Wegɔɔnle 17:4 - Kazambale lé Sebe Sauunu 1979

⁴ Galunaa sɔ valé sɔ sɔɔn a le ’ko ta, ’té é a é ’lɛrɛle kyan koo, gɔlɛwezannu koo, pɛrɛlnu koo, wo nya. Kyankana lé é ke é fanle fɛ naanénu valé alé gɔnéginile tiri nya, é a a lee.

Wegɔɔnle 17:4 ပူးပေါင်းရင်းမြစ်များ

1 Minwiinzannu 14:24

Wo bɔrɔdɛlomu lɛ do pa é yɛrama, munu faa lé wo go yo ’ko ban lɛ, wozé nya. Bɛnnu lé Gakelebale wo bin Izraɛl lé nénu ’lɛ, wo wolé naanaawe faa zuo sona.

2 Minwiinzannu 21:2

We lé ke é naané Gakelebale yuɛ gi, é a kɛlɛ, bɛnnu lé Gakelebale wo bin Izraɛlnu ’lɛ, wolé bozowenu yɛrama.

Ezidras 9:11

’té bii a nɔ ko lɛ i wuozannu balelayezannu nya, a fele nya léé: Tɛrɛ lé ka dan go lɛ a ta, a kɛlɛle kazé nya we ma bɛ, munu a tiri dɔ we tiridɔlenu nya, é sia a glɛ do ma yé é bɔ a glɛ koɛ ma, wa fan bozowenu valé wolé we tiridɔlenu kɛlɛle nya.

Ézai 66:3

Dé wa an banna diri nya, an ’bɛ yé bélé migyɛle zo; dé wa saraka bona an lɛ ’bla nya, an ’bɛ yé bélé blén bɔrɔ yélile zo; dé wa blɛfɛ nɔna an lɛ, an ’bɛ yé bélé suru nyɛ zanale zo; dé wa lasikɔrɔpo kyɛ blena an lɛ, an ’bɛ yé bélé miyili banle zo; wo faa bɛ, wo kɛlɛwe sɔ wo lɛ, yé wo gi éé nanaan ’wolé bozowe kɛlɛle ma.

Jérémi 51:7

Babilɔn a Gakelebale lee bélé ’yiminigi kyankana zo; éé tɛrɛlamunu faa gya bélé nwɛ lé mi gyɛle zo. Bɛnnu alé dɔrɔ mini, bɛwemalé wo kɛlɛ bélé gwegyɛzannu zo.

Jérémi Lé Wuvɔ Sɛbɛ 1:9

Alé sɔ lɔlu tiri dɔ, yé é ’ka bɔn‐in bɔrɔan é nyaale ma lo; Munu gi vuru a diabɛ lé we ma, yé a tɔrɔpaazan ’ka lo; Oo Gakelebale, ’i anlé nyanainya we ye. Ko nyanézannu éé ko naginian ’wo yuɛ zuo.

Ézékiɛl 20:30

Bɛwemalé, bé fe Izraɛl munu lɛ léma: Gakelebale léma: Ka ’ka kabo tiri dɔna bélé fɛan zo lé ka tranu a kɛlɛ, a zo bɛ loo? Yé ka ’ka gona wolé bozowenu zuo bélé gɔné gini le zo bɛ loo?

Ézékiɛl 24:11

’Bɛ zuo yé ’i lɛedaa koro dɔ kyɛnyɛ ta, léé, a kyɛ ’é dɔ yé é tana, yé a tiridɔfɛ faa ’yi ’é bo a gi yé kyɛ alé gyan si a ma.

Ézékiɛl 24:13

Weple a i tiridɔfɛ va. Naa, é sɔ an lɛ léé, maa i gi bɔ, yé i gi ’ka bɔ lɛ lo, amalé i gi ’ka dan bɔ lɛ i tiridɔle gi lo fɔɔ ’té an wɛwɛ dɔle lɛ sɔɔ é wo i ma.

Ézékiɛl 28:13

I ana é vinin Bale lé Édɛn féi. Gɔlɛ wezannu gɔnɔ faa i ta sɔɔla; saadɔanegɔlɛ koo, topazegɔlɛ koo, diaman koo, krisolitegɔlɛ koo, ɔnisigɔlɛ koo, jasipegɔlɛ koo, safiigɔlɛ koo, gɔlɛwezan nyananyana koo, émérodegɔlɛ koo, kyan koo, woo lé. Ilé poonu valé séén bélinu a i lɛ, wo wo ma’lɛrɛ i bɔrayi nya.

Ézékiɛl 36:25

Maa dan ’yi sésé zén lɛ ka ta yé ka gi é dan bɔ lɛ. Maa dan ka tiri valé kalé miyilinu si lɛ ka ma, yé ka kɛlɛ tata.

Daniɛl 11:38

Naa, duowo, kɔn plɛplɛnu lé wo gi bale ke é dɔle é dɔlafɛ ta, é dan wo lɛdɔ lɛ a ma. Bale ’ko lé a tranu ’ka a dɔɔ lɛ lo, é dan blɛ kɛlɛ lɛ a lɛ, kyan koo, gɔɔlifu koo, gɔlɛwezannu koo, fɛ vlɛzannu koo, wo nya.

OZÉ (Osée) 9:10

Maa Izraɛl ye bélé dɔrɔporo zo bwi gi; maa ka tranu ye bélé bɔrɔyili poro vinin zo; naa, wo go Baal‐Péɔɔ zuo, yé wobo nɔ miyili lɛrɛlɛrɛ lɛ, yé wo kɛlɛ bozofɛ nya, bélé ’wo sɔlɛfɛ zo.

Bélidɔwesɛbɛ Fiézan 29:17

Wolé bozofɛnu valé wolé miyilinu lé wo wo kɛlɛ yili valé gɔlɛ koo, gɔɔlifu valé kyan koo, wo nya bɛ, ka wo ye wo va.

Wegɔɔnle 14:8

Yé lanje fiézan da a zuo yé ’bɛ léé: Fla blɛn Babilɔn lé élé pɛnpɛnnégyɛle nɔ bɛntɛrɛnu faa lɛ yé é wo gyɛ bélé nwɛ plɛplɛ lé mi gyɛle zo, a guru zana a gioo, a guru zana a gi!

Wegɔɔnle 18:12

Kyan koo, gɔɔlifu koo, gɔlɛwezannu koo, pɛrɛlnu koo, lɛnsɔ zima koo, galunaa sɔ koo, lasɔané sɔ koo, sɔ sɔɔn koo, yili gin néné gɔnɔ faa koo, fɛ gɔnɔ faa lé wa kɛla vwii suiɛ nya koo, fɛ gɔnɔ faa lé wa kɛla yiliwezan valé zéné valé foliɛwɔlɛ valé gɔlɛ plɛplɛ nya koo,

Wegɔɔnle 18:16

Yuuu! An bu loo! Fla blɛn lé, lɛnsɔ zima koo, galunaa sɔ koo, sɔ sɔɔn koo, wo ke a ta, ’té é ke é ’lɛrɛle kyan koo, gɔlɛwezannu koo, pɛrɛlnu koo, wo nya! Fua ’ko zo sɛrɛ ’bɛ zo bléyi do nyaa?

Wegɔɔnle 19:2

naa, alé weblelenu a webozen valé we tegele nya; gɔnégini le baba lé, é tɛrɛ sɛrɛ élé pɛnpɛnnégyɛle nya, é alé we ble, yé ’é wuomunu nyɛ lɛgi pa a ma.

Wegɔɔnle 21:21

Duoli vu ta fié a pɛrɛl vu ta fié nya. Duoli do a pɛrɛl do nya. Wo fla worona vuun la kɛlɛ kyan tegele nya bélé vlinvlin lé woo yɛrɛ yé a zi, a zo.

Wegɔɔnle 9:21

wolé migyɛle koo, wolé yo kɛlɛle koo, wolé pɛnpɛnné gyɛle koo, wolé kyeenwole koo, wo ’ka ’wo bli nɔla lɛ ’bɛnu kɛlɛle ma lo.