Wegɔɔnle 19:20 - Kazambale lé Sebe Sauunu 1979

²⁰ Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.

Wegɔɔnle 19:20 ပူးပေါင်းရင်းမြစ်များ

Wepélisiananu 19:24

Yé Gakelebale povun valé kyɛ zana Sɔdɔm valé Gɔmɔɔ ta bélé lɛɛ zo. Gakelebale bozen va lé we ’ko si.

JOB (Job) 18:15

Alé mi do kpen ’ka dan nyana lɛ alé kɔn gi lo, Yé wo dan povun kyɛ zén lɛ alé kɔn ta.

Lɛrɛvɔ Sɛbɛ 11:6

Kyɛnyɛnu koo, kyɛ valé povun koo, Éé wo zén‐é mi nyanénu ta bélé lɛɛ zo. Fu lé éé wo kyɛ blé, yee ɛ ke wo dɔlafɛ nya.

Ézai 30:33

Maa miyilibanna ma’lɛrɛ ana mɔn Tofɛt; a ma a é ’lɛrɛle Asirinu nwiinzan lé we ma. A guru a, yé a laala a blɛn yé maa kyɛ zén yee miyilibanna ta di; maa, Gakelebale, maa dan kyɛ vɔ lɛ a ’léé an flin fu nya bélé povun kyɛ blɛn zo.

Ézai 34:9

Édom tɛrɛ la yuunu é dan nɔla lɛ wele nya, yé ana vun é dan nɔla lɛ povun nya, yé alé tɛrɛ é dan kɛlɛ lɛ bélé wele lé a kyɛ ke blena, a zo.

Ézékiɛl 24:5

’I wi ko si trubɛnu va, yé ’i kyɛ wo lɛedaa wuo kiɛre yé ’é fli zɛ zɛ zɛ, yé wiwɔlɛnu lé wo ke a gi, yé wo ma é ziin.

Ézékiɛl 38:22

Maa dan dɔra lɛ a ta bawurumagyɛ koo, nyɛ zanale koo, lɛɛ ’lɛ plɛplɛ koo, goowɔlɛlɛɛ lé ke gɔlɛ zo koo, wo nya. Maa dan kyɛ valé povun zén lɛ yee valé élé sunyanu koo, mi kiɛre lé wo ke a va koo, wo ta, bélé lɛɛ zo.

Daniɛl 11:45

É dan élé fua sɔkɔnnu dɔ lɛ wɛyinu méléna, gɔ tɔbɔle lé é ke plɛplɛ, a vazia. É dan bɔ lɛ ézé ’wuo plana, ’té a bɔavazan ’ka lo.

Daniɛl 8:24

Alé plɛplɛ gi é dan gyɛ lɛ, naa, abo lé gla ma kaan lo; é a fɛsɛrɛzan nya fɛan zo, é gié é glɛ la. Wenu lé é dan wo kɛlɛ lɛ wo nyian é dan wo lɛ a lɛ. É dan mi plɛplɛnu valé Bale lé munu sɛrɛ lɛ tata.

Daniɛl 8:26

Nyanadinu valé bladinu lé yuɛziwe lé bé ye bɛ, é a webozen nya. Naa bii, ’i yuɛziwe ’ko tadɔ i bli gi. Naa, é a bléyi baanu zé nya.

Matio 7:15

’Ka yuɛ pa kabo va viébalelayemunu lé we ma. Woo dan ka va bélé ’blanu zo, naa, wo bli a wo gi bélé lɔrɔgyɛ glau zo.

Bélidɔwesɛbɛ Fiézan 29:23

tɛrɛ ’ko lé é ke wɛtɛrɛ valé poovun tɛrɛ valé kyɛbletɛrɛ tanale nya, ’té fɛwɔlɛ valé féifɛ ’ka ana lo, ’té lu ’ka bɔraan ana lo, bélé Sɔdɔm koo, Gɔmɔɔ koo, Adima koo, Séboim koo, woo lé Gakelebale wo sɛrɛ élé bliflile valé é wɛwɛ blɛn nya bɛ, wo zo, dé wo ’bɛ ye,

Jozué 8:23

Wo Ai nwiinzan si é yuɛma, yé wo go a nya Jozué va.

Wegɔɔnle 14:10

yee é ziin, é dan Kazambale lé bliflile mini lɛ bélé nwɛ zo. Bliflile ’ko ’ka é vɔɔle lo, é a Kazambale lé bliflile zéngikana gi, yé azan é dan a mini lɛ, yé é dan nyané ble lɛ kyɛ valé povun kyɛ va, lanje sauunnu valé ’Blané yuɛ va.

Wegɔɔnle 17:12

Béli vu lé bé ye, wa minwiinzan vu nya. Wo ’ka tan bɛntɛrɛ ye lɛ lo, naa, wo kɛlɛle minwiinzan nya se kɛlɛ wo lɛ lɛrɛ do nya wi va.

Wegɔɔnle 19:19

Wi koo, tɛrɛ la minwiinzannu valé ’wolé sunyanu koo, maa wo ye é zénle ékeva gulidanle we gi wisootazan valé ’élé sunyanu va.

Wegɔɔnle 20:10

Yé yonufaatagɔné lé é wo saan, wa vuli kyɛ lé ke blɛn bélé gyankyɛ zo, ’té wo povun zén a va, a va, fɛana lé wi valé viébalelayezan ke, ana; yé wo dan nyané pa lɛ wo ta bladi nyanadi lɛɛfafama, a glɛ ’ka lo.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.

Wegɔɔnle 9:17

’Ko zo lé maa wisoonu valé wotazannu ye yuɛzi gi, wo golɛtayɔɔfɛ yuɛɛ a bélé kyɛ koo, yasɛnt gɔlɛ koo, povun koo, wo yuɛɛ zo. Wisoonu ’wuo a bélé golizranu ’wuo zo; kyɛ koo, kyɛgoi koo, povun kyɛ koo, ’té éé bɔraan wo ’léé.