Wegɔɔnle 15:1 - Kazambale lé Sebe Sauunu 1979

¹ ’Bɛ zuo, maa givuruwe bɛ ye la gi; é a blɛn; we zevɔle lé; lanje sɔrafié lé, migyɛgyɛ sɔrafié voélazannu ke wo lee, wo ana; wo nya lé Kazambale lé bliflile lɛ éé sɔɔan.

Wegɔɔnle 15:1 ပူးပေါင်းရင်းမြစ်များ

Daniɛl 6:27

Yee ɛ mi soo we lee, yé éé mi sié we gi. Yee ɛ tɔmasenu valé we blɛnnu kɛla la gi valé tɛrɛ la. Yee ɛ Daniɛl so golizranu lé plɛplɛ lee.

Lévinu 26:21

Dé ka dɔ an ma yé ka ’ka ka tɔné dɔle an lɛ nyi si lɛ lo, maa dan ka bla lɛ gɔnɔ sɔrafié taawo kalé wenyanénu ma.

Wegɔɔnle 10:3

yé é siaa dére plɛplɛ nya bélé golizra wele zo. É siaa aan wo, zagele sɔrafié ban.

Wegɔɔnle 11:14

We tɔntɔn fiézan gié. Yé bé ye, a yaazan a dana laoɛ.

Wegɔɔnle 14:10

yee é ziin, é dan Kazambale lé bliflile mini lɛ bélé nwɛ zo. Bliflile ’ko ’ka é vɔɔle lo, é a Kazambale lé bliflile zéngikana gi, yé azan é dan a mini lɛ, yé é dan nyané ble lɛ kyɛ valé povun kyɛ va, lanje sauunnu valé ’Blané yuɛ va.

Wegɔɔnle 14:19

Yé lanje élé kɔblané gié tɛrɛ la. É tɛrɛ la dɔrɔporo pannu bɔi yé é a zén Kazambale lé bliflile zéngikana blɛn gi.

Wegɔɔnle 16:1

Maa dére plɛplɛ do ’ma sina fɛna sauun na yé é lé lanje sɔrafié lɛ léé: ’Ka go, yé Kazambale lé bliflile lé ke kana sɔrafié gi, ’ka zana tɛrɛ va.

Wegɔɔnle 17:1

’Bɛ zuo lanje sɔrafié lé, kana sɔrafié ke wo lee, wo vazan do da yé é we fe an lɛ, yé é léé: ’I da, gɔnégini le baba lé é ke é nyanale ’yi blɛnnu ta, alé we é dan nyaa lɛ fɛan zo, maa dan a gɔɔn lɛ i lɛ.

Wegɔɔnle 19:15

Gwɔun ’lɛzan do bɔra a ’léé, bɛnnu gyɛfɛ nya; é dan pla lɛ wo nwiin foliɛwɔlɛ nya é lee; yé Plɛplɛfaazan Bale lé bliflile baba lé é ke kana blɛn gi, é dan a zɔn lɛ é gane nya bélé dɔrɔporo zo.

Wegɔɔnle 21:9

A zuo, lanje sɔrafié lé, kana sɔrafié ke wo lee, ’té wo ke é fanle migyɛgyɛ sɔrafié voélazannu nya, wo va lanje do we fe an lɛ yé é léé: ’I da, yé bosizan lé é ke ’Blané na nya, maa a nagɔɔn i lɛ.

Wegɔɔnle 8:13

Maa a nagini yé gola lé é ke sina la méléna, maa a dére plɛplɛ ’ma yé é léé: We tɔntɔn, we tɔntɔn, we tɔntɔn é dan kɛlɛ lɛ tɛrɛlamunu lɛ, béli bɛ yaa lé lanje yaa é dan a fɛn lɛ bɛ, alé we ma.

Wegɔɔnle 8:2

Lanjenu sɔrafié lé woo dɔa Kazambale ’lɛ, maa wo ye, yé wo béli sɔrafié nɔ wo lɛ.

Wegɔɔnle 8:6

Yé lanjenu sɔrafié lé béli sɔrafié ke wo lee, wo ’wo ma’lɛrɛ béli fɛnle we gi.

Wegɔɔnle 9:20

Mi koɛnu lé, fɛ yaa ’ko ’ka ’bɛnu gyɛ lɛ lo, ’bɛnu ’ka ’wo bli si lɛ ’wo bɛ kɛlɛfɛnu lɛ lo; miyilinu lé wa kɛlɛ kyan koo, gɔɔlifu koo, zéné koo, gɔlɛ koo, yili koo, wo nya, ’té wo ’ka bɔa fɛ yele valé we ’male valé tawole lɛ lo, munu ’ka daan lɛ wo bɔle valé yonu bɔle ma lo;