Wegɔɔnle 18:2 - Kazambale lé Sebe Sauunu 1979

² É siaa dére plɛplɛ nya yé é léé: A guru zana a gioo, a guru zana a gi, fla blɛn Babilɔn guru zana a gi! É kinin yonu nyanana nya, yé yo tiridɔlenu faa koo, miané tiridɔle ginzannu faa koo, é kinin wo zénna ékeva nya;

Wegɔɔnle 18:2 ပူးပေါင်းရင်းမြစ်များ

Ézai 14:23

Lai sunyanu lé Gakelebale léé: Maa dan a kɛlɛ lɛ ’téli nyanana valé ’yidɔna nya. Maa dan ana sia lɛ yé ana sia faané a fɛ sɛrɛle nya.

Jérémi 25:30

Yé bii Jérémi, i dan we ’konu faa fe lɛ wo lɛ balelawefele nya; bé fe wo lɛ léma: Gakelebale é dan siaa lɛ la gi plɛplɛ, É dan siaa lɛ é nyanana sauun na, yé a dére zuogi é go wele nya; É dan siaa lɛ plɛplɛ é nyanana ma, É dan siaa lɛ tɛrɛlamunu faa ta, Bélé munu lé woo dɔrɔ zɔn‐o wo gane nya, wo zo.

Jérémi 51:37

Babilɔn é dan kɛlɛ lɛ é ’bin nya, gwenu yiina nya, fɛ sɛrɛle valé we nanamafɛ nya; mi ’ka dan kɛlɛ lɛ ana é dɛrɛ lo.

Jérémi 51:8

Kele tɔɔn, Babilɔn dia, yé wa ’wii. ’Ka dunnu alé we ma, ’ka lia pa a tuona gi, dé é dan béli lɛɛ?

Joɛl 3:16

Gakelebale dére a wena Siɔn bélé golizra zo, ’Té éé wé Jérusalɛm. Tɛrɛ valé la ma éé nyɔɔn‐an, Naa, Gakelebale a élé munu yɔɔna nya, É a Izraɛlnu vɔzizan nya.

Sofoni 2:14

Trubɛ palunu é dan yia lɛ ana, wi gɔnɔ do donu lé. Valusanbla valé ’téli é dan yii lɛ alé kɔnwɛyili nwiin; siaa dérenu é dan we lɛ alé fɛnɛtinu ta. Fɛ sɛrɛlenu é dan kɛlɛ lɛ alé kɔnpa la, yé wo dan alé sɛdrɛyili feenu so lɛ.

Wegɔɔnle 1:15

a ganenu a bélé zéné lé ’furu lé kyɛ a tana, a zo; yé a dére a bélé ’yi blɛnnu vun zo.

Wegɔɔnle 10:3

yé é siaa dére plɛplɛ nya bélé golizra wele zo. É siaa aan wo, zagele sɔrafié ban.

Wegɔɔnle 11:8

Wo dan wo galenu pla lɛ fla blɛn lé wo Sɔdɔm valé Éjipiti tɔ pa a ma, ana vuun la; fla ’ko ta lé munu Wozan gyɛ yiliblan ta.

Wegɔɔnle 14:15

Yé lanje do bɔra Balebangikɔn gi, yé é siaa dére plɛplɛ nya, mi lé é ke é nyanale lafu ta, a lɛ léé: Fɛgyɛbléyi bɔ, tɛrɛlafɛnu tana, bɛwemalé ’i kɔblané gié.

Wegɔɔnle 14:8

Yé lanje fiézan da a zuo yé ’bɛ léé: Fla blɛn Babilɔn lé élé pɛnpɛnnégyɛle nɔ bɛntɛrɛnu faa lɛ yé é wo gyɛ bélé nwɛ plɛplɛ lé mi gyɛle zo, a guru zana a gioo, a guru zana a gi!

Wegɔɔnle 16:13

Yé yo tiridɔlenu yaa lé wo ke bélé yolunu zo, maa wo ye bɔrana dragɔn koo, wi koo, viébalelayezan koo, wo ’léé.

Wegɔɔnle 16:19

Yé fla blɛn a é pale fɛana bɛ, ana tɛrɛ fee bo yaa, yé fla blɛn Babilɔn sele dɔ Kazambale gi yé é élé bliflile baba nɔ a lɛ kana gi bélé nwɛ zo.

Wegɔɔnle 17:18

Lezan lé bé ye, é a fla blɛn lé é ke é plale tɛrɛ la minwiinzannu nwiin, a nya.

Wegɔɔnle 17:5

Tɔ do lé a gi ke é yɔɔle, wa gyɛ a yarapɛla léé: Fla blɛn Babilɔn, pɛnpɛnnégyɛzannu valé tɛrɛ la fɛ naanénu bu.

Wegɔɔnle 18:10

Wo dan dɔ lɛ baa, kanale alé nyanéblele lee we ma, yé wo dan a fe lɛ léé: Yuuu! An bu loo! Fla blɛn Babilɔn, fla plɛplɛ! Ilé we nyaa ’bɛ zo bléyi do nyaa?

Wegɔɔnle 18:21

Gɔlɛ blɛn lé é ke bélé fɛzɔngɔlɛ zo, lanje plɛplɛ do a si yé é a vuli wɛyi va yé é léé: ’Ko zo lé wo dan fla blɛn Babilɔn vuli lɛ plɛplɛ yé wo ’ka dan a ye lɛ é dɛrɛ lo.

Wegɔɔnle 5:2

Yé maa lanje plɛplɛ ye, ’té éé siaan dére plɛplɛ nya léé: De ɛ lé sɛbɛ lɛ so yara léé? De ɛ lé zɔrɔkaanyɔɔ bɔi yara léé?