Wegɔɔnle 17:3 - Kazambale lé Sebe Sauunu 1979

³ An si an pɔlɛ gi yé an nɔla miléli nya yé é go an nya bwi gi. Yé maa le do ye é nyanale wi sɔɔn lé é ke é fanle sɔnɔ tɔnu nya, ’té a ’wuo ke sɔrafié yé a béli ke vu, a ta.

Wegɔɔnle 17:3 ပူးပေါင်းရင်းမြစ်များ

1 Minwiinzannu 18:12

A zuo, dé an si i va, Gakelebale léli é dan go lɛ i nya, dé fɛ kyɛnna léé? maa ’ka ’bɛna dɔɔa lo; yé dé an go a zuo fe lɛ Akab lɛ, yé é ’ka i ye lɛ lo, é dan an gyɛ lɛ. Dɔlé ’té i wuozan kanale Gakelebale lee pélisia é kénéné la bléyi va.

2 Minwiinzannu 2:16

Wo lé a lɛ léé: Bé ye, i wuozannu méléna nyanazannu a yɔ fié wɔlɛ vu; é sɔ i lɛ léé, ’wo go izan ginii? Dé Gakelebale léli a sia yé é a dia gɔ do maa? taa, dé é a dia gɔ worona do naa? É a zi pa wo lɛ léé: Té ka wo nwunvɔ lo.

Wegɔné Ma Lɛrɛ 8:5

De ɛ ke sina bwi gi bɛ, ’Té é a é tɛnle é sɔlɛzan maa? — Maa i vuo pɔmeyili wuo, ’Bɛna lé i bu i yaa, ’Bɛna lé é i yaa, yé i yi vinin ye. —

Ézékiɛl 11:24

Yuɛzi gi mi, Bale Léli an si yé é go an nya luugimunu va Kaldé tɛrɛ la, yé yuɛzifɛnu lé maa a ye é vinin é san an ta loru.

Ézékiɛl 3:12

Yé Léli an nwa, yé an vun gi wele blɛn do ’ma an zuo. Wo léé: Gakelebale lé fuasan drɔɔ ’é vo é nyanana mi.

Ézékiɛl 8:3

Yé fɛ do lé ke mi bɛ zo, é a soi yé é an kun an nwun ma. Yé Léli an si an pɔlɛ gi yé é go an nya tɛrɛ valé la méléna, yé é go an nya yuɛzi gi Jérusalɛm, flagɔrɔ ’léé lé ke yirinwana bɛbolazia, ana, miyili lé, éé Gakelebale lé maawole nwaan, é ke fɛana, ana.

Daniɛl 11:36

Wean é sɔ minwiinzan blɛn ’ko lɛ, yee lé é dan a kɛlɛ lɛ. É dan nwa lɛ, é dan ébo tɔ pla lɛ balenu faa tɔ nwiin, yé é dan sɔnɔ dére fe lɛ balenu lé Bale ma; a bɛ ma é dan kɛlɛ lɛ néné fɔɔ yé bliflile lɛ é sɔɔ. Naa, wean wa kɛlɛle béli dɔ, a lɛ é dan sɔɔ lɛ.

Daniɛl 7:20

yé a béli vu lé wo ke a nwiin bɛ, ’té a béli koɛzan bɔra yé wa béli yaa so a ’lɛ, ’té a yuɛnu ke, ’té a ’léé ke we blɛnblɛn fe ’léé nya bɛ, yé ’té a blɛn mini é bɔlunu ta bɛ, é sɔ an lɛ léé, maa we ’konu gi ’ma.

Daniɛl 7:25

É dan dére naanénu fe lɛ Loruzan ma; é dan kele pa lɛ Loruzan lé munu ta, yé é a a gi léé, é dan bléyinu valé bélidɔwenu nɔla lɛ, yé wo dan Loruzan lé munu pa lɛ a lee lɛɛ yaa é buu.

Daniɛl 7:8

An vo a bélinu naginina, yé a béli kiéné do bɔra é ziin a bélinu méléna, yé wa béli yaa so a béli kiéné ’ko ’lɛ; yé a yuɛ a bélé blami yuɛ zo, yé a ’léé a we blɛnblɛn fe ’léé nya.

Matio 27:28

Wo alé sɔnu si a ta, yé wo sɔ sɔɔn zén a ta.

Kelewenu 8:39

Wo bɔra aan wo ’yi va, Mizambale Léli Filip si, yé miblale ’ka a ye lɛ é dɛrɛ lo. Bléyian va lé é ke gona zia gi nanale nya,

2 Tɛsalɔnik munu 2:4

É a mi nyanézan nya. É léé, fɛ faa lé wa laama Bale, é valé fɛ faa lé munu a bɔa, ’é a wo nwiin, fɔɔ yé é nyana Balebangikɔn gi, ’té é ébozen laama Bale.

Wegɔɔnle 1:10

Maa a ’bɛna aan wo, an si an pɔlɛ gi yé an nɔla miléli nya Mizan lé yi la, yé maa dére plɛplɛ do ’ma an zuo bélé béli dére zo yé é léma:

Wegɔɔnle 12:14

Wo gola blɛn bɛa fié nɔ lezan lɛ, a sile we gi yé é go ’élé fɛna bwi gi méné lee baa, ana lé wo fɛblele nɔ a lɛ lɛɛ yaa é buu.

Wegɔɔnle 12:3

Givuruwe do bɔra la gi é ziin. Dragɔn blɛn sɔɔn doan ke, a ’wuo a sɔrafié yé a béli a vu yé kyankoro sɔrafié a a ’wuo ma.

Wegɔɔnle 12:6

Yé lezan vɔ fli gi yé é go bwi gi, fɛna lé Kazambale a ma’lɛrɛ azé nya, ana, yé wo fɛblele nɔ a lɛ ’bɛna yi wuru suiɛdo yi yɔ yaa.

Wegɔɔnle 17:18

Lezan lé bé ye, é a fla blɛn lé é ke é plale tɛrɛ la minwiinzannu nwiin, a nya.

Wegɔɔnle 17:4

Galunaa sɔ valé sɔ sɔɔn a le ’ko ta, ’té é a é ’lɛrɛle kyan koo, gɔlɛwezannu koo, pɛrɛlnu koo, wo nya. Kyankana lé é ke é fanle fɛ naanénu valé alé gɔnéginile tiri nya, é a a lee.

Wegɔɔnle 18:12

Kyan koo, gɔɔlifu koo, gɔlɛwezannu koo, pɛrɛlnu koo, lɛnsɔ zima koo, galunaa sɔ koo, lasɔané sɔ koo, sɔ sɔɔn koo, yili gin néné gɔnɔ faa koo, fɛ gɔnɔ faa lé wa kɛla vwii suiɛ nya koo, fɛ gɔnɔ faa lé wa kɛla yiliwezan valé zéné valé foliɛwɔlɛ valé gɔlɛ plɛplɛ nya koo,

Wegɔɔnle 18:16

Yuuu! An bu loo! Fla blɛn lé, lɛnsɔ zima koo, galunaa sɔ koo, sɔ sɔɔn koo, wo ke a ta, ’té é ke é ’lɛrɛle kyan koo, gɔlɛwezannu koo, pɛrɛlnu koo, wo nya! Fua ’ko zo sɛrɛ ’bɛ zo bléyi do nyaa?

Wegɔɔnle 21:10

Yé an si an pɔlɛ gi yé an nɔla miléli nya, yé é go an nya gɔ blɛn torole nwiin. Yé fla sauun lé ke Jérusalɛm lé, é si la gi Kazambale va yé é zun, a nya, é a nagɔɔn an lɛ.

Wegɔɔnle 4:2

Tɔɔn yé maa si an pɔlɛ gi yé an nɔla miléli nya. Yé bé ye, webleblin a la gi, ’té mi do a é nyanale yee webleblin ’ko ta.