Wegɔɔnle 15:3 - Kazambale lé Sebe Sauunu 1979

³ Yé wo Kazambale wuozan Moizi lé lɛrɛ vɔ, yé wo ’Blané lé lɛrɛ vɔ yé wo léé: Mizambale, Plɛplɛfaazan, i kɛlɛwenu a blɛn yé wo tɔ a é bɔle. Bɛnnu nwiinzan, ilé zinu a tegele yé wa webozen nya.

Wegɔɔnle 15:3 ပူးပေါင်းရင်းမြစ်များ

Wepélisiananu 17:1

Abram lɛɛ kɛlɛ yɔ ziɛn wɔlɛ vu ta sɔraziɛn aan wo, Gakelebale bɔra Abram va yé é lé a lɛ léé: Maa a Plɛplɛfaazan Bale nya. ’I tawo an yuɛ va yé ’i kɛlɛ mi tegele nya.

Minwiinzannu lé Wezuofe Sɛbɛ 6:49

Arɔn valé é kulunu woo saraka boo balebanna lé woo balebanwi kyɛ blé ana bɛ, a ta, yé woo saraka boo balebanna lé woo lasikɔrɔ kyɛ blé ana bɛ, a ta; woo fɛna sauun tinle gi nyanama faa paan, yé woo Izraɛl munu lé wenyané ’yi boo, fɛan zo lé Bale a fe é leezan Moizi lɛ, a yɛrama.

2 Minwiinmunu lé Wezuofe Sɛbɛ 24:6

Minwiinzan blɛn Balebanmunu ’lɛzan Jéojada laa yé é lé a lɛ léma: Ban lé Bale wuozan Moizi a dɔ Izraɛlnu faa nwiin léé, ’é kɛlɛ zén‐ékevasɔkɔn mafɛ nya ’naan, mɛmalé i ’ka Lévinu ma kyɛ dɔa léé, wa si Juda tɛrɛ la valé Jérusalɛm yé wo da a nya loo?

Néémi 9:14

Ilé yi nyané lé ke flinyi nya, bé gɔɔn wo lɛ, yé bélidɔwe sɔnnénu koo, weplalenu valé bélidɔwe koo, i wuozan Moizi a paa wo gi.

JOB (Job) 36:24

A sele ’é dɔ i gi léé, ’bé kɛlɛwenu tɔ kɛlɛ blɛn, Yee lé mi faa a kɛlɛna.

JOB (Job) 5:9

Éé we blɛnnu kɛla, ’té mi ’ka a gi maan lo, Mi ’ka alé givuruwe kɛlɛle ’léé dɔɔa lo;

Lɛrɛvɔ Sɛbɛ 100:5

Naa, Gakelebale a é zin; alé zin éé voo ana yifaama, É a yarapawelazan nya mi kulu é kulunu faa zé nya.

Lɛrɛvɔ Sɛbɛ 105:5

A wuozan Abraam kulunu, ’Kaa Jakɔb lé nénu lé é ka si a va, Weblɛnblɛnnu lé é a kɛlɛ, wo sele ’é dɔ ka gi ma, Gyɛzorowenu valé weblelenu lé woo sié a ’léé, wo sele ’é dɔ ka gi ma.

Lɛrɛvɔ Sɛbɛ 111:2

Gakelebale panyanama a blɛn, Munu faa lé yee nyanamanu sɔ wo lɛ, wa ze vɔa.

Lɛrɛvɔ Sɛbɛ 111:7

A bɛ panyanama a yarapale we la valé we tegele nya; A déretawenu faa a webozen nya.

Lɛrɛvɔ Sɛbɛ 139:14

Maa i tɔ zin fé léé, maa a fɛ yuɛmale lé éé mi gi vuruan, a nya, I panyanamanu a zevɔwenu nya, An boen ’bɛ gi dɔɔ é zima.

Lɛrɛvɔ Sɛbɛ 145:17

Gakelebale a tegele élé wekɛlɛbɛnu faa gi. Yé é a nyanaizénzan nya é panyanama faa gi.

Lɛrɛvɔ Sɛbɛ 145:6

Ilé plɛplɛ lé éé nyɛ zén‐é mi gi, wo dan a glewo lɛ, Yé fɛan zo lé i ke blɛn, maa dan a zuo fe lɛ.

Lɛrɛvɔ Sɛbɛ 18:30

I bɛ nya lé an ’wiié gulidanzannu ta, Anlé Bale bɛ nya lé an flazigɔrɔ taboo.

Lɛrɛvɔ Sɛbɛ 78:12

É we blɛnblɛnnu kɛlɛ wo tranu yuɛ va, Éjipiti tɛrɛ la, Soan féinu ta.

Lɛrɛvɔ Sɛbɛ 92:5

Oo Gakelebale, i an gi nanaan i panyanamanu ma, Yé an lɛrɛ vɔa ginanale blɛn nya, i bɛ panyanamanu ma.

Lɛrɛvɔ Sɛbɛ 99:4

Minwiinzan blɛn lé, we tegele sɔ a lɛ, ’wo alé plɛplɛ tɔ bɔ ma. I wedrɔle dɔa gligli, I we tegele valé we drɔle kɛla Jakɔb bɛn gi.

Ézai 33:22

Naa, Gakelebale a kolé weblezan nya; Gakelebale a kolé bélidɔwe nɔzan nya; Gakelebale a ko nwiinzan blɛn nya; yee ɛ ke ko siéwegizan nya.

Ézai 45:21

’Ka a lɛ kini wo lɛ, yé ’ka da wo nya. ’Wo we pla wo ke lɛ ma. De ɛ we ’konu lɛ kini a pélisia bléyi va, Yé ana mɔn ’té éé wo zana dɔɔan? Maa Gakelebale kaan loo? Dé é ’ka maa nya lo, Bale bɛ ’ka lo, Bale tegele lé éé mi bélié, maa do kpen ɛ ke a nya.

Daniɛl 6:20

É bɔ aan wo guru sɔnɔ, é Daniɛl laa dunuvɔmadére nya. Minwiinzan blɛn lé Daniɛl lɛ léé: Daniɛl, Bale yuɛmale wuozan! Ilé Bale lé bé bɔa yarapalale nya bɛ, é bɔ i sile lɛ golizranu lee?

Daniɛl 9:11

Izraɛlnu faa ilé bélidɔwe sɛrɛ yé wo ’ka i dére ’ma lɛ lo. Amalé balepalenu valé bale ’nyɔɔnlenu lé wo ke é gyɛle Bale wuozan Moizi lé bélidɔwe gi, wo wo kun. Naa, ko wenyané kɛlɛ Bale ma, azama.

OZÉ (Osée) 14:9

Mi lé é we dɔɔ, ’é gi bɔrɔ we ’konu ma ma. Mi lé a ’wuo ke a ta, ’é wo ’ma ma. Naa, Gakelebale lé zinu a é drɔle tegele; mi tegelenu é dan tawo lɛ wo ta, naa, nwamimazannu é dan dia lɛ ana.

Misé 7:20

I dan a gɔɔn lɛ Jakɔb lɛ léé, i a yarapawelazan nya, yé i dan a gɔɔn lɛ Abraam lɛ léé, i a é zin, fɛan zo lé bé fe ko tranu lɛ ibo ’nyɔɔnle nya é vinin, a zo.

Sofoni 3:5

Gakelebale a wo va mi tegele nya; é ’ka weple kɛla pelo. Bladi faa do do ma éé élé webledérenu bɔraan gɔrɔ la, é ’ka yi do kpen buuan lo. Naa, mi lé éé weple kɛla, é ’ka yaragyɛwe dɔɔa lo.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

WENÉNÉ LE JAN A GYE (Évangile selon Jean) 1:17

Moizi ɛ da bélidɔwe nya, naa, Jézu Krist ɛ da zin valé webozen nya.

Bélidɔwesɛbɛ Fiézan 31:30

Moizi lɛrɛ ’ko vɔ wo lɛ, yé é a faa ’wuo pla a zo, ’té Izraɛl munu faa a é zénle ékeva.

Bélidɔwesɛbɛ Fiézan 32:3

Naa, maa dan Gakelebale tɔ zana dɔɔ lɛ, ’Ka kolé Bale tɔ zin fe.

Bélidɔwesɛbɛ Fiézan 34:5

Gakelebale wuozan Moizi ga ’bɛna, Moab tɛrɛ la, Gakelebale a fe fɛan zo, a yɛrama.

1 Timoté 1:17

’Mi lé é ke minwiinzan nya lɛɛfaama, ’té é ’ka gaan lilo, ’té wo ’ka a yé lo, ’té yee do kpen ɛ ke Kazambale nya, ’wa tɔ bɔ yé ’wo fua nɔ a lɛ lɛɛfaama, té a glɛ é dɔ lo. Amɛɛn.

Ébrunu 3:5

Naa, Moizi kɛlɛ yarapawelazan nya Kazambale lé kɔn faa gi bélé miwuozan zo, yé we lé Bale é dan a fe lɛ, é kɛlɛ a gi wenayezan nya;

Jozué 22:5

Naa, dérenu valé bélidɔwe lé Gakelebale wuozan Moizi a fe ka lɛ, ’ka wo ta tawo ka yuɛi do nya ma; ’ka Gakelebale, kalé Bale lɔrɔ pa ma; ’ka alé zinu faa ta tawo ma; ’ka alé bélidɔwenu kɛlɛ ma; ’ka buvɔ a ma ma; yé ’ka alé nyanama pa ka bli faa valé ka boen faa nya ma.

Wegɔɔnle 1:8

Mi lé é ke, ’té é ke ana é kyɛn, ’té é dan bɛ, Plɛplɛfaazan, Mizambale, é léma: Maa lé é ke Alfa valé Oméga nya, ’bɛ gi léé, a vininzan valé a voélazan nya.

Wegɔɔnle 11:17

Mizambale, Plɛplɛfaazan, bii lé i ke, ’té i ke ana é kyɛn, ko i bɔ vɔa léé, i kun sin izé plɛplɛ nagɔɔnle ma, yé i kun plale ma munu nwiin.

Wegɔɔnle 14:3

’Té woo lɛrɛ dɛrɛ vɔa webleblin koo, fɛ yuɛmale ziɛn koo, mi segelenu koo, wo ’lɛ. Yé dé é ’ka mi baa yɔ yaa wɔlɛ vu ta fié lé wo wo tabo tɛrɛ la, wo nya lo, mi do kpen ’ka bɔa lɛrɛ ’ko vɔle lɛ lo.

Wegɔɔnle 14:8

Yé lanje fiézan da a zuo yé ’bɛ léé: Fla blɛn Babilɔn lé élé pɛnpɛnnégyɛle nɔ bɛntɛrɛnu faa lɛ yé é wo gyɛ bélé nwɛ plɛplɛ lé mi gyɛle zo, a guru zana a gioo, a guru zana a gi!

Wegɔɔnle 17:14

Wo dan guli dan lɛ ’Blané va, yé ’Blané é dan wo kele lɛ; é a Mizannuzan nya yé é a minwiinzannu Nwiinzan nya, azama. Yé a vamunu lé é wo laa, ’té é wo si a va, ’té woo yara paan we la bɛ, ’bɛnu é dan wo kele lɛ é ziin.

Wegɔɔnle 19:16

Wo tɔ do gyɛ alé sɔ valé a boro ta léé: Minwiinzannu Nwiinzan, Mizannuzan.

Wegɔɔnle 19:2

naa, alé weblelenu a webozen valé we tegele nya; gɔnégini le baba lé, é tɛrɛ sɛrɛ élé pɛnpɛnnégyɛle nya, é alé we ble, yé ’é wuomunu nyɛ lɛgi pa a ma.

Wegɔɔnle 4:8

Fɛ yuɛmale ziɛn faa do do bɛa a suiɛdo suiɛdo, yé wo zi valé wo gi a é sɔɔlale yuɛnu nya. Yé bladi nyanadi wa fé léé: Mizambale, Plɛplɛfaazan, ’té é ke ana é kyɛn, ’té é ke, ’té é dan bɛ, é a sauun, sauun, sauun, ’té wo ’ka daan a fele ma lo.