Wegɔɔnle 18:19 - Kazambale lé Sebe Sauunu 1979

¹⁹ Yé wo tɛrɛ zén ’wo nwiin, yé wo wuvɔ yé wa gyɛ bo, yé wo siaa yé wo léé: Yuuu! An bu loo! Fla blɛn lé, ’yitagorozannu faa fua ble alé fuafɛ kiɛre we ma ’naan, yee ɛ sɛrɛ ’bɛ zo bléyi do kpen nya, yé ana vo é ’bin nyaa?

Wegɔɔnle 18:19 ပူးပေါင်းရင်းမြစ်များ

2 Samuɛl 13:19

Tamaa kyɛyee zén ’é nwiin yé élé sɔ nyɔɔzan fia; é bɛ pla é nwiin yé é go wu blɛn vɔle nya.

Néémi 9:1

’Bɛ moné duo nya, a yi yɔ do wɔlɛ ziɛnzan nya, Izraɛlnu zén ékeva, ’té bɔlɔ a é zénle wo ta sɔ nya, ’té vun a é zénle wo ta, wolé lɔrɔ sɔnle we ma.

JOB (Job) 2:12

Dé wa baa yé wa ye yé wo ’ka a dɔɔ lɛ yee nya lo, yé wo siaa wuvɔle nya. Wo ’wolé sɔnu fia, yé wo vun zén ’wo nwiin.

Ézai 13:19

Babilɔn, bɛntɛrɛnu lé wɛɛwɔlɛ, Kaldé munu lé ’lɛrɛfɛ, wolé bokɛlɛgi blɛn fɛ, é dan kɛlɛ lɛ bélé Sɔdɔm valé Gɔmɔɔ lé Bale wo sɛrɛ, a zo.

Jérémi Lé Wuvɔ Sɛbɛ 2:10

Siɔn mi segelenu woo nyanaan tɛrɛ va, ’té wo ’ka we sié a ta lo. Wo vun zén ’wo nwiin, Wo bɔlɔ zén ’wo ta; Jérusalɛm munu ’wo ’wuo dia tɛrɛ va.

Ézékiɛl 27:30

Wo dan wuvɔ lɛ i ta, Wo dan siaa lɛ nyanainya dére nya, Wo dan vun zén lɛ ’wo nwiin, Wo dan burula lɛ kyɛyee va;

Jozué 7:6

Jozué élé sɔ fia, yé é dia é bli la Gakelebale lé gipakɛsu ’lɛ, yé é yiri vɔ ana, yee valé Izraɛl mi segelenu nya, yé wo vun zén ’wo nwiin.

Wegɔɔnle 17:16

Béli vu lé bé ye, wo valé wi, wo dan gɔnégini le za pa lɛ, yé wo dan ’bɛlé fɛnu faa si lɛ, yé wo dan ’bɛ poro lɛ, yé wo dan ’bɛ wi ble lɛ, yé wo dan ’bɛ kyɛ ble lɛ.

Wegɔɔnle 18:10

Wo dan dɔ lɛ baa, kanale alé nyanéblele lee we ma, yé wo dan a fe lɛ léé: Yuuu! An bu loo! Fla blɛn Babilɔn, fla plɛplɛ! Ilé we nyaa ’bɛ zo bléyi do nyaa?

Wegɔɔnle 18:3

bɛnnu faa alé pɛnpɛnnégyɛle baba mini bélé nwɛ zo, yé tɛrɛ la minwiinzannu ’wobo nɔ pɛnpɛnnégyɛle lɛ a va, yé tɛrɛ la yaawomunu fua ble alé fuafɛ kiɛre kiɛre nya, azama.

Wegɔɔnle 18:8

Bɛwemalé, yi do nya bawurumawe ’konu é dan bɔ lɛ a ma: ga koo, gyɛbole koo, lɔrɔ koo, woo lé, yé a kyɛ é dan ble lɛ. Mizambale lé, é alé we ble, é a plɛplɛ.

1 Samuɛl 4:12

A yi duo nya, Bɛnjamɛn mi do si guli bwi la vlan nya yé é da Silo, ’té alé sɔ a é fiale, ’té tɛrɛ a é zénle a nwiin.