Wegɔɔnle 14:4 - Kazambale lé Sebe Sauunu 1979

⁴ Wa munu lé wo ’ka ’wobo tiri dɔ lɛ lomu va lo, wo nya, naa, wo ’ka le dɔɔ lɛ lo; fɛ faa lé ’Blané éé goo ana, woo goo a zuo. Bale wo tabo munu méléna féifɛ bɔrale vinin nya Kazambale valé ’Blané zé nya;

Wegɔɔnle 14:4 ပူးပေါင်းရင်းမြစ်များ

Lɛrɛvɔ Sɛbɛ 45:14

Minwiinzan blɛn lu a élé fua ta gɔɔnna élé fuakɔn gi; Varɔ lé é ke é zénle a ta, wa tan kyan nya.

Lɛrɛvɔ Sɛbɛ 74:2

Ilé munu lé i wo si izé nya é vinin, ’Té i wo tabo é ziin ilé tɔnɔyéma bɛnnu nya bɛ, wo sele ’é dɔ i gi ana ma; Fɛ lé i ke é nyanale ana, Siɔn gɔblɛn nwiin bɛ, wo sele ’é dɔ i gi ana ma;

Wegɔné Ma Lɛrɛ 1:3

I ta lasikɔrɔ gin a néné é baba; I tɔ a bélé lasikɔrɔ lé a gin éé nwɛɛn‐an, a zo; Bɛwemalé i sɔ blɛn boronénu lɛ.

Wegɔné Ma Lɛrɛ 6:8

Minwiinzan blɛn na a le yɔ yaa, A bwɛnu a le yɔ ziɛn, Yé alé blɛnnu nɔnɔ ’léé ’ka lo.

Jérémi 2:3

Izraɛl a é pale é yɛrama Gakelebale zé nya Bélé féifɛ vinin zo; Munu faa lé wa blé, we a wo nwiin Yé wenaané bɔ wo ma; maa Gakelebale ɛ ke a fena.

Amɔs 6:1

Munu lé wo ke é nyanale drɔɔ Siɔn, ’té wa é nyanale wobo ma duaa Samari gɔ nwiin, we tɔntɔn ’é kɛlɛ wo lɛ ma. Bɛntɛrɛnu va bɛntɛrɛ vininzan lé mi blɛnnu lé Izraɛl éé goo wo va bɛ, woo lé.

Matio 19:12

Naa, miblale ke ana, wo bu wo yaa a zo; munu mi kenu kɛlɛ miblale nya, yé mi kenu wobo kɛlɛ miblale nya Kazambale lé plale mi nwiin lé we ma. Mian éé bɔa we ’ko gi ’male lɛ, ’é a gi ’ma ma.

Matio 25:1

Kazambale plale mi nwiin a bélé blɛn vu lé gɔné ’ka tan wo dɔɔ lɛ le nya lo, wolé we zo.

Matio 8:19

Yé sɛbɛgifezan do bié yé é lé a lɛ léé: Anzan, dé i go fɛofɛana, ’maa goo i zuo.

WENÉNÉ LE JAN A GYE (Évangile selon Jean) 10:27

Anlé ’blanu an dére maan, yé maa wo dɔɔ yé woo dan an zuo.

WENÉNÉ LE JAN A GYE (Évangile selon Jean) 12:26

Dé é sɔ mian lɛ léé, é anlé nyanama pa, ’é da an zuo ma; yé fɛana lé an ke, ana lé anlé nyanamapazan é dan kɛlɛ lɛ é ziin. Mian éé anlé nyanama paan, an Ti é dan ’bɛzan tɔ kɛlɛ lɛ blɛn.

WENÉNÉ LE JAN A GYE (Évangile selon Jean) 13:37

Piɛri lé a lɛ léé: Mizan, mɛwemalé an ’ka bɔa gole lɛ i zuo lao loo? Maa gaan ilé we ma.

WENÉNÉ LE JAN A GYE (Évangile selon Jean) 8:12

Jézu we fe wo lɛ é ziin, yé é léé: Maa lé é ke tɛrɛlamunu lé san nya. Mian éé dan an zuo, é ’ka dan tawo lɛ gunutinu va lo, naa, é dan mibélisan ye lɛ.

Kelewenu 20:28

Bɛwemalé, ’ka yuɛ pa kabozen valé trubɛ palu gimunu faa lé Léli Sauun ka kɛlɛ wo tabinzannu nya, wo va. Mizan lé léglizigimunu lé é wo lɔ ébo nyɛ nya bɛ, Bale ka kɛlɛ wo tabinzannu nya léé, ’ka fɛblele nɔ wo lɛ.

1 Korent munu 16:15

Mi vininzannu lé wo wɔra Bale lé we gi Akai tɛrɛ la, Sééfanas valé é bɛmamunu lé; yé wo wobo nɔ Kazambale lé munu mawe kɛlɛle lɛ. Bwenu, maa we plaan ka lɛ é ziin,

1 Korent munu 6:20

Wo ka lɔ fɛwezan blɛn nya. Bɛwemalé ’ka Kazambale tɔ bɔ ka kɔlɛ valé ka léli nya.

1 Korent munu 7:28

Dé i le si, ’bɛ ’ka wenyané nya lo, yé dé blɛnzan bo si, ’bɛ ’ka wenyané nya lo. Naa, munu ’ko wo dan nyané ble lɛ ’wo kɔlɛ gi, yé maa ’ka a va léé, ’bɛ é kɛlɛ kazé nya lo.

2 Korɛnt Munu 11:2

Maa ka pu dɔ lesizan do kpen ɛ lɛ, yé maa ka nɔ Krist lɛ, blɛn lé é ’ka tan gɔné dɔɔa lo, a nya, bɛwemalé maa a ka ta maawona bélé Kazambale lé maawole zo.

Éfez munu 1:14

Léli Sauun a Kazambale bɛfɛ nya, kaalé tɔnɔ yele we ma, fɔɔ yé munu lé Kazambale wo lɔ élé fua tɔbɔle we ma, yé é wo tabo.

Éfez munu 5:27

Léglizi tɔbɔle ’ko, ’té a tiri ’ka lo, ’té a ma ’ka é yurule lo, ’té gun do kpen ’ka a ma lo, ’té é ke sauun valé wéiin, Jézu a a va léé, ’é a ye ébo zé nya, amalé ébo nɔ alé we gi.

1 Timoté 4:3

Munu ’ko, wa yi gaan munu lee léé, té wo le si lo; yé fɛblelenu lé Kazambale a kɛlɛ léé, munu lé wo ke Bale lé we gi ’té wo webozen dɔɔ, ’wa ble bɔvɔle nya bɛ, wo fɛ ’konu blele yi gaan ’bɛnu lee.

Ébrunu 12:23

Kazambale lé né vininzannu lé wo tɔ ke é gyɛle lagi mi, wo zénle ékeva koo, Bale lé ke mi faa lé weblezan nya bɛ, yee koo, munu tegele lélinu lé gun ke é sile wo ma bɛ, wo koo,

SEBE LÉ JAK A GYE (Épitre de Jacques) 1:18

É kaa yaa élé blibɔmawe yɛrama webozen dére nya, kaa kɛlɛle a kɛlɛfɛ vininzannu nya we gi.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.

Wegɔɔnle 17:14

Wo dan guli dan lɛ ’Blané va, yé ’Blané é dan wo kele lɛ; é a Mizannuzan nya yé é a minwiinzannu Nwiinzan nya, azama. Yé a vamunu lé é wo laa, ’té é wo si a va, ’té woo yara paan we la bɛ, ’bɛnu é dan wo kele lɛ é ziin.

Wegɔɔnle 21:22

Maa ’ka Balekɔn ye lɛ fla lo, naa, Mizambale, Plɛplɛfaazan valé ’Blané ɛ ke Balekɔn nya.

Wegɔɔnle 21:23

Fla mawe ’ka yiri valé moné gi é ta kinile we gi lo, naa, Kazambale lé fuasan ɛ a ta kinié, yé ’Blané ɛ ke alé sona nya.

Wegɔɔnle 3:4

Naa, ’kaa Saad mi kenu ana duowo, ka ’ka kalé sɔnu tiri dɔ lɛ lo; amalé a yara lé ka dan tawo lɛ an va sɔ funu nya ka ta.

Wegɔɔnle 5:9

Yé wo vo lɛrɛ dɛrɛ vɔna yé wo léé: Ilé sɛbɛ sile valé zɔrɔkaanyɔɔ bɔi yara lé, naa, wo i gyɛ saraka nya, azama, yé bɛn faa koo, dére faa koo, migɔnɔ faa koo, bɛntɛrɛ faa koo, i munu si wo va yé i wo tabo i nyɛ nya Kazambale zé nya;