Wegɔɔnle 14:10 - Kazambale lé Sebe Sauunu 1979

¹⁰ yee é ziin, é dan Kazambale lé bliflile mini lɛ bélé nwɛ zo. Bliflile ’ko ’ka é vɔɔle lo, é a Kazambale lé bliflile zéngikana gi, yé azan é dan a mini lɛ, yé é dan nyané ble lɛ kyɛ valé povun kyɛ va, lanje sauunnu valé ’Blané yuɛ va.

Wegɔɔnle 14:10 ပူးပေါင်းရင်းမြစ်များ

Wepélisiananu 19:24

Yé Gakelebale povun valé kyɛ zana Sɔdɔm valé Gɔmɔɔ ta bélé lɛɛ zo. Gakelebale bozen va lé we ’ko si.

JOB (Job) 18:15

Alé mi do kpen ’ka dan nyana lɛ alé kɔn gi lo, Yé wo dan povun kyɛ zén lɛ alé kɔn ta.

JOB (Job) 21:20

É a lé yee ɛ ébo guru zanale a gi na ye, É a lé yee ɛ Plɛplɛfaazan lé bliflile mini bélé nwɛ zo.

Lɛrɛvɔ Sɛbɛ 11:6

Kyɛnyɛnu koo, kyɛ valé povun koo, Éé wo zén‐é mi nyanénu ta bélé lɛɛ zo. Fu lé éé wo kyɛ blé, yee ɛ ke wo dɔlafɛ nya.

Lɛrɛvɔ Sɛbɛ 37:34

’I bli vo Gakelebale lɛ, ’i tawo alé zi ta, Yé é dan i kɛlɛ lɛ blɛn tɛrɛ ’ko yele izé nya we ma; I dan mi nyanénu kulu gana ye lɛ.

Lɛrɛvɔ Sɛbɛ 52:6

Dablikɛlɛ nɛnɛ, Fɛ sɛrɛ dérenu faa sɔ i lɛ.

Lɛrɛvɔ Sɛbɛ 60:3

Baleoo, Bale, i ko si i ma; i ko kini ékema, I bli fli; ’i da ko nya é pai;

Lɛrɛvɔ Sɛbɛ 73:10

Wean ma lé munu kiɛre zén wo zuo, yee lo: Wo dɔ’wo dére ta,

Lɛrɛvɔ Sɛbɛ 75:8

Naa, ’bɛ éé sié Bale ɛ va; Yee ɛ mi do tuaan, yé yee ɛ mi koɛ nwaan.

Lɛrɛvɔ Sɛbɛ 91:8

I dan wo nagini lɛ i yuɛ nya é pla, Yé woo we lɛdɔa mi nyanénu gi fɛan zo, i dan a ye lɛ.

Ézai 29:9

Kwakwa ’é vɔ ka ta yé ka gi ’é vuru; ’ka yuɛ lɛ tan, ka yuɛ ’é ’wii; glinni vɔ wo ’wuo gi, naa, nwɛ pagi kaan lo; woo vɔa dada, naa, dɔrɔ ’lɛ plɛplɛ pagi kaan lo.

Ézai 30:33

Maa miyilibanna ma’lɛrɛ ana mɔn Tofɛt; a ma a é ’lɛrɛle Asirinu nwiinzan lé we ma. A guru a, yé a laala a blɛn yé maa kyɛ zén yee miyilibanna ta di; maa, Gakelebale, maa dan kyɛ vɔ lɛ a ’léé an flin fu nya bélé povun kyɛ blɛn zo.

Ézai 34:9

Édom tɛrɛ la yuunu é dan nɔla lɛ wele nya, yé ana vun é dan nɔla lɛ povun nya, yé alé tɛrɛ é dan kɛlɛ lɛ bélé wele lé a kyɛ ke blena, a zo.

Ézai 51:17

Jérusalɛm munuoo, ’ka vuo, ’ka nwa, Ka lé ka Gakelebale leekana gi bliflile mini, ’Yiminikana lé a gifɛ éé mi yuɛi nɔɔan, ka lé ka ’yi mini a gi, ’té ka foroloo vɔa fɔɔ yé ka bɔ a bo ma, ’ka vuo.

Jérémi 25:27

Bé fe wo lɛ léma: Lai sunyanu lé Gakelebale, Izraɛl lé Bale léma: ’Ka a mini, yé ’é ka gyɛ yé ka féé a nya, yé ’ka dia, té ka nwa é ziin lo, guli lé é dan nwa lɛ ka ma, a yele we ma.

Jérémi 49:12

Naa, Gakelebale léma: Bé ye, mi lé é ’ka kɔɔn ’yi ’ko minizan nya lo, é dan a mini lɛ; yé bii, wo ’ka dan we lɛdɔ lɛ i gi loo? Wo dan we lɛdɔ lɛ i gi, i dan a mini lɛ.

Jérémi 51:57

A nwiinzannu koo, alé wedɔɔzannu koo, Alé gbɔrɔnamanu koo, alé flazannu valé alé sunyanu koo, Maa dan wo gyɛ lɛ nwɛ nya, Maa dan wo ta pla lɛ yi nya, ’bɛ glɛ ’ka lo, ’té wo ’ka dan vuo lɛ é dɛrɛ lo; A zo lé minwiinzan blɛn lé, wa tɔ laama lai sunyanu lé Gakelebale, é a fe.

Jérémi Lé Wuvɔ Sɛbɛ 4:21

Édom munu, Usi tɛrɛ lamunu, Ka gi ’é nana é bléyi, ka a ka tanyila, Yee we duo é dan bɔ lɛ ka ma, Ka dan kle ble lɛ a gi, yé wo dan ka poro lɛ.

Ézékiɛl 38:22

Maa dan dɔra lɛ a ta bawurumagyɛ koo, nyɛ zanale koo, lɛɛ ’lɛ plɛplɛ koo, goowɔlɛlɛɛ lé ke gɔlɛ zo koo, wo nya. Maa dan kyɛ valé povun zén lɛ yee valé élé sunyanu koo, mi kiɛre lé wo ke a va koo, wo ta, bélé lɛɛ zo.

Abaku 2:16

Yara lé i gyɛle é dan mini lɛ i tɔbɔle ta; bii é ziin, ’bé mini, yé ’ibo poro. ’Yiminikana lé é ke Gakelebale bɛyi lee bɛ, a minile é dan bɔ lɛ i ta, yé yaragyɛwe é dan ilé tɔbɔwe gi tiri dɔ lɛ.

Matio 20:22

Jézu léé: We lé ka a laa an lee, ka ’ka a gi dɔɔa lo. Kana lé an dan ’yi mini lɛ a gi ’naan, ka bɔalɛ léé, ka ’yi mini a gii? Wo lé a lɛ léé: Ko bɔalɛ.

Matio 25:41

A zuo an dan a fe lɛ an bɛbolazannu lɛ léé: Balepamazannu, ’ka si an va; ’ka go kyɛ lé é ’ka dirian monomono lo, ’té wa kɛlɛ yonufaatagɔné valé élé yonu zé nya bɛ, a va.

Matio 26:39

Yé é go é ’lɛ sɛ, yé ébo dia é bli la yé é bazoro ’ko zo, léé: An Ti, dé é bɔalɛ ’é kɛlɛ, ’yiminikana ’ko ’é si an lee ma. Naa, té é kɛlɛ an sɔlɛwe nya lo, ’é kɛlɛ i sɔlɛwe nya ma.

Maak 8:38

Naa, mian éé yara gya maa valé an dérenu lé we ma, bléyi ’ko vamunu lé wo ke pɛnpɛnnégyɛzannu valé wenyanékɛlɛzannu nya, wo méléna, dé maa blami Be da an Ti lé fuasan nya, é valé lanje sauunnu nya an va, yara é dan an gyɛ lɛ ’bɛzan lé we ma é ziin.

Maak 9:44

fɛana lé wo ziri ’ka gaan monomono lo, yé kyɛ ’ka dirian monomono lo, ana.

Kelewenu 10:22

Wo lé a lɛ léé: Kɔɔnéi lé ke sunyayɔsoru ’lɛzan nya, mi tegele lé éé kanaan Bale lee, a nya, ’té Juifinu faa ke a ma we zin fena bɛ, Bale we fe a lɛ lanje sauun do lɔlu nya léé, ’é mi nwunvɔ i laana léé, ’i go alé kɔn ’léé, yé ’é i dérenu ’ma. Amalé ko da.

Bélidɔwesɛbɛ Fiézan 29:23

tɛrɛ ’ko lé é ke wɛtɛrɛ valé poovun tɛrɛ valé kyɛbletɛrɛ tanale nya, ’té fɛwɔlɛ valé féifɛ ’ka ana lo, ’té lu ’ka bɔraan ana lo, bélé Sɔdɔm koo, Gɔmɔɔ koo, Adima koo, Séboim koo, woo lé Gakelebale wo sɛrɛ élé bliflile valé é wɛwɛ blɛn nya bɛ, wo zo, dé wo ’bɛ ye,

2 Tɛsalɔnik munu 1:7

Yé ka lé wa kle pana ka ta bɛ, é dan flinle nɔ lɛ kaa lɛ, bléyian va lé Mizan Jézu é dan si lɛ la gi yé é zun, yee valé élé lanje plɛplɛnu nya, ’bɛ bléyi va.

SEBE LÉ JUD A GYE (Épitre de Jude) 1:7

Yé Sɔdɔm koo, Gɔmɔɔ koo, wo sɔnɔ flanu koo, wolé we sele ’é dɔ ka gi é ziin. Wenyané lé lanjenu a kɛlɛ, wo yee wenyané duo kɛlɛ; gɔnénu go gɔnénu va, yé lomu go lomu va, ’té woo pɛnpɛnné gya; sin wo kyɛ a blena, kyɛ lé é ’ka dirian monomono lo, a va; Bale we ’ko kɛlɛ léé, dé munu wo ye, yé wo bɔn‐in ’é kini yé wo ’ka we kɛla bélé wozé zo lo. We ’ko sele ’é vo ka gi ma.

Wegɔɔnle 15:7

Bale lé éé voo é yuɛma lɛɛfaama, kyankana sɔrafié lé é ke é fanle alé bliflile nya, fɛ yuɛmale ziɛn va mi do wo si yé é wo nɔ lanje sɔrafié lɛ.

Wegɔɔnle 16:19

Yé fla blɛn a é pale fɛana bɛ, ana tɛrɛ fee bo yaa, yé fla blɛn Babilɔn sele dɔ Kazambale gi yé é élé bliflile baba nɔ a lɛ kana gi bélé nwɛ zo.

Wegɔɔnle 18:3

bɛnnu faa alé pɛnpɛnnégyɛle baba mini bélé nwɛ zo, yé tɛrɛ la minwiinzannu ’wobo nɔ pɛnpɛnnégyɛle lɛ a va, yé tɛrɛ la yaawomunu fua ble alé fuafɛ kiɛre kiɛre nya, azama.

Wegɔɔnle 18:6

’Ka a banwo bélé fɛan zo lé éé mi banwoo, a zo, yé ’ka a nɔ a lɛ gɔnɔ fié a kɛlɛwenu yɛrama. Kana lé, é fɛ zén a gi, ’ka azé zén a gi gɔnɔ fié.

Wegɔɔnle 19:15

Gwɔun ’lɛzan do bɔra a ’léé, bɛnnu gyɛfɛ nya; é dan pla lɛ wo nwiin foliɛwɔlɛ nya é lee; yé Plɛplɛfaazan Bale lé bliflile baba lé é ke kana blɛn gi, é dan a zɔn lɛ é gane nya bélé dɔrɔporo zo.

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.

Wegɔɔnle 20:10

Yé yonufaatagɔné lé é wo saan, wa vuli kyɛ lé ke blɛn bélé gyankyɛ zo, ’té wo povun zén a va, a va, fɛana lé wi valé viébalelayezan ke, ana; yé wo dan nyané pa lɛ wo ta bladi nyanadi lɛɛfafama, a glɛ ’ka lo.

Wegɔɔnle 20:14

Yé wo ga valé gamunu nyanana vuli kyɛ lé ke blɛn bélé gyankyɛ zo, a va. Yee kyɛ blɛn lé ke gale fiézan nya, ’té mi gulii ga é wo sin bɛ.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.