Wegɔɔnle 19:10 - Kazambale lé Sebe Sauunu 1979

¹⁰ Yé maa dia a gane ma a bɔle we gi, naa, é lé an lɛ léé: Té bé kɛlɛ lo. Bii valé i bwenu lé woo Jézu lé we fé, maa a ka vazan do nya. ’I Kazambale ɛ bɔ. Jézu lé we a balelawefele pun nya.

Wegɔɔnle 19:10 ပူးပေါင်းရင်းမြစ်များ

2 Minwiinzannu 17:36

Naa, Gakelebale lé é ka si Éjipiti tɛrɛ la plɛplɛ blɛn valé é bɛ soile nya, ’ka kana a lee; ’ka dia ka bli la yee ɛ ’lɛ; ’ka saraka bo yee ɛ lɛ.

Lɛrɛvɔ Sɛbɛ 45:11

An lu, ’i tɔné dɔ, ’i an ban i tɔné nya; bé ye; I gi ’é san ilé munu ma ma, é valé i ti lé kɔn ma ma.

Fwile 34:14

Té i dia i bli la bale bɛ do kpen ’lɛ lo; naa, Gakelebale tɔ lé Maabozan, iin, é a maabo Bale nya.

Daniɛl 2:46

Yé minwiinzan blɛn Nébukanɛsaa dia ’é bli la Daniɛl ’lɛ, yé é léé, ’wo saraka bo Daniɛl lɛ, yé wa ban lasikɔrɔ nya.

Daniɛl 7:10

Kyɛ éé bɔraan a ’lɛ, ’té éé yoroan bélé yuu zo. Mi wuru é wuru a bɔa, yé mi baa é wuru é wuru a é dɔle a ’lɛ. Weblezannu nyana, yé wo sɛbɛnu fuo.

Matio 4:10

Jézu lé a lɛ léé: Satan, ’i si an ma. É a é gyɛle Kazambale lé sɛbɛ gi léé: ’I ’wuo tua Mizan izé Bale lɛ, yé ’i yee do kpen ɛ bɔ.

Maak 5:22

Yé bazorokɔnzan do lé, wa laama Jairus, é da. É Jézu ye aan wo, é ébo dia a gane wuo,

Maak 7:25

Naa, le do lé yo tiridɔle ke a lu gi, é Jézu lé we ’ma aan wo, yé é da yé é dia a gane wuo.

WENÉNÉ LÉ LUK A GYE (Évangile selon Luc) 1:19

Lanje lé a lɛ léé: Maa ɛ ke Gabriɛl nya. Maa dɔa Kazambale ’lɛ; Bale an pa zia wefele i lɛ we gi, é valé wenéné ’ko fele i lɛ we ma.

WENÉNÉ LÉ LUK A GYE (Évangile selon Luc) 24:44

A zuo yé é lé wo lɛ léé: Bléyian va lé maa ke yi la ka va, maa a fe ka lɛ léé, we lé wa gyɛ an ma we nya Moizi lé bélidɔwe koo, balelayemunu lé sɛbɛnu koo, lɛrɛvɔ sɛbɛ koo, wo gi, é a lé wo faa lɛ é sɔɔ. Yeean é kɛlɛ ’ko loo?

WENÉNÉ LE JAN A GYE (Évangile selon Jean) 5:39

É a ka gi léé, vole é yuɛma lé a glɛ ’ka lo, a ’wuo a Kazambale lé sɛbɛ nya, amalé ka ke a gi kulina. Kazambale lé sɛbɛ ’ko, ’bɛ ɛ an gɔɔn‐an ka lɛ.

Kelewenu 10:43

Balelayezannu faa a ma we fe léé, dé miomian bli vo a lɛ, Bale é dan wo ma we vo lɛ wolé wenyané ma a tɔ lé we ma.

Kelewenu 13:27

Naa, Jérusalɛm munu valé wo nwiinmunu wo ’ka Jézu dɔɔ lɛ lo. Balelayemunu dére lé, wa ta fé flinyi faa nya, wo ’ka ’bɛ gi ’ma lɛ lo yé wo yee sɛbɛgiwe lɛ sɔɔ we dɔle Jézu nwiin nya.

2 Korɛnt Munu 8:7

Ka bli a é pale, ka Bale dére fé é zima, ka we dɔɔ, ka we kɛla ka fuu nya ka ta, ko va sɔlɛle a ka gi blɛn, amalé we kɛlɛle zin ’ko, é a lé ka tɔ é bɔ ’bɛ gi é ziin.

Éfez munu 5:15

Bɛwemalé, ’ka yuɛ pa ka giégane va; té ka tawo bélé ’tugyɛmunu zo lo; naa, ’ka tawo bélé wedɔɔmunu zo.

Éfez munu 5:33

Yé é ziin, ka faa nanu ’é sɔ ka lɛ bélé kabozen zo ma, yé ’kaa lomu, ’ka zananu lɛdɔma ma.

Filip munu 3:3

Naa, kaa lé kaa Kazambale bɔa Kazambale Léli nya, ’té kaabo ze vɔa Jézu Krist gi, ’té kaa bli ’ka voo mi kɛlɛwe lɛ monomono lo, kaa ɛ ke ganedɔmunu bozen nya.

1 Tɛsalɔnik munu 5:15

’Ka yuɛ pa kabozen va léé, té mi do é wenyané lɛgi pa é bɔluzan ma wenyané nya lo. Naa, ’ka yara pa wezin kɛlɛle ta ka ke lɛ, é valé munu faa lɛ.

Ébrunu 1:14

Lanjenu faa ’ka bélé funu zo Kazambale lé nyanama gi loo? Bale ’ka wo pa lɛ zia munu lé wo dan si lɛ we gi, bɔle wo va we gi loo?

Ébrunu 12:25

’Ka yuɛ pa kabozen va, mi lé ke we fena ka lɛ, té ka sɔn vɔ a dére ma lo. Munu lé wo sɔn vɔ Moizi lé é we fe wo lɛ tɛrɛ la ’ko, a dére ma, dé Bale we lɛdɔ wo gi ’naan, ’té kaa nii? Dé kaa sɔn vɔ mi lé é ke we fena lagi loru bɛ, ’bɛzan dére ma, Bale ’ka dan we lɛdɔ lɛ kaa gi loo?

1 Jan 5:10

Mian é bli vo Kazambale Be lɛ, yee wenayedére ’ko a ’bɛzan gi. Yé mian é ’ka é bli voo Kazambale lɛ lo, é a Bale kɛlɛna viézan nya. É ’ka é bli vo lɛ Kazambale lé wenayedére lé é a fe é Be ma bɛ, a lɛ lo, azama.

1 Jan 5:21

Anlé né kiénénu, ’ka yuɛ pa kabozen va miyilinu lé we ma.

Wegɔɔnle 1:1

We lé Kazambale a gɔɔn Jézu Krist lɛ, yee lé ke ’ko. Wenu lé wo bɔle ’ka vo lɛ baa lo, Kazambale a gɔɔn a lɛ, alé wo gɔɔnle é wuomunu lɛ we gi. É a nagɔɔn élé lanje nwunvɔle nya, maa a wuozan Jan lɛ.

Wegɔɔnle 1:9

Maa Jan, maa a ka bwe nya. Nyanéblele valé plale mi nwiin valé yara pale we la lé ko ye Jézu lé we ma, é a kaazé nya. Maa a Kazambale dére valé Jézu lé we fena, amalé wo an si yé wo an zun wɛyi worona tɛrɛ lé wa laama Patimɔ, a ta.

Wegɔɔnle 12:11

Wa kele ’Blané nyɛ valé wolé wenayedére fele nya, yé wo bli si wobo lɛ léé, ’wo ga.

Wegɔɔnle 12:17

Yé dragɔn bli fli lezan ma, yé é go guli dan lɛ a kulu pɔnénu lé, woo tawoo Kazambale lé bélidɔwenu ta, ’té wo ke Jézu lé wenayezannu nya bɛ, wo va.

Wegɔɔnle 14:7

É lé dére plɛplɛ nya léé: A bléyi bɔ! Kazambale é dan munu lé we ble lɛ, amalé ’ka kana Kazambale lee ma, yé ’ka a tɔ bɔ ma; la koo, tɛrɛ koo, wɛyi koo, ’yibɔnanu koo, ’ka dia ka bli la wo Kɛlɛzan ’lɛ ma.

Wegɔɔnle 15:4

Mizan, de ɛ ’ka kanaan i lee loo? De ɛ ’ka i tɔ bɔa loo? Bii do kpen ɛ ke sauun. Ilé weblelenu a é gɔɔnle, amalé bɛnnu faa é dan da lɛ yé wo dia ’wo bli la i ’lɛ.

Wegɔɔnle 19:9

Yé lanje lé an lɛ léé: ’Bé gyɛ sɛbɛ gi léé: Munu lé wo wo laa ’Blané lé lesile lé fɛti kɛlɛle ma, wozé a é zima. Yé é lé an lɛ léé: Dére ’konu a Kazambale dére bozennu nya.

Wegɔɔnle 4:10

’bɛ bléyi va mi segele yɔ do wɔlɛ ziɛn dia ’wo bli ta webleblin tazan ’lɛ, yé mi lé é ke é yuɛma lɛɛfaama, ’té ’bɛnu a bɔa. Yé wo ’wolé kyankoronu dia webleblin ’lɛ, yé wo léé: