Wegɔɔnle 16:7 - Kazambale lé Sebe Sauunu 1979

⁷ Yé maa balebanna dére ’ma, ’té éé a fé léé: Iin, Mizambale, Plɛplɛfaazan, ilé weblelenu a webozen nya yé wa tegele.

Wegɔɔnle 16:7 ပူးပေါင်းရင်းမြစ်များ

Ézai 6:6

Sérafɛn do kyɛnyɛ do si balebanna nyaun nya, yé é da an va sile nya, ’té yee kyɛnyɛ a a lee.

Ézékiɛl 10:2

Yé Gakelebale lé, mi lé lɛnsɔ ke a ta, a lɛ léé: ’I go, fɛnu lé wo ke bélé goroganenu zo, ’té sérubɛnnu ke wo ta bɛ, wo méléna. Kyɛnyɛ lé é ke sérubɛnnu méléna, bé fan i bɛ fié nya, yé ’i wo nwɛɛn fla. Yé é go ana an yuɛ va.

Ézékiɛl 10:7

Yé sérubɛn do é bɛ soi é bɔlunu méléna, kyɛ lé ke a bɔlunu méléna, a vazia. É a si, yé mi lé lɛnsɔ ke a ta, é a zén a lee. Yé gɔnézan ’ko bɔra a nya béera.

Wegɔɔnle 1:8

Mi lé é ke, ’té é ke ana é kyɛn, ’té é dan bɛ, Plɛplɛfaazan, Mizambale, é léma: Maa lé é ke Alfa valé Oméga nya, ’bɛ gi léé, a vininzan valé a voélazan nya.

Wegɔɔnle 13:10

Dé mian a go yara lé luu gi, ’bɛzan é dan go lɛ luu gi; dé mian a ga gwɔun ’léé yara lé, é a lé ’wo ’bɛzan gyɛ gwɔun nya. Fɛkona lé Kazambale lé munu ’wolé yara pale we la valé ’wolé blipale nagɔɔn‐an.

Wegɔɔnle 14:10

yee é ziin, é dan Kazambale lé bliflile mini lɛ bélé nwɛ zo. Bliflile ’ko ’ka é vɔɔle lo, é a Kazambale lé bliflile zéngikana gi, yé azan é dan a mini lɛ, yé é dan nyané ble lɛ kyɛ valé povun kyɛ va, lanje sauunnu valé ’Blané yuɛ va.

Wegɔɔnle 14:18

Yé lanje do lé é ke kyɛ nwiinzan nya, é si balebanna gi yé é we fe dére plɛplɛ nya, mi lé kɔblané ’lɛzan ke a lee, a lɛ, yé é lé a lɛ léé: Tɛrɛ la dɔrɔporo tana, amalé ’ilé kɔblané ’lɛzan gié, yé ’bé pannu bɔi.

Wegɔɔnle 19:2

naa, alé weblelenu a webozen valé we tegele nya; gɔnégini le baba lé, é tɛrɛ sɛrɛ élé pɛnpɛnnégyɛle nya, é alé we ble, yé ’é wuomunu nyɛ lɛgi pa a ma.

Wegɔɔnle 6:9

É zɔrɔkaanyɔɔ soruzan bɔi aan wo, munu lé wo wo gyɛ Kazambale dére valé wolé wenayedére fele ma, maa wo boennu ye balebanna wuo.