Wegɔɔnle 16:15 - Kazambale lé Sebe Sauunu 1979

¹⁵ Bé ye, maa dan bélé kyeenzan zo. Mi lé é vo é yuɛma, ’té éé yuɛ paan élé sɔ ta léé, té é tawo é porole yé yara ’é gyɛ ’bɛ we ma lo, ’bɛzan zé a néné.

Wegɔɔnle 16:15 ပူးပေါင်းရင်းမြစ်များ

Fwile 32:25

Moizi a ye léé, munu ’wobo nɔ we vɔɔle lɛ yé Arɔn wo vo wolé we vɔɔle gi, wo gyɛle yara nya wo nyanézanu yara we ma.

Ézai 47:3

Wo dan i porole ye lɛ, Yé yara é dan i gyɛ lɛ gɔrɔ la. Maa dan anlé we lɛgi pa lɛ munu ma, Maa ’ka dan mi do kpen vo lɛ lo.

Ézékiɛl 16:37

i bwɛnu faa lé wo sɔ i lɛ, é valé wo lé wo za ke i gi, maa dan wo si lɛ fɛfaana yé maa wo zén ékeva i ma. Maa dan i poro lɛ wo ’lɛ, yé wo dan i porole faa ye lɛ.

OZÉ (Osée) 2:3

’Ka fe ka bwenu lɛ léé: Ami, ’bɛ gi léé, anlé munu; ’ka fe ka burunu lɛ léé: Rusama, ’bɛ gi léé, nyanai zénle.

Abaku 2:15

Mi lé éé dɔrɔ no é bɔluzan lɛ, bii lé i dɔrɔ tɔa mi gyɛle dɔrɔ nya we ma, léé, ’é a porole ye, we tɔntɔn ’é bɔ i ma ma.

Matio 25:13

Ka ’ka lesizan dabléyi valé a dayi dɔɔa lo, bɛwemalé ’ka vo é yuɛma.

Matio 26:41

’Ka vo é yuɛma yé ’ka bazoro, té wo ka gi dan lo we ma; mi bli a nyi sié, naa, mi a tɔɔtɔɔ.

Maak 14:38

’Ka vo é yuɛma yé ’ka bazoro, té wo ka gi dan lo we ma; mi bli a nyi sié, naa, mi a tɔɔtɔɔ.

WENÉNÉ LÉ LUK A GYE (Évangile selon Luc) 21:36

Amalé ’ka vo é yuɛma yé ’ka bazoro yifaama, kalé plɛplɛ yele we ma, yé ka bɔ sile lɛ wenu faa lé wo dan bɔ lɛ bɛ, wo lee, yé ka bɔ dɔle lɛ loru, maa blami Be yara.

Kelewenu 20:31

Lɛɛ yaa gi maa ’ka daan lɛ we plale ma ka lɛ lo, é béli koo, é yiéyi koo, maa vo we plana ka faa do do lɛ an yuɛyi zénle nya. ’Bɛ sele ’é dɔ ka gi ma. Bɛwemalé ’ka vo é vuole.

2 Korɛnt Munu 5:3

ko gi dɔɔ léé, dé ko wɔra ’bɛ gi, ’bɛ a bélé fɛan zo lé sɔ a ko ta yé ko ’ka é porole lo.

1 Tɛsalɔnik munu 5:4

Naa, bwenu, ka ’ka gunutinu va yé ’bɛ yi ’ko é bɔ ka ma fiaa bélé kyeenwozan dale zo lo.

1 Tɛsalɔnik munu 5:6

Bɛwemalé, té kaa yi gyɛ bélé mi pɔnénu zo lo; kaa vo é yuɛma yé kaa kaabo kun.

1 Piɛri 4:7

Fɛnu faa bɔ nyaana. ’Ka kɛlɛ ’wuoatazannu nya yé ’kabo kun, yé ’ka bazoro.

2 Piɛri 3:10

Mizambale lé yi é dan bɔ lɛ bélé kyeenwozan zo; yi ’ko nya lanu é dan gié lɛ é vun wele blɛn nya; fɛnu faa lé Bale wo kɛlɛ é wɔlɛnu nya, wo ’yi é dan bo lɛ kyɛ plɛplɛ baba lé we ma, yé tɛrɛ valé é tafɛnu yee é dan bo lɛ.

Wegɔɔnle 22:7

Yé bé ye, an dale bɔ é pu. Mi lé éé tawoo dére ’konu valé sɛbɛ ’ko lé balelayewe ta, azé a néné.

Wegɔɔnle 3:11

Bé ye, an dan da lɛ é kele. Fɛ lé é ke i lee, ’i kun a ma kli, té mi do kpen ilé tɔkoro si i lee lo.

Wegɔɔnle 3:18

amalé maa we plaan i lɛ léé, ’i fɛnu ’ko lɛ an lee: kyan lé wa gi dan kyɛ nya, ’bé lɔ ilé fuablele we gi, yé ’i sɔ funu lɔ, wo zénle i ta we gi léé, té i porole yara i gyɛ lo, yé ’i yuɛ lia lɔ yé bé zén i yuɛ va, ilé fɛna yele we ma.