Wegɔɔnle 14:2 - Kazambale lé Sebe Sauunu 1979

² Yé maa dére do ’ma la gi, bélé ’yi blɛnnu vun zo, bélé zagele blɛn banle vun zo; dére lé maa a ’ma, éé wé bélé kɔnɔnu lé munu ke wo gyɛna, wo vun zo.

Wegɔɔnle 14:2 ပူးပေါင်းရင်းမြစ်များ

2 Samuɛl 6:5

Lɛrɛvɔafɛ gɔnɔ faa lé wa kɛlɛ siprɛyili nya koo, kɔnɔ koo, kpélé koo, flin koo, yɔyɔ koo, kɔanu koo, David valé Izraɛl munu faa wo gyɛ Gakelebale ’lɛ.

2 Minwiinmunu lé Wezuofe Sɛbɛ 20:28

Wo bɔ Jérusalɛm yé wo wɔra Gakelebale lé kɔn gi gitaa valé kɔnɔ gyɛle koo, béli fɛnle koo, wo nya.

Lɛrɛvɔ Sɛbɛ 147:7

’Ka lɛrɛ vɔ Gakelebale lɛ a bɔvɔle nya, ’Ka kozé Bale tɔ kɛlɛ blɛn kɔnɔ gyɛle nya.

Lɛrɛvɔ Sɛbɛ 149:3

’Wo a tɔ zin fe nɛnɛbole nya ma, ’Wa kɛlɛ blɛn poo gyɛle valé kɔnɔ gyɛle nya ma.

Lɛrɛvɔ Sɛbɛ 33:2

’Ka Gakelebale tɔ bié kɔnɔ gyɛle nya, ’Ka a tɔ bié, gitaa lé a bale ke vu, a nya.

Lɛrɛvɔ Sɛbɛ 43:4

An dan go lɛ Bale banna vazia, Bale lé éé an gi nanaan, ginanale lé éé giéan é glɛ la, a nya, a banna vazia. Baleoo, Bale, anlé Bale, maa dan i tɔ nwa lɛ kɔnɔ gyɛle nya.

Lɛrɛvɔ Sɛbɛ 57:8

An bli la a é dɔle plɛplɛ, oo Bale, an bli la a é dɔle plɛplɛ; An dan lɛrɛ vɔ lɛ, an dan anlé lɛrɛvɔafɛnu vun we lɛ.

Lɛrɛvɔ Sɛbɛ 92:3

Ilé zin zana dɔɔle bladi a é zima, Yé i yara pale we ta zana dɔɔle é béli a é zima,

Lɛrɛvɔ Sɛbɛ 93:4

Gakelebale a plɛplɛ lagi lorununa, A plɛplɛ mini ’yi blɛnnu plɛplɛ vun gi wele ta, É mini wɛyi fɔrɔlenu plɛplɛnu ta.

Lɛrɛvɔ Sɛbɛ 98:5

’Ka lɛrɛ vɔ Gakelebale lɛ kɔnɔ va; ’Ka lɛrɛ vɔ kɔnɔ va ma.

Fwile 19:16

A yi yaazan nya bladi, zagele ban, ’té lɛɛ yuɛ wuo éé vɔa, yé lati borozan zun gɔ ma; béli we plɛplɛ; yé kana zén munu faa lé wo ke sɔkɔndɔna, wo gi.

Fwile 20:18

Munu faa éé zagele banle valé béli fɛnle maan yé lɛɛ yuɛwuovɔle koo, kyɛgoi sɔɔlale gɔ ta koo, woo wo yé. Fɛ ’konu yele ma lé munu ma éé nyɔɔn‐an, ’té wa é dɔle baa.

Ézai 17:13

’Bɛnu gi éé wé bélé ’yi blɛnnu vun zo; naa, Bale bon‐ɛn wo nya, yé wo vlanburu baa. É wo bin bélé gɔ nwiin fu éé ’sapɛɛ sian fɛan zo, a zo, bélé vungoi lé barikoko a sian, a zo.

Ézékiɛl 43:2

Yé bé ye, Izraɛl lé Bale lé fuasan si yirinwanazia yé é bié. A dére a bélé ’yi blɛnnu vun zo, yé tɛrɛ kɛlɛ nyananyana alé fuasan nya.

Zakari 9:14

Gakelebale é dan bɔra lɛ wo ta loru Yé alé sawɔlɛ é dan go lɛ bélé lɛɛ yuɛwuovɔle zo; Mizan Gakelebale, é dan béli fɛn lɛ, É dan bié lɛ barikoko plɛplɛ lé éé sié yirinwana bɛyilazia, a gi.

1 Korent munu 13:1

Dé an munu valé lanjenu dérenu vɔoo, dé sɔlɛle ’ka an gi lo, ’té maa a bélé zéné lé é ke wena, a zo; dé ’bɛ kaan lo, ’té maa a bélé kɔa lé a dére ’ka néné lo, a zo.

Wegɔɔnle 1:10

Maa a ’bɛna aan wo, an si an pɔlɛ gi yé an nɔla miléli nya Mizan lé yi la, yé maa dére plɛplɛ do ’ma an zuo bélé béli dére zo yé é léma:

Wegɔɔnle 1:15

a ganenu a bélé zéné lé ’furu lé kyɛ a tana, a zo; yé a dére a bélé ’yi blɛnnu vun zo.

Wegɔɔnle 11:12

Yé wo dan dére do ’ma lɛ la gi yé é a fe wo lɛ léé: ’Ka da loru ’ko. Yé wo dan go lɛ la gi lati méléna; yé wo nyanémunu é dan wo ye lɛ.

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.

Wegɔɔnle 15:2

Yé maa fɛ do ye, é a bélé wɛyi zo, ’té é a bélé vlinvlin wezan zo, yé é a bélé é a é vɔɔle kyɛ nya, yé wi koo, é yili koo, a tɔ lé nibiéro koo, munu lé wo wo kele, wa é dɔle yee vlinvlin wezan wɛyi ta, ’té Kazambale lé kɔnɔnu a wo lee.

Wegɔɔnle 18:22

Kɔnɔ koo, gobé koo, séén koo, béli koo, wo ’ka dan wo dére ’ma lɛ i ta é dɛrɛ lo, yé dé é a blaobla‐an bozan nyaoo, wo ’ka dan wo ye lɛ i ta é dɛrɛ lo, yé wo ’ka dan fɛ zɔnle vun ’ma lɛ i ta é dɛrɛ lo,

Wegɔɔnle 5:8

É sɛbɛ si aan wo, fɛ yuɛmale ziɛn valé mi segele yɔ do wɔlɛ ziɛn dia ’wo bli ta ’Blané ’lɛ, ’té kɔnɔ valé kyankananu a wo lee do do, yé lasikɔrɔ lé é ke Kazambale lé munu lé bazorolenu nya, é a é fanle yee kananu nya.

Wegɔɔnle 6:1

’Blané zɔrɔkaanyɔɔ sɔrafié va zɔrɔkaanyɔɔ do bɔi aan wo, ’té maa a naginian, yé maa a ’ma léé, fɛyuɛmale do we fe é dére nya bélé zagele banle zo yé é léé: ’I da.

Wegɔɔnle 8:7

A vininzan béli fɛn, yé goowɔlɛlɛɛ valé kyɛ lé ke é vɔɔle nyɛ nya, wo wo vuli tɛrɛ va; yé tɛrɛ fén yaazan kyɛ ble, yé tɛrɛ faa la, yili yaa yaa va, yili do do kyɛ ble, yé lu drɔɔdrɔɔ faa kyɛ ble.