Wegɔɔnle 18:23 - Kazambale lé Sebe Sauunu 1979

²³ kyɛbɔ ’ka dan bi lɛ i ta é dɛrɛ lo, yé wo ’ka dan lesizan valé bosizan dére ’ma lɛ i ta é dɛrɛ lo; ilé yaawomunu kɛlɛ tɛrɛlami blɛnnu nya, yé i bɛnnu faa saan ilé yo kɛlɛlenu nya,

Wegɔɔnle 18:23 ပူးပေါင်းရင်းမြစ်များ

2 Minwiinzannu 9:22

Joram Jéu ye tɔɔn, é léé: Jéu, we drɔɔ léé? Jéu a zi pa léé: We drɔɔ lé kaa? Yé i bu Jézabɛl é vo élé bɔrɔdɛ wenu valé élé mimafɛ kɛlɛnaa?

JOB (Job) 21:17

Naa, yi ke ma, wolé kyɛbɔ éé dirian, ’Té nyanégyɛwe éé bɔa wo maa? ’Té Kazambale éé wozé no élé bliflile gii?

Wegɔnévɔlenu 24:20

naa, mi lé éé wenaané kɛla, alé tɛrɛ tɛlama ’ka lo; mi naanénu lé kyɛbɔ éé dirian.

Ézai 23:8

Tii lé éé tɔkoro no munu lɛ, ’té yaawomunu ke a nwiinzannu nya, ’té a ta flɛdanzannu fua ble é mini tɛrɛ bɛnu faa ta, de ɛ fe léé, we ’ko é dan bɔ lɛ a maa?

Ézai 47:9

We ’ko fiénu é dan bɔ lɛ i ma yi do kpen nya, Né vurule i ma valé kɛlɛle gyɛzarale nya lé; Wo dan ’wii lɛ i ta, Dé i ’moné dɔ kiɛreoo, Dé i yo kɛlɛ kiɛreoo, wo dan ’wii lɛ i ta duowo.

Jérémi 16:9

Naa, Izraɛl lé Bale, lai sunyanu lé Gakelebale léma: Ka ye, ginana siaalenu valé bɔn‐in néné lé siaalenu koo, lesizan lé lɛrɛvɔlenu koo, bosizan lé lɛrɛvɔlenu koo, an dan wo nyaa lɛ fɛkona, ka yuɛ va, kazé bléyi va.

Jérémi 25:10

Ginana siaalenu koo, ginanale baba lé siaale koo, ledɛrɛsizannu valé bodɛrɛsizannu lé lɛrɛvɔle koo, ’woli vun wele valé kyɛbɔ san koo, maa dan wo yi ga lɛ wo méléna.

Jérémi 7:34

Ginana siaalenu koo, ginanale baba lé siaale koo, ledɛrɛsizannu valé bodɛrɛsizannu lé lɛrɛ vɔle koo, maa dan wo yi ga lɛ Juda tɛrɛ la valé Jérusalɛm zinu ta; naa, ana fla é dan kɛlɛ lɛ bwi saa nya.

Naum 3:4

We ’konu bɔ gɔné gini le lé gɔnéginile kiɛre zi, Éé mi sian ana nuu; éé yo kɛla kaiiné. Yee ɛ bɛngɔnɔnu saan élé gɔnéginile nya, Yé éé munu saan élé yokɛlɛle nya.

Kelewenu 8:11

É munu gi vuru élé yo kɛlɛle nya ana mɔn, amalé woo tɔné dɔa a lɛ flee.

Wegɔɔnle 12:9

Dragɔn blɛn, méné kwakwa lé wa laama yonufaatagɔné valé Satan, ’té éé tɛrɛlamunu faa saan bɛ, wa vuli tɛrɛ va, yee valé élé lanjenu nya.

Wegɔɔnle 17:2

A va lé tɛrɛ la minwiinmunu ’wobo nɔ pɛnpɛnnégyɛle lɛ, yé alé pɛnpɛnnégyɛle tɛrɛlamunu gyɛ bélé nwɛ zo.

Wegɔɔnle 17:5

Tɔ do lé a gi ke é yɔɔle, wa gyɛ a yarapɛla léé: Fla blɛn Babilɔn, pɛnpɛnnégyɛzannu valé tɛrɛ la fɛ naanénu bu.

Wegɔɔnle 18:22

Kɔnɔ koo, gobé koo, séén koo, béli koo, wo ’ka dan wo dére ’ma lɛ i ta é dɛrɛ lo, yé dé é a blaobla‐an bozan nyaoo, wo ’ka dan wo ye lɛ i ta é dɛrɛ lo, yé wo ’ka dan fɛ zɔnle vun ’ma lɛ i ta é dɛrɛ lo,

Wegɔɔnle 18:3

bɛnnu faa alé pɛnpɛnnégyɛle baba mini bélé nwɛ zo, yé tɛrɛ la minwiinzannu ’wobo nɔ pɛnpɛnnégyɛle lɛ a va, yé tɛrɛ la yaawomunu fua ble alé fuafɛ kiɛre kiɛre nya, azama.

Wegɔɔnle 18:9

Yé tɛrɛ la minwiinzannu faa lé, wo ’wobo nɔ pɛnpɛnnégyɛle valé fua kiɛre blele lɛ a va, dé wa kyɛblele goi ye, wo dan wuvɔ lɛ yé wo dan a gyɛ bo lɛ.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.

Wegɔɔnle 22:5

Béli ’ka dan tan lɛ é dɛrɛ lo; Mizambale é dan wo ta kini lɛ, amalé wo mawe ’ka kyɛbɔ valé yirisan gi lo. Yé wo dan pla lɛ munu nwiin lɛɛfaama.

Wegɔɔnle 6:15

Tɛrɛ la minwiinzannu koo, mi blɛnnu koo, sunyanwiinzannu koo, fuablezannu koo, vanu koo, luunu faa valé minénu koo, wo yɔɔ gɔmagurunu gi, é valé gɔlɛ blɛnblɛnnu méléna.

Wegɔɔnle 9:21

wolé migyɛle koo, wolé yo kɛlɛle koo, wolé pɛnpɛnné gyɛle koo, wolé kyeenwole koo, wo ’ka ’wo bli nɔla lɛ ’bɛnu kɛlɛle ma lo.