Wegɔɔnle 16:1 - Kazambale lé Sebe Sauunu 1979

¹ Maa dére plɛplɛ do ’ma sina fɛna sauun na yé é lé lanje sɔrafié lɛ léé: ’Ka go, yé Kazambale lé bliflile lé ke kana sɔrafié gi, ’ka zana tɛrɛ va.

Wegɔɔnle 16:1 ပူးပေါင်းရင်းမြစ်များ

Lɛrɛvɔ Sɛbɛ 79:6

’I wɛwɛ dɔ bɛnnu lé wo ’ka i dɔɔa lo, wo ma ma, É valé migɔnɔnu lé wo ’ka i tɔ laan lo, wo ma.

Jérémi 10:25

’I wɛwɛ dɔ bɛnnu lé wo ’ka i dɔɔa lo, wo ma, Yé munu lé wo ’ka i tɔ laan lo, ’i wɛwɛ dɔ wo ma. Naa, wa Jakɔb kulu gana, kulu ganaoo, wa kulu gana! Wa a nyanana sɛrɛna.

Ézékiɛl 10:2

Yé Gakelebale lé, mi lé lɛnsɔ ke a ta, a lɛ léé: ’I go, fɛnu lé wo ke bélé goroganenu zo, ’té sérubɛnnu ke wo ta bɛ, wo méléna. Kyɛnyɛ lé é ke sérubɛnnu méléna, bé fan i bɛ fié nya, yé ’i wo nwɛɛn fla. Yé é go ana an yuɛ va.

Ézékiɛl 22:31

Maa dan an wɛwɛ dɔ lɛ wo ma. An bli é dan fli lɛ wo ma bélé kyɛblele zo. Maa dan wo kɛlɛwenu dɔ lɛ wo nwiin. A zo lé Mizan Gakelebale a fe.

Sofoni 3:8

Gakelebale léma: Yian nya lé maa dan nwa lɛ gulizarafɛ sile we ma bɛ, ’ka an lɛbɛn ’bɛ yi nya. Naa, é dɔ an gi léé, maa bɛngɔnɔnu zén ékeva, yé tɛrɛnu lé munu ke é plale wo nwiin, maa dan wo zén lɛ ékeva, an wɛwɛ dɔle wo ma we gi, an bli flile baba wo ma we gi. Naa, maa dan tɛrɛ faa kyɛ ble lɛ anlé maawole nya.

Wegɔɔnle 11:19

Balebangikɔn lé é ke la gi, a lɛ so yé munu gipawe pagikɛsu ye Balebangikɔn gi. Lɛɛ yuɛ wuo vɔ yé dérenu we, zagelenu ban yé tɛrɛ manyɔɔn, yé goowɔlɛlɛɛ plɛplɛ da.

Wegɔɔnle 14:15

Yé lanje do bɔra Balebangikɔn gi, yé é siaa dére plɛplɛ nya, mi lé é ke é nyanale lafu ta, a lɛ léé: Fɛgyɛbléyi bɔ, tɛrɛlafɛnu tana, bɛwemalé ’i kɔblané gié.

Wegɔɔnle 14:18

Yé lanje do lé é ke kyɛ nwiinzan nya, é si balebanna gi yé é we fe dére plɛplɛ nya, mi lé kɔblané ’lɛzan ke a lee, a lɛ, yé é lé a lɛ léé: Tɛrɛ la dɔrɔporo tana, amalé ’ilé kɔblané ’lɛzan gié, yé ’bé pannu bɔi.

Wegɔɔnle 15:1

’Bɛ zuo, maa givuruwe bɛ ye la gi; é a blɛn; we zevɔle lé; lanje sɔrafié lé, migyɛgyɛ sɔrafié voélazannu ke wo lee, wo ana; wo nya lé Kazambale lé bliflile lɛ éé sɔɔan.

Wegɔɔnle 16:17

A sɔrafiézan ’élé kana gi bliflile zén la worona. Yé dére plɛplɛ si webleblin va fɛna sauun na, yé é léé: A kɛlɛle nyaa.

1 Samuɛl 15:18

Gakelebale i pa zia a fele nya léé: ’I go, yé wenyanékɛlɛmunu ’ko, Amalɛknu, ’i wo gyɛ; ’i guli dan wo va fɔɔ yé i wo faa gyɛ tatata.

1 Samuɛl 15:3

’I go sin, ’i guli dan Amalɛk va yé ’i alé fɛnu faa sɛrɛ; té i wo do kpen vo lo; gɔnénu valé lomu koo, nénu valé nyɔmanénu koo, dirinu valé ’blanu koo, nyɔgɔménu valé sokofalenu koo, ’ka bale pa wo ma, ’ka wo faa gyɛ.