Wegɔɔnle 14:1 - Kazambale lé Sebe Sauunu 1979

¹ Maa a naginina ’té ’Blané dɔ Siɔn gɔ nwiin, ’té mi baa yɔ yaa wɔlɛ vu ta fié lé, a tɔ valé a Ti tɔ ke é gyɛle wo yarapɛla, wa a va.

Wegɔɔnle 14:1 ပူးပေါင်းရင်းမြစ်များ

Lɛrɛvɔ Sɛbɛ 2:6

’Té éé a fé léé: Maa ɛ nyɔnɔ zén anlé minwiinzan blɛn nwiin, Siɔn, gɔblɛn sauun nwiin.

Ézai 49:14

Siɔn munu léé, Gakelebale sɔn vɔ ’wo ma, ’Wo sele saan Mizan gi.

Jérémi 1:11

Gakelebale we fe yé é lé an lɛ léé: Jérémi, i mɛ fɛ yéé? Maa zi pa léé: Maa amandéyili bɛ do yé. (Amandé gi léé, yuɛpale fɛ va.)

Ézékiɛl 1:4

Maa a nagini, ’té fu plɛplɛ koo, lati blɛn koo, kyɛnɛnɛ kunu do lé a san éé zi kinié fɛfaana wéiin, ’bɛ koo, ’té woo sié yirinwana bɛbolazia, yé maa wo ye. Fɛ lé é ke bélé zéné lé wa ma gɔrɔla, a zo, ’té éé bié, maa a ye kyɛnɛnɛnu va lati méléna.

Ézékiɛl 10:1

Maa a nagini, ’té fɛ do lé é ke safiigɔlɛ zo, é a la lé é ke é dunle baworona sérubɛnnu nwiin loru, a ta. Yé fɛ do a wo ta loru, fɛ lé é ke bélé webleblin zo, yee lé.

Ézékiɛl 10:9

Maa nagini, ’té fɛ lé é ke bélé gorogane zo, wo ziɛn a sérubɛnnu punma, yé ganenu ’ko a bélé krisolitegɔlɛ zo, yé ganenu ’ko a sérubɛnnu punma do do.

Ézékiɛl 2:9

Maa a nagini, ’té mi bɛ do a é soile an vazia, ’té sɛbɛ plinle do a a lee.

Ézékiɛl 44:4

É go an nya yirinwana bɛbolazia gɔrɔ ’léé kɔn yara zia. Maa nagini, ’té Gakelebale lé fuasan a Gakelebale lé kɔn fanna. Yé an dia an bli la.

Ézékiɛl 8:7

’Bɛ zuo yé é go an nya Balebangikɔn zi gɔrɔ ’léé. Yé maa nagini, yé yɛrɛ do a gɔrɔ guru gi.

Ézékiɛl 9:4

Gakelebale lé a lɛ léma: ’I gié Jérusalɛm woro dii yé munu lé woo bakinima flin woo, ’té munu lé bozowenu kɛlɛle éé wu vɔa wo ma bɛ, ’i tɔmase gyɛ wo yarapɛla.

Daniɛl 12:5

Yé maa Daniɛl, maa nagini, ’té mi fié a é dɔle yuu gɔ fié la é ziin.

Joɛl 2:32

Yé ’bɛ bléyi va, dé miomian Gakelebale tɔ laa, é dan si lɛ we gi. Yé sile we gi é dan kɛlɛ lɛ Siɔn gɔ nwiin valé Jérusalɛm, Gakelebale a fe fɛan zo, a zo. Yé munu lé Gakelebale wo si a va, wo dan kɛlɛ lɛ siéwegimunu va.

Amɔs 8:2

É lé an lɛ léé: Amɔs, i mɛ fɛ yéé? Yé maa a zi pa léé: An kyɛɛné do yé, ’té yiliporo a a gi. Yé Gakelebale lé an lɛ léé: Anlé munu Izraɛl bɔ wozé ’wuoplana; an ’ka dan wo ma we vo lɛ é dɛrɛ lo.

Misé 4:7

Mi sɛ lé wo vo gane tɔntɔn munu nya, maa dan wo kɛlɛ lɛ mi kulu nya; munu lé wo wo bin, maa dan wo kɛlɛ lɛ bɛn plɛplɛ nya, yé Gakelebale é dan pla lɛ wo nwiin, Siɔn gɔ nwiin, é sia ’bɛ bléyi ma fɔɔ yifaama a glɛ ’ka lo.

Zakari 4:2

É lé an lɛ léé: I mɛ fɛ yéé? Yé maa a zi pa a lɛ léé: Maa nagini, yé maa kyan fintran do ye; a blan a sɔrafié, yé bɔ do a é dunle a nwiin, ’té tio sɔrafié a a ma yé ’bɛnu vɔ fintrannu ma;

WENÉNÉ LÉ LUK A GYE (Évangile selon Luc) 12:8

Maa lé ka lɛ léé, mian é an tɔ bɔraan munu va, maa blami Be maa dan a tɔ bɔra lɛ é ziin Kazambale lé lanjenu va;

Rom munu 9:33

we lé é ke é gyɛle Bale lé sɛbɛ gi, a yɛrama; wo léé: Ka ye, maa misaangɔlɛ plaan Siɔn gɔ nwiin; Yee lé ke midiéragɔlɛ nya; Naa, mian é bli vo a lɛ, yara ’ka dan a gyɛ lɛ lo.

Wegɔɔnle 14:14

Maa a nagini, ’té lafu do ana, yé mi do lé é ke bélé blami be zo é a é nyanale lafu ta; kyankoro a a ’wuo ma, yé kɔblané ’lɛzan a a lee.

Wegɔɔnle 14:3

’Té woo lɛrɛ dɛrɛ vɔa webleblin koo, fɛ yuɛmale ziɛn koo, mi segelenu koo, wo ’lɛ. Yé dé é ’ka mi baa yɔ yaa wɔlɛ vu ta fié lé wo wo tabo tɛrɛ la, wo nya lo, mi do kpen ’ka bɔa lɛrɛ ’ko vɔle lɛ lo.

Wegɔɔnle 15:5

’Bɛ zuo, maa a naginina, ’té sɔkɔn lé wenayefɛ ke é pale a gi, alé fɛna sauun lɛ a é sole la gi.

Wegɔɔnle 22:4

yé wo dan a yara ye lɛ, yé a tɔ é dan kɛlɛ lɛ wo yarapɛla.

Wegɔɔnle 3:12

Mian we ’ko ’wuo vo a lɛ, maa dan a kɛlɛ lɛ kɔn wɛyili nya anlé Bale lé kɔn blɛn gi, yé é ’ka dan bɔra lɛ ’bɛ gi é dɛrɛ lo; anlé Bale tɔ koo, anlé Bale lé fla lé é ke Jérusalɛm dɛrɛ lé é dan si lɛ la gi anlé Bale va yé é zun, a tɔ koo, an tɔ dɛrɛ koo, maa dan wo gyɛ lɛ a ta.

Wegɔɔnle 4:1

’Bɛ zuo, maa a nagini, ’té la lɛ a é sole. Dére lé maa a ’ma é vinin bélé béli vun zo, é we fe an lɛ yé é léma: ’I da loru ’ko, yé we lé é dan bɔ lɛ é voéla yé maa a nagɔɔn i lɛ.

Wegɔɔnle 6:8

Maa a naginina yé bé ye, kyɛyee wisoo bɔra. Wo atazan tɔ laama ga, yé gamunu nyanana a a va. Wa se kɛlɛ wo lɛ léé, ’wo tɛrɛ fén ziɛnzan tamunu gyɛ, gwɔun koo, lɔrɔ koo, migyɛgyɛ koo, bwigiwinu koo, wo nya.