Wegɔɔnle 18:20 - Kazambale lé Sebe Sauunu 1979

²⁰ La, i gi ’é nana a sɛrɛle lé we ma ma. Yé ’kaa Kazambale lé munu koo, nwunvɔmunu koo, balelayemunu koo, ka gi ’é nana é ziin ma. Kazambale alé we nyaa a zo, amalé é we tegele kɛlɛ ka lɛ.

Wegɔɔnle 18:20 ပူးပေါင်းရင်းမြစ်များ

Lɛrɛvɔ Sɛbɛ 107:42

Mi tegelenu éé ’bɛ yé, yé wo gi éé nanaan, Naa, weple kɛlɛzannu faa lɔlu lɛ a é tanle.

Lɛrɛvɔ Sɛbɛ 109:28

Dé wo bale pa mi ma, i dan ’bɛzan drɔɔ vo lɛ. Dé wo nwa, yara é dan wo gyɛ lɛ, Yé i wuozan gi é dan nana lɛ.

Lɛrɛvɔ Sɛbɛ 18:47

Gakelebale a é yuɛma, yé anlé gɔlɛgɔ drɔɔ ’é vo ma. An siéwegibale tɔ ’é kɛlɛ blɛn ma,

Lɛrɛvɔ Sɛbɛ 48:11

Oo Bale, fɛan zo lé i tɔ éé goo baa, A zo duo lé i tɔ zin fele zuogi éé goo fɔɔ tɛrɛ glɛ sina; I bɛyi a we tegele saa kɛlɛbɛ nya.

Lɛrɛvɔ Sɛbɛ 58:10

Dé lélikyɛ ’ka tan kalé lɛedaanu kyɛ dɔ lɛ lo, Dé wa drɔɔdrɔɔoo, dé kyɛ vɔ wo maoo, barikoko é dan go lɛ wo nya.

Lɛrɛvɔ Sɛbɛ 94:1

Gakelebale, welɛgipa Bale, Panu dɔrazan Bale, ’i bɔra a gi.

Wegɔnévɔlenu 11:10

Dé mi tegelenu gi a é nanale, flamunu gi éé voo é nanale; yé dé weplekɛlɛzannu zamaga wo, woo siaan gi nanale nya.

Ézai 26:21

Naa, ka ye, Gakelebale nwa é nyanana yé é dan we lɛdɔ lɛ tɛrɛlamunu gi wolé wenyané blɛnnu ma, yé tɛrɛ é dan mi nyɛ zanale ta bɔra lɛ; é ’ka dan migyɛle yɔɔ lɛ é dɛrɛ lo.

Ézai 44:23

Gakelebale we kɛlɛ, amalé lanu, ka gi ’é nana ma; ’Kaa tɛrɛwɔlɛmanu, kalé ginanale zuoi ’é go ma; ’Kaa gɔnu, ’ka siaa ginanale nya ma, ’Kaa pɔrɔnu valé yili faa tere é ziin, ka gi ’é nana ma. Naa, Gakelebale Jakɔb tabo, azama. É ’élé fua nagɔɔn Izraɛlnu nya.

Ézai 49:13

Lanu, ka gi ’é nana ma. Tɛrɛ, ’i vo ginanale blɛn gi ma. Gɔnu, ’ka siaa ginanale nya ma. Gakelebale élé munu tɔrɔ paa, azama. A nyanai éé zén‐é élé nyanégyɛzannu ta.

Sofoni 3:15

Gakelebale we lɛdɔle ka gi yi ga, Yé é ka nyanézannu si ka ma baa; Izraɛl nwiinzan blɛn, Gakelebale a ka méléna; We tɔntɔn ’ka dan bɔ lɛ ka ma é dɛrɛ lo.

Éfez munu 2:20

Ka a é dɔle kɔngane lé é ke nwunvɔmunu valé balelayezannu nya, wo ta, yé Jézu Krist bozen ɛ ke kɔnsungɔlɛ nya.

Éfez munu 3:5

Wo ’ka a nagɔɔn lɛ blami vininnu lɛ bélé fɛan zo lé Kazambale Léli a nagɔɔn lao alé nwunvɔmunu sauunnu valé Balelayemunu lɛ, a zo lo.

Éfez munu 4:11

Alé blɛnu lé ke ’ko: é mi kenu kɛlɛ nwunvɔmunu nya; é a kenu kɛlɛ Balelayemunu nya; é a kenu kɛlɛ wenéné fezannu nya; é a kenu kɛlɛ léglizigimunu pazannu valé wepaamigizannu nya,

Bélidɔwesɛbɛ Fiézan 32:42

Anlé gwɔun é dan wo nɛ so lɛ a ma, Mi tuolenu koo, luunu koo, An nyanézannu nwiinzannu ’wuonu koo, Wo nyɛ é dan zén lɛ anlé sawɔlɛnu ma bélé nwɛgyɛzan ma kyɛyee bɔle zo.

2 Piɛri 3:2

Maa a a va léé, wenu lé balelayemunu sauun a fale vɔ ka lɛ, a sele ’é vo ka gi, yé é ziin, Mizan lé é ke mi Bélizan nya, bélidɔwe lé é a nɔ ka lɛ élé nwunvɔmunu lɔlu nya, yé ’bɛ sele ’é vo ka gi.

SEBE LÉ JUD A GYE (Épitre de Jude) 1:17

An béé zinnu, wenu lé Kaazan Jézu Krist lé nwunvɔzannu a fale vɔ ka lɛ é kyɛn, wo sele ’é dɔ ka gi ma.

Wegɔɔnle 12:12

Bɛwemalé, lanu valé ’wo gi munu, ka gi ’é nana ma. Tɛrɛ valé wɛyi, we kɛlɛ ka lɛ. Naa, yonufaatagɔné zun ka va, yé é a gi dɔɔ léé, ézé bléyi ’ka vo lɛ blɛn lo, amalé a bli a flina é baba.

Wegɔɔnle 18:6

’Ka a banwo bélé fɛan zo lé éé mi banwoo, a zo, yé ’ka a nɔ a lɛ gɔnɔ fié a kɛlɛwenu yɛrama. Kana lé, é fɛ zén a gi, ’ka azé zén a gi gɔnɔ fié.

Wegɔɔnle 6:10

Wo siaa dére plɛplɛ nya yé wo léé: Mizan bozen sauun, i a mɔnna; bléyi kyɛn nya lé i dan munu lé we ble lɛ yé i ko nyɛ lɛgi pa tɛrɛlamunu maa?

Weblezannu 5:31

Oo Gakelebale, ’ko zo lé i nyanézannu faa ’é zamaga wo ma. Munu lé woo i lɔrɔ paan, wa bélé yiri zo, ’Té dé é bi élé plɛplɛ faa nya. Tɛrɛ vo drɔɔ lɛɛ yɔ fié wuo.