Wegɔɔnle 14:6 - Kazambale lé Sebe Sauunu 1979

⁶ Maa lanje do ye é ziin sina la méléna, ’té Wenéné lé é ’ka nyaan lo, é a a lee, a fele tɛrɛlamunu lɛ we gi, bɛntɛrɛ faa koo, bɛn faa koo, dére faa koo, migɔnɔ faa koo, woo lé.

Wegɔɔnle 14:6 ပူးပေါင်းရင်းမြစ်များ

Wepélisiananu 1:6

Kazambale léé: Fɛna pla ’é kɛlɛ ’yinu méléna, yé fɛna pla ’é ’yinu kini ékema.

2 Samuɛl 23:5

Gipawe lé a glɛ ’ka lo, ’té Bale a kɛlɛ an va bɛ, É a giwe fe wo ke zuo ke zuo yé é a sɔbɛlawe nya, Amalé anlé kɔn lé we ’ka dan kɛlɛ lɛ ’bɛ zo loo? É ’ka dan an bélile valé anlé blibɔmawenu gɔn bɔ lɛ loo?

Lɛrɛvɔ Sɛbɛ 119:142

I kɛlɛwe tegele a we tegele lé éé voo ana yifaama, a nya, Yé ilé bélidɔwenu a webozen nya.

Lɛrɛvɔ Sɛbɛ 139:24

Bé nagini, dé maa a zi naané taa? Yé ’i go an nya vole é yuɛma lé a glɛ ’ka lo, alé zi ta.

Lɛrɛvɔ Sɛbɛ 145:13

Ilé plale mi nwiin a lɛɛfaama we nya, a glɛ ’ka lo, Yé i lɛdɔmale ana yifaama.

Ézai 40:8

Lu éé gaan, yé a vwi éé diaan; Naa, kolé Bale dére éé voo ana lɛɛfaama.

Ézai 45:17

Gakelebale ma lé Izraɛlnu si we gi, Sile we gi lé a glɛ ’ka lo, yee lé. Yaragyɛwe ’ka dan bɔ lɛ ka ma lo, yé yara ’ka dan ka gyɛ lɛ lo, Fɔɔ, lɛɛfaama, a glɛ ’ka dɔa lo.

Ézai 51:6

’Ka yuɛ vɔ la gi, ’ka tɛrɛ va gini. Naa, lanu ta é dan saan lɛ bélé kyɛgoi zo, Tɛrɛ é dan dia lɛ é kuru nya bélé sɔ zo, A tamunu é dan zamaga wo lɛ bélé nyɔnɔtoro zo; Naa, anlé mi sile we gi é dan vo lɛ ana lɛɛfaama, Yé anlé wetegele nyaana ’ka lo.

Ézai 51:8

Flatoronu é dan wo ble lɛ bélé sɔ zo, yé wo sɛrɛ, azama; Yé boworo éé ’blakyɛɛsɔ blé fɛan zo yé é sɛrɛ, a zo lé wo dan sɛrɛ lɛ. Naa, anlé we tegele é dan vo lɛ ana lɛɛfaama, Yé anlé mi sile we gi é dan vo lɛ ana mi kulu é kulu faa zé nya.

Ézai 6:2

Sérafɛnnu a é dɔle a wuo; wo faa do do bɛa a suiɛdo suiɛdo; wo bɛa fié a wo yarayɔɔfɛ nya; wo bɛa fié a wo gane tayɔɔfɛ nya, yé woo sié a fié nya.

Ézékiɛl 1:14

’Té fɛyuɛmalenu éé goo vlan nya, ’té woo dan vlan nya bélé zagele zo.

Daniɛl 4:1

Minwiinzan blɛn Nébukanɛsaa lé bɛngɔnɔ faa koo, bɛnnu koo, dére faa do do vɔzannu lé woo nyanaan tɛrɛ faa la koo, wo lɛ léé: Ka drɔɔ ’é vo kiɛre ma.

Daniɛl 9:21

Maa a tan anlé bazoro dére fena tɔɔn, mi lé wa laama Gabriɛl, ’té maa a ye é vinin yuɛzi gi, é da sile plɛplɛ nya yé é bié an sɔnɔ nyanadi balebanbléyi va.

Matio 10:27

We lé maa a fé ka lɛ gunutinu va, ’ka a fe é yiéyi, yé we lé ka maan ka tɔné gi, ’ka dɔ kɔn nwiin yé ’ka siaa a nya.

Maak 16:15

Yé é lé wo lɛ léé: ’Ka go tɛrɛ faa la, yé ’ka Wenéné ’ko fe munu faa lɛ.

Rom munu 16:25

Mi lé éé bɔa ka dɔle lɛ gligli anlé Wenéné valé Jézu Krist lé wefele yɛrama, we lé é ke é yɔɔle Bale bli gi, a bɔrale yɛrama bɛ, wa tɔ zin fe ma. We ’ko a é yɔɔle é li,

Kolɔs munu 1:23

’té dé ka suni wɔra yé ka tin blɛɛn blipale gi, yé we lé ka bli ke a lɛ Wenéné lé ka a ’ma, alé we ma, ’té ka bli ’ka sié ’bɛ lɛ monomono lo. Wenéné ’ko, wa fe tɛrɛlamunu faa lɛ, yé maa Pɔl, maa kɛlɛ a gi nyanamapazan nya.

2 Tɛsalɔnik munu 2:16

Kaazan Jézu Krist bozen valé kaa Ti Bale lé kaa sɔ a lɛ bɛ, ’té é zin kɛlɛ kaa lɛ kaa tɔrɔpaale nya yifaama, a glɛ ’ka lo, é valé bli kɛlɛle wezin lɛ nya bɛ,

Ébrunu 13:20

Mi vo drɔɔ Bale lé é ’Blatabinzan blɛn, Kaazan Jézu si gamunu va, yé é da a nya é ziin, gipawe lé é ’ka nyaan lo, a dɔ plɛplɛ nyɛ nya bɛ,

1 Piɛri 1:25

Naa, Mizambale dére éé voo lɛɛfaama. Yee dére ’ko lé wa fe ka lɛ Wenéné fele nya.

Wegɔɔnle 10:11

A zuo é lé an lɛ léé: É a lé i balelawe fe é ziin migɔnɔ kiɛrɛ koo, bɛntɛrɛnu koo, dérenu koo, minwiinmunu koo, wo ma we nya.

Wegɔɔnle 10:7

naa, lanje sɔrafiézan lé wefeyi nya, dé é béli fɛn, Kazambale lé weyɔɔle lɛ é dan sɔɔ lɛ, bélé fɛan zo lé é a fe é wuomunu balelayemunu lɛ, a zo.

Wegɔɔnle 13:7

Wa se kɛlɛ a lɛ léé, ’é guli dan Kazambale lé munu va yé ’é wo kele. Yé bɛn faa koo, migɔnɔ faa koo, dére faa koo, bɛntɛrɛ faa koo, Bale a pla wo nwiin.

Wegɔɔnle 3:10

I tawo an dére ta yarapalale nya, amalé maa é ziin, bléyi tɔntɔn lé é dan bɔ lɛ tɛrɛ faa la, tɛrɛlamunu gi danle we gi bɛ, maa dan ka tabin lɛ ’bɛ bléyi va.

Wegɔɔnle 5:9

Yé wo vo lɛrɛ dɛrɛ vɔna yé wo léé: Ilé sɛbɛ sile valé zɔrɔkaanyɔɔ bɔi yara lé, naa, wo i gyɛ saraka nya, azama, yé bɛn faa koo, dére faa koo, migɔnɔ faa koo, bɛntɛrɛ faa koo, i munu si wo va yé i wo tabo i nyɛ nya Kazambale zé nya;

Wegɔɔnle 8:13

Maa a nagini yé gola lé é ke sina la méléna, maa a dére plɛplɛ ’ma yé é léé: We tɔntɔn, we tɔntɔn, we tɔntɔn é dan kɛlɛ lɛ tɛrɛlamunu lɛ, béli bɛ yaa lé lanje yaa é dan a fɛn lɛ bɛ, alé we ma.