Wegɔɔnle 16:14 - Kazambale lé Sebe Sauunu 1979

¹⁴ Yo lélinu lé é ke wo nya; woo we blɛnblɛnnu kɛla, ’té woo goo tɛrɛ faa la, minwiinmunu va, wo zénle ékeva Plɛplɛfaazan Bale lé yi blɛn la gulidanle we ma.

Wegɔɔnle 16:14 ပူးပေါင်းရင်းမြစ်များ

1 Minwiinzannu 22:6

Izraɛl nwiinzan blɛn balelayemunu zén ékeva, wo mi wuru fié bɔa, yé é lé wo lɛ léé: An go guli dan Ramɔt lé ke Galaad tɛrɛ la, a va, taa, é a lé an sɔn vɔ a maa? Yé wa zi pa léé: ’I go, Mizan é dan a pa lɛ minwiinzan blɛn lee.

Ézékiɛl 14:9

Dé balelayezan a nyi si léé, é saanwe fé, ’té maa Gakelebale ɛ yee balelayezan saan. Maa dan an bɛ kɛlɛ lɛ a ma, yé maa dan a sɛrɛ lɛ tata anlé munu Izraɛl méléna.

Matio 24:14

Wo dan Kazambale plale mi nwiin lé wenéné ’ko fe lɛ tɛrɛ faa la, wenayedére nya, bɛnnu faa lɛ. A zuo, a ’wuo pla bléyi é dan bɔ lɛ.

Matio 24:24

Dabli Kristnu valé viébalelayemunu é dan nwa lɛ yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

Maak 13:22

Dabli Kristnu valé viébalelayezannu é dan nwa lɛ, yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

WENÉNÉ LÉ LUK A GYE (Évangile selon Luc) 2:1

’Bɛ yinu la, Sézaa Ogisi bélidɔwe fe léé, ’wo tɛrɛlamunu faa nɔnɔ.

WENÉNÉ LE JAN A GYE (Évangile selon Jean) 8:44

Ka ti a yonufaatagɔné nya, yé é sɔ ka lɛ léé, ka ka ti lé blibɔmawe kɛlɛle lɛ sɔɔ. A pélisia bléyi va fɔɔ kyɔ é a migyɛzan nya yé é ’ka dɔa wezen zuo lo. Wezen ’ka a gi lo, ’bɛzama. É a viéwozan nya, yé é a vié faa ti nya, bɛwemalé dé é a vié wona, ’té é a ébo dére vɔna.

Rom munu 1:8

É vinin, we faa ’lɛ, maa anlé Bale bɔ vɔa Jézu Krist gi ka faa lé we ma, léé, ka tɔ a é bɔle blipale gi tɛrɛ faa la.

2 Tɛsalɔnik munu 2:9

Bale lé zi ma wenyané fezan ’ko bɔrale a Satan lé nyanama nya, yé gyɛzorowenu gɔnɔ faa koo, tɔmasenu koo, viéwe blɛnblɛnnu koo,

1 Timoté 4:1

Naa, Kazambale Léli lé wéiin léé, bléyi voélanu nya mi kenu é dan si lɛ Kazambale lé we gi yé wo dan ’wo péli vɔ lɛ misaanyonu valé yonu lé wepaale va.

SEBE LÉ JAK A GYE (Épitre de Jacques) 3:15

’Bɛ zo wedɔɔle ’ka sié lagi loru lo; naa, tɛrɛla zé lé; mi dɔbɛ kyɛn zé lé; yo zé lé.

Jozué 11:5

Minwiinzan ’konu fɛdona fe, yé wo faa zén ékeva ana, yé wo ’wolé sɔkɔnnu dɔ ékeva Mérom ’yinu sɔnɔ, gulidanle Izraɛl va we gi.

1 Jan 5:19

Kaa a gi dɔɔ léé, kaa a Kazambale zé nya, yé tɛrɛlamunu faa a Satan lé plɛplɛ wuo.

Wegɔɔnle 12:9

Dragɔn blɛn, méné kwakwa lé wa laama yonufaatagɔné valé Satan, ’té éé tɛrɛlamunu faa saan bɛ, wa vuli tɛrɛ va, yee valé élé lanjenu nya.

Wegɔɔnle 13:3

Maa a ’wuo do ye, é tuo yé é a bélé é ga, naa, a tuona nyaa. Yé tɛrɛlamunu faa zén wi zuo a ze vɔle nya.

Wegɔɔnle 16:16

Yonu minwiinmunu zén ékeva fɛana lé wa laama Ébru dére gi Amagédɔn, ana.

Wegɔɔnle 16:7

Yé maa balebanna dére ’ma, ’té éé a fé léé: Iin, Mizambale, Plɛplɛfaazan, ilé weblelenu a webozen nya yé wa tegele.

Wegɔɔnle 17:14

Wo dan guli dan lɛ ’Blané va, yé ’Blané é dan wo kele lɛ; é a Mizannuzan nya yé é a minwiinzannu Nwiinzan nya, azama. Yé a vamunu lé é wo laa, ’té é wo si a va, ’té woo yara paan we la bɛ, ’bɛnu é dan wo kele lɛ é ziin.

Wegɔɔnle 20:8

É dan bɔra lɛ yé ’é go tɛrɛ faa la bɛnnu saanle we ma; Gɔg valé Magɔg tɛrɛlamunu lé, yé é wo zén ékeva gulidanle we gi; wo ’léé a bélé wɛyi gɔɔn ma nyéné zo.

Wegɔɔnle 3:10

I tawo an dére ta yarapalale nya, amalé maa é ziin, bléyi tɔntɔn lé é dan bɔ lɛ tɛrɛ faa la, tɛrɛlamunu gi danle we gi bɛ, maa dan ka tabin lɛ ’bɛ bléyi va.

Wegɔɔnle 6:17

naa, wo blifliyi blɛn bɔ yé mi kyɛn ɛ bɔa dɔle lɛɛ?