Wegɔɔnle 17:17 - Kazambale lé Sebe Sauunu 1979

¹⁷ We lé Kazambale ’é bɔn‐in dan a ma é kyɛn, é a pa wo bli gi léé, ’wa kɛlɛ, yé wo giwe ’é kɛlɛ do yé wo ’wolé bɛngɔnɔnu nɔ wi lɛ fɔɔ yé Kazambale dérenu lɛ é sɔɔ.

Wegɔɔnle 17:17 ပူးပေါင်းရင်းမြစ်များ

Ezidras 7:27

Gakelebale, ko tranu lé Bale drɔɔ ’é vo ma. Yee ɛ we fe minwiinzan blɛn bli gi léé, Gakelebale lé kɔn lé ke Jérusalɛm, ’é a tɔ kɛlɛ blɛn.

Lɛrɛvɔ Sɛbɛ 105:25

É nyanézannu bli nɔla léé, ’wo ’élé munu za pa, Yé ’wo dabli kɛlɛ é wuozannu lɛ.

Wegɔnévɔlenu 19:21

Mi ’wuogibɔrɔwenu a di, naa, Gakelebale zé ’wuogibɔrɔwe ɛ a lɛ sɔɔan.

Wegɔnévɔlenu 21:1

Minwiinzan bli a bélé ’yiyoro zo Gakelebale lee; fɛana sɔ a lɛ, ana lé éé a yoroan.

Ézai 45:17

Gakelebale ma lé Izraɛlnu si we gi, Sile we gi lé a glɛ ’ka lo, yee lé. Yaragyɛwe ’ka dan bɔ lɛ ka ma lo, yé yara ’ka dan ka gyɛ lɛ lo, Fɔɔ, lɛɛfaama, a glɛ ’ka dɔa lo.

Jérémi 32:40

Gipawe lé é dan vo lɛ ana lɛɛfaama, maa dan a kɛlɛ lɛ wo va. Maa ’ka dan an yara si lɛ wo ta é dɛrɛ lo, maa dan we zin kɛlɛ lɛ wo lɛ. Yé an dan an lee kanale pa lɛ wo bli gi, léé, té wo si an va lo.

Daniɛl 12:7

Yé mi lé, lɛnsɔ ke a ta, ’té é ke é dɔle ’yi ta loru, maa a dére ’ma; yé é bɛyi valé é bɛbo nwa lagi zia, ’té Bale lé éé voo é yuɛma lɛɛfaama, a glɛ ’ka lo, éé a ’nyɔɔn‐an a tɔ nya yé é léé: É dan kɛlɛ lɛ lɛɛ yaa é buu giéle zuo ma. Yé dé Bale lé munu lé plɛplɛ faa nyaa tata bléyian va, yé we ’konu faa é nyaa.

WENÉNÉ LÉ LUK A GYE (Évangile selon Luc) 22:22

Maa blami Be a gona, fɛan zo lé Bale a fe, a yɛrama, naa, mi lé é an pa munu lee, a gale nyɔ.

WENÉNÉ LÉ LUK A GYE (Évangile selon Luc) 22:3

Naa, Judas lé wa laama Kariɔtzan, ’té é ke mi vu ta fié va mi do nya bɛ, Satan wɔra a bli gi.

WENÉNÉ LÉ LUK A GYE (Évangile selon Luc) 22:37

Naa, maa lé ka lɛ léé, dére ’ko lé wa gyɛ sɛbɛ gi é a lé a lɛ é sɔɔ an nya; é léé: Wa nɔnɔ wenyanékɛlɛzannu va. An ma we lé wa gyɛ sɛbɛ gi, é vo sɛné yé a faa kɛlɛle lɛ é sɔɔ.

WENÉNÉ LE JAN A GYE (Évangile selon Jean) 10:35

Munu lé wo Kazambale lé we fe wo lɛ, dé Kazambale lé sɛbɛ wo laa balenu, yé dé sɛbɛgiwe ’ka bɔaléé, é kɛlɛ we pla nya lo,

WENÉNÉ LE JAN A GYE (Évangile selon Jean) 13:18

Maa ’ka we ’ko fena ka faa lé we ma lo; munu lé maa wo si a va, maa wo dɔɔ. Kazambale lé sɛbɛ gi we lé é a fe léé, Mi lé éé buru blé an va, Yee ɛ é ganetɛn nwa an ma, é a lé a lɛ é sɔɔ.

WENÉNÉ LE JAN A GYE (Évangile selon Jean) 13:2

Yonufaatagɔné da gibɔrɔle nyané nya Kariɔtzan Simɔn be Judas gi léé, ’é Jézu pa munu lee.

WENÉNÉ LE JAN A GYE (Évangile selon Jean) 19:24

Té kaa a fia lo, naa, kaa ’munnu zun a ma, dé de ɛ dan a gyɛ lɛɛ? We ’ko bɔ dére lé ke é gyɛle Kazambale lé sɛbɛ gi, a lɛsɔɔle we ma, léé: Wo anlé sɔnu guli ’wo ke ma, Yé wo ’munnu zun anlé varɔ grɔgrɔ ma. We lé sunyanu a kɛlɛ, yee lé ke bɛ.

WENÉNÉ LE JAN A GYE (Évangile selon Jean) 19:28

’Bɛ zuo, Jézu a ye léé, we faa kɛlɛle lɛ sɔɔ, yé é léé: ’Yiminilɔrɔ a an gyɛna. É ’bɛ fe Kazambale lé sɛbɛ giwe lɛsɔɔle we ma.

2 Korɛnt Munu 8:16

Maa Kazambale bɔ vɔ léé, we lé ke an gi ka vazia, Kazambale yee we duo dɔ Tite gi é ziin.

Wegɔɔnle 10:7

naa, lanje sɔrafiézan lé wefeyi nya, dé é béli fɛn, Kazambale lé weyɔɔle lɛ é dan sɔɔ lɛ, bélé fɛan zo lé é a fe é wuomunu balelayemunu lɛ, a zo.

Wegɔɔnle 15:1

’Bɛ zuo, maa givuruwe bɛ ye la gi; é a blɛn; we zevɔle lé; lanje sɔrafié lé, migyɛgyɛ sɔrafié voélazannu ke wo lee, wo ana; wo nya lé Kazambale lé bliflile lɛ éé sɔɔan.

Wegɔɔnle 17:13

Wo giwe a do kpen yé woo ’wolé plɛplɛ valé ’wolé se no wi lɛ.

Wegɔɔnle 19:9

Yé lanje lé an lɛ léé: ’Bé gyɛ sɛbɛ gi léé: Munu lé wo wo laa ’Blané lé lesile lé fɛti kɛlɛle ma, wozé a é zima. Yé é lé an lɛ léé: Dére ’konu a Kazambale dére bozennu nya.

Wegɔɔnle 6:11

Wo sɔ fu nɔ wo lɛ do do, yé wo lé wo lɛ léé: ’Ka flin sɛ é ziin, fɔɔ yé ka va nyanama pa béénu valé ka bwenu lé wo dan wo gyɛ lɛ bélé ka zo, yé wo ’léé lɛ é sɔɔ.