Wegɔɔnle 16:21 - Kazambale lé Sebe Sauunu 1979

²¹ Goowɔlɛlɛɛ blɛn si la gi yé é dia munu ta. A wɔlɛ do bɛn éé kilo sian yɔ fié. Migyɛgyɛ ’ko a blɛɛn, amalé munu Kazambale sɔnɔ mi gyɛ goowɔlɛlɛɛ lé we ma.

Wegɔɔnle 16:21 ပူးပေါင်းရင်းမြစ်များ

JOB (Job) 38:22

Glasépun zun a é dɔle fɛana, i bɔ ana doo? I goowɔlɛlɛɛ tadɔkɔn ye taan?

JOB (Job) 38:23

Maa a tadɔ kleblebléyi zé nya, ’Bɛ valé gulidan yi lé we ma.

Fwile 9:18

bé ye, tɛlɛ, bléyi ’ko va, goowɔlɛlɛɛ lé wo ’ka tan ’bɛ zo goowɔlɛlɛɛ plɛplɛ ye lɛ Éjipiti tɛrɛ la lo, é sia Éjipiti tɛrɛ pélisia bléyi va fɔɔ kyɔ, maa dan a pa lɛ zia.

Fwile 9:22

Gakelebale lé Moizi lɛ léé: ’I bɛ soi lai zia yé goowɔlɛlɛɛ é dan dia lɛ Éjipiti tɛrɛ faa la, munu koo, winu koo, féifɛnu faa koo, wo ta.

Ézai 30:30

Yé Gakelebale é dan élé tun dɔ mi gi dére we lɛ, a bli flile baba zama; a bɛ lé ke é nwale migyɛfɛ nya, é dan a nagɔɔn lɛ kyɛnɛnɛ lé éé fɛ blé, a méléna, yuu bɔrale é gɔ la koo, fu plɛplɛ giéle koo, goowɔlɛlɛɛ koo, wo méléna.

Ézai 8:21

Munu é dan nɔɔ lɛ tɛrɛ ’ko la, ’té we éé bɔa wo ma, ’té lɔrɔ éé wo gya; yé dé lɔrɔ wo gyɛ, wo bli é dan fli lɛ, yé wo dan bale pa lɛ ’wo nwiinzan blɛn valé ’wolé Bale ma; wo dan wo yuɛ vɔ lɛ loru.

Ézékiɛl 13:11

Munu lé wa mawoo, bé fe wo lɛ léé: É dan zana lɛ a gi; lɛɛ plɛplɛ do é dan da lɛ; yé ’kaa goowɔlɛlɛɛ punpunnu, ka dan dia lɛ yé fu ’lɛ plɛplɛ é dan bɔra lɛ fiaa.

Ézékiɛl 13:13

Bɛwemalé, Mizan Gakelebale léma: An wɛwɛ dɔle zi, maa dan fu ’lɛ plɛplɛ gié lɛ; anlé bliflile zi maa dan lɛɛ plɛplɛ da lɛ; yé an dan goowɔlɛlɛɛ punpunnu dia lɛ an wɛwɛ dɔle nya léé, ’é fɛ sɛrɛ.

Jozué 10:11

Bléyian va lé wo kini ékema Izraɛlnu ’lɛ yé wo zun zi lé é si Bɛt‐Orɔn, a ta, Gakelebale gɔlɛ blɛnnu dia wo ta fɔɔ Azéka yé wo ga; wo lé wo ga goowɔlɛlɛɛ nya wo kɛlɛ kiɛre é mini wo lé Izraɛlnu wo gyɛ gwɔun nya, wo ta.

Wegɔɔnle 11:19

Balebangikɔn lé é ke la gi, a lɛ so yé munu gipawe pagikɛsu ye Balebangikɔn gi. Lɛɛ yuɛ wuo vɔ yé dérenu we, zagelenu ban yé tɛrɛ manyɔɔn, yé goowɔlɛlɛɛ plɛplɛ da.

Wegɔɔnle 16:11

yé wo la gi Bale sɔnɔ wolé nyanéblelenu valé wo manɔnnu lé we ma, yé wo ’ka ’wo bli nɔla lɛ ’wo kɛlɛwenu ma lo.

Wegɔɔnle 16:9

yé munu kyɛ ble kyɛ fulu plɛplɛ nya, yé Kazambale lé, migyɛgyɛ ’konu ke a lee, wa sɔnɔ, yé wo ’ka ’wo bli nɔla lɛ yé wa tɔ bɔ lo.

Wegɔɔnle 8:7

A vininzan béli fɛn, yé goowɔlɛlɛɛ valé kyɛ lé ke é vɔɔle nyɛ nya, wo wo vuli tɛrɛ va; yé tɛrɛ fén yaazan kyɛ ble, yé tɛrɛ faa la, yili yaa yaa va, yili do do kyɛ ble, yé lu drɔɔdrɔɔ faa kyɛ ble.