Wegɔɔnle 14:3 - Kazambale lé Sebe Sauunu 1979

³ ’Té woo lɛrɛ dɛrɛ vɔa webleblin koo, fɛ yuɛmale ziɛn koo, mi segelenu koo, wo ’lɛ. Yé dé é ’ka mi baa yɔ yaa wɔlɛ vu ta fié lé wo wo tabo tɛrɛ la, wo nya lo, mi do kpen ’ka bɔa lɛrɛ ’ko vɔle lɛ lo.

Wegɔɔnle 14:3 ပူးပေါင်းရင်းမြစ်များ

Lɛrɛvɔ Sɛbɛ 144:9

Oo Bale, an dan lɛrɛ dɛrɛ vɔ lɛ i lɛ, Maa dan i tɔ kɛlɛ lɛ blɛn kpélé lé a wɔlɛ ke vu, a nya.

Lɛrɛvɔ Sɛbɛ 149:1

’Ka Gakelebale tɔ zin fe. ’Ka lɛrɛ dɛrɛ vɔ Gakelebale lɛ. ’Kaa yarapawelazannu lé ka ke é zénle ékeva, ’ka a tɔ zin fe lɛrɛvɔle nya.

Lɛrɛvɔ Sɛbɛ 25:14

Munu lé woo kanaan Gakelebale lee, é a wo béé nya, Yé éé wo bɔn‐in kinié élé gipawe ma.

Lɛrɛvɔ Sɛbɛ 33:3

’Ka lɛrɛ dɛrɛ vɔ a lɛ. Kalé lɛrɛvɔafɛnu valé ka dérenu, ’wo wo ’ma ma.

Lɛrɛvɔ Sɛbɛ 40:3

É an gana zamagawo guru gi, Voli wɔlɛ ma; Yé é an dɔ gɔlɛ ta, Yé é anlé tawole dɔ plɛplɛ

Lɛrɛvɔ Sɛbɛ 96:1

’Ka lɛrɛ dɛrɛ vɔ Gakelebale lɛ. Ka faa lé ka ke tɛrɛlamunu nya,

Lɛrɛvɔ Sɛbɛ 98:1

Lɛrɛ lé. ’Ka lɛrɛ dɛrɛ vɔ Gakelebale lɛ. Naa, éé givuruwenu kɛla. É a plɛplɛ yé a ’lɛ a, amalé guliwuo vo a lɛ.

Ézai 42:10

’Ka lɛrɛ dɛrɛ vɔ Gakelebale lɛ; Ka lé ka tawoo wɛyi ta, ka lé ka nyanaan wɛyi sɔnɔ, Wɛyi worona tɛrɛnu valé wo tamunu, ’Ka a tɔbɔlɛrɛnu vɔ tɛrɛ glɛ faa sina.

1 Korent munu 1:18

Naa, munu lé wo ke zi saanle ta, yiliblan lé we fele a wo yuɛ gi ’tugyɛwe nya, naa, kaa lé kaa si we gi, kaa a yé Kazambale lé plɛplɛ do nya.

1 Korent munu 2:14

Naa, blami pla ’ka Kazambale Léli lé wenu gi maan lo, wa a yuɛ gi tavowe nya. Mi éé wo gi maan Bale Léli nya, amalé blami pla ’ka wo gi maan lo.

Wegɔɔnle 14:1

Maa a naginina ’té ’Blané dɔ Siɔn gɔ nwiin, ’té mi baa yɔ yaa wɔlɛ vu ta fié lé, a tɔ valé a Ti tɔ ke é gyɛle wo yarapɛla, wa a va.

Wegɔɔnle 15:3

Yé wo Kazambale wuozan Moizi lé lɛrɛ vɔ, yé wo ’Blané lé lɛrɛ vɔ yé wo léé: Mizambale, Plɛplɛfaazan, i kɛlɛwenu a blɛn yé wo tɔ a é bɔle. Bɛnnu nwiinzan, ilé zinu a tegele yé wa webozen nya.

Wegɔɔnle 2:17

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian we ’ko ’wuo é vo a lɛ, maa dan mana yɔɔle nɔ lɛ a lɛ, yé maa dan gɔlɛ fu nɔ lɛ a lɛ; ’té tɔ dɛrɛ a é gyɛle gɔlɛ ’ko ta, mi do ’ka a dɔɔa lo, ’té dé é ’ka mian wa nɔ a lɛ, a nya lo.

Wegɔɔnle 5:9

Yé wo vo lɛrɛ dɛrɛ vɔna yé wo léé: Ilé sɛbɛ sile valé zɔrɔkaanyɔɔ bɔi yara lé, naa, wo i gyɛ saraka nya, azama, yé bɛn faa koo, dére faa koo, migɔnɔ faa koo, bɛntɛrɛ faa koo, i munu si wo va yé i wo tabo i nyɛ nya Kazambale zé nya;

Wegɔɔnle 7:4

Yé munu lé, tɔmase ke é gyɛle wo yara, maa wo ’léé ’ma; wa mi baa yɔ yaa wɔlɛ vu ta fié, yé wo si Izraɛl bɛnnu faa gi: