesile lé fɛti kɛlɛ, a zo.

WENÉNÉ LÉ LUK A GYE (Évangile selon Luc) 12:36

Munu lé wozan go lesile lé fɛti kɛlɛ lɛ yé wo vo a lɛbɛnna, léé, dé é da yé é duoli gyɛ tɔɔn ’wo kɔn lɛ so a lɛ, ’ka kɛlɛ bélé wo zo ma.

WENÉNÉ LE JAN A GYE (Évangile selon Jean) 3:29

Mi lé le dɛrɛ ke a lee, yee ɛ ke lesizan nya; naa, lesizan béé lé, ’bɛ ke é dɔle ana, ’té ’bɛ éé tɔné dɔa lesizan dére lɛ bɛ, ’bɛ gi éé nanaan lesizan dére lé we ma; yé é ziin, gi nanale ’ko lé é ke anzé nya, ’bɛ lɛ a é sɔɔle.

2 Korɛnt Munu 11:2

Maa ka pu dɔ lesizan do kpen ɛ lɛ, yé maa ka nɔ Krist lɛ, blɛn lé é ’ka tan gɔné dɔɔa lo, a nya, bɛwemalé maa a ka ta maawona bélé Kazambale lé maawole zo.

Éfez munu 5:23

Le zana a le nwiinzan nya, bélé fɛan zo lé Krist ke léglizi nwiinzan nya, ’té é ke a kɔlɛ nya yé é a a siéwegizan nya é ziin bɛ, a zo.

Éfez munu 5:32

Weyɔɔle ’ko a blɛn. Maa we ’ko fé Krist valé léglizi lé we ma.

Bélidɔwesɛbɛ Fiézan 32:43

Bɛnnu, ’ka alé munu tɔ zin fe lɛrɛ vɔle nya. Naa, Gakelebale é wuozannu nyɛ lɛgi paan, Yé é we lɛgi paan ’é mazannu ma, Yé alé tɛrɛ koo, alé munu koo, Éé wolé wenyané ’yiboo.

Filip munu 3:3

Naa, kaa lé kaa Kazambale bɔa Kazambale Léli nya, ’té kaabo ze vɔa Jézu Krist gi, ’té kaa bli ’ka voo mi kɛlɛwe lɛ monomono lo, kaa ɛ ke ganedɔmunu bozen nya.

Wegɔɔnle 11:13

’Bɛ bléyi va, tɛrɛ ma é dan nyɔɔn lɛ blɛɛn, yé dé flakɔnbale a vu a bale do guru é zanaan a gi, yé a sɔraziɛn é voo; tɛrɛ manyɔɔnle ’ko é dan mi baa yaa wuru soru gyɛ lɛ, yé mi pɔnénu gi nyɛ é dan kini lɛ yé wo dan la gi Bale tɔ bɔ lɛ.

Wegɔɔnle 19:9

Yé lanje lé an lɛ léé: ’Bé gyɛ sɛbɛ gi léé: Munu lé wo wo laa ’Blané lé lesile lé fɛti kɛlɛle ma, wozé a é zima. Yé é lé an lɛ léé: Dére ’konu a Kazambale dére bozennu nya.

Wegɔɔnle 21:2

Fla sauun lé ke Jérusalɛm dɛrɛ nya, maa a ye sina la gi Kazambale va yé é zun. A ma a é ’lɛrɛle bélé bosizan lé é ’lɛrɛ é zana lɛ, a zo.

Wegɔɔnle 21:9

A zuo, lanje sɔrafié lé, kana sɔrafié ke wo lee, ’té wo ke é fanle migyɛgyɛ sɔrafié voélazannu nya, wo va lanje do we fe an lɛ yé é léé: ’I da, yé bosizan lé é ke ’Blané na nya, maa a nagɔɔn i lɛ.

1 Samuɛl 2:1

Ane bazoro yé é léé: An gi nana Gakelebale gi; Gakelebale an dɔ plɛplɛ é ziin; An ’léé fuo an nyanézannu ma, Naa, an gi nana i bɔle an va we ma.