Wegɔɔnle 16:11 - Kazambale lé Sebe Sauunu 1979

¹¹ yé wo la gi Bale sɔnɔ wolé nyanéblelenu valé wo manɔnnu lé we ma, yé wo ’ka ’wo bli nɔla lɛ ’wo kɛlɛwenu ma lo.

Wegɔɔnle 16:11 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 28:22

Bléyian va lé é a kle blena, yee, minwiinzan blɛn Akaz vo wenyané kɛlɛna Gakelebale ma.

2 Minwiinmunu lé Wezuofe Sɛbɛ 36:23

Pɛɛs munu nwiinzan blɛn Sirus léma: Gakelebale, lanu lé Bale bɛn tɛrɛnu faa nɔ an lɛ, yé é an béli dɔ léé, ’an kɔn dɔ ’é lɛ Jérusalɛm, Juda tɛrɛ la. Ka va mi kyɛn ɛ ke alé mi nyaa? Alé Bale ’é kɛlɛ a va ma, yé ’é go ana ma.

Ezidras 1:2

Pɛɛs munu nwiinzan blɛn Sirus léma: Gakelebale, lanu lé Bale tɛrɛ la fuatɛrɛ faa nɔ an lɛ yé é an bélidɔ léé, ’an kɔn dɔ Jérusalɛm, Juda tɛrɛ la.

Ezidras 7:12

Minwiinzan blɛnnu nwiinzan Aatazɛɛsɛ, é sɛbɛ ’ko gyɛ Ezidras, Balebanzan valé sɛbɛgifezan lé ke wedɔɔzan nya lanu lé Bale lé bélidɔwe gi, a lɛ.

Ezidras 7:21

Maa, minwiinzan blɛn Aatazɛɛsɛ, maa lé gɔɔlitadɔzannu faa lé ke yuu zi bɛ, wo lɛ léé: Ezidras, Balebanzan valé sɛbɛgifezan lé ke wedɔɔzan nya lanu lé Bale lé bélidɔwe gi, fɛ faa lé é dan a laa lɛ ka lee,

Ezidras 7:23

Wenu faa lé lanu lé Bale a fe élé kɔn lé we ma, a lɛ ’é sɔɔ é kele léé, té a bli é fli tɛrɛ koo, maa, a nwiinzan blɛn koo, an benu koo, ko ma lo.

Néémi 1:4

Maa we ’konu ’ma aan wo, an nyana wuvɔle nya, yé an yi kiɛre kɛlɛ anlé tɛrɛla lɔrɔ nyaale an ma gi. An lɔrɔ sɔn yé an bazoro lanu lé Bale lɛ,

Néémi 2:4

Yé minwiinzan blɛn lé an lɛ léé: I léé, maa kɛlɛ kaa? An bazoro lanu lé Bale lɛ,

Lɛrɛvɔ Sɛbɛ 136:26

’Ka lagi Bale tɔ zin fe, Naa, a nyanai éé zén‐é yifaama.

Daniɛl 2:44

Minwiinzan blɛn ’konu bléyi va, lanu lé Bale é dan plale mi nwiin lé é ’ka dan sɛrɛ lɛ monomono lo, a dɔ lɛ, ’té mi bɛ ’ka dan pla lɛ ’bɛ nwiin monomono lo. Yee ɛ dan plale mi nwiin ’konu faa ’wii lɛ yé é wo sɛrɛ tata, yé yeebozen é dan vo lɛ ana lɛɛfaama, ’bɛ glɛ ’ka lo.

Jonas 1:9

É a zi pa wo lɛ léé: Maa a Ébru mi nya. An kanaan Gakelebale, lanu lé Bale lee. Yee ɛ wɛyi valé tɛrɛ kɛlɛ. Yé maa a gona yɔɔna a lee. Di kini munu ’konu gi é baba, yé wo lé a lɛ léé: Mɛmalé i we ’ko kɛlɛ a zoo?

2 Timoté 3:13

Naa, mi lɛrɛlɛrɛnu valé mi tablezannu lé wenyané kɛlɛle gi é dan gyɛ lɛ yifaama; ’té woo dabli kɛla mi bɛnu lɛ, ’té wa kɛla wobozen lɛ é ziin.

Wegɔɔnle 11:13

’Bɛ bléyi va, tɛrɛ ma é dan nyɔɔn lɛ blɛɛn, yé dé flakɔnbale a vu a bale do guru é zanaan a gi, yé a sɔraziɛn é voo; tɛrɛ manyɔɔnle ’ko é dan mi baa yaa wuru soru gyɛ lɛ, yé mi pɔnénu gi nyɛ é dan kini lɛ yé wo dan la gi Bale tɔ bɔ lɛ.

Wegɔɔnle 16:2

A vininzan go yé é élé kana gi bliflile zana tɛrɛ va. Yé manɔn naané tɔntɔn vɔ munu lé, wi lé tɔmase ke é gyɛle wo ma, ’té woo buaan ’wo bli la a yili ’lɛ bɛ, wo ma.

Wegɔɔnle 16:21

Goowɔlɛlɛɛ blɛn si la gi yé é dia munu ta. A wɔlɛ do bɛn éé kilo sian yɔ fié. Migyɛgyɛ ’ko a blɛɛn, amalé munu Kazambale sɔnɔ mi gyɛ goowɔlɛlɛɛ lé we ma.

Wegɔɔnle 16:9

yé munu kyɛ ble kyɛ fulu plɛplɛ nya, yé Kazambale lé, migyɛgyɛ ’konu ke a lee, wa sɔnɔ, yé wo ’ka ’wo bli nɔla lɛ yé wa tɔ bɔ lo.

Wegɔɔnle 2:21

An bléyi ke nɔ a lɛ, a bli nɔlale we ma, yé é ’ka a va léé, é daan élé pɛnpɛnnégyɛle ma lo.