Wegɔɔnle 13:16 - Kazambale lé Sebe Sauunu 1979

¹⁶ Yé wi fiézan a kɛlɛ léé, mi kiéné valé mi blɛn koo, fuablezannu valé nyanégyɛzannu koo, minénu valé luunu koo, tɔmase ’é kɛlɛ wo faa bɛyi ma, dé ’bɛ kaan lo, ’é kɛlɛ wo yarapɛla,

Wegɔɔnle 13:16 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 15:13

yé dé miomian ’ka Gakelebale Izraɛl lé Bale naginian lo, dé é a mi kiéné nyaoo, dé é a mi blɛn nyaoo, dé é a gɔné nyaoo, dé é a le nyaoo, é a lé wa gyɛ.

JOB (Job) 34:19

É ’ka dɔa mi blɛnnu zuo wo leefɛ ma lo, É ’ka fuablezan valé nyanégyɛzan lé we sié ékema lo, Wo faa a a bɛ panyanama nya, azama.

Lɛrɛvɔ Sɛbɛ 115:13

Munuan woo kanaan Gakelebale lee, é dan wo drɔɔ vo lɛ, Mi kiénénu koo, mi segelenu koo, woo lé.

Lɛrɛvɔ Sɛbɛ 49:2

Migɔnɔnu, ’ka faa tɔné dɔ we ’ko lɛ, ’Kaa tɛrɛlamunu, ’ka faa an ban ka tɔné nya,

Fwile 13:9

É dan kɛlɛ lɛ i lɛ bélé tɔmase zo i bɛ ta, bélé weseledɔmigifɛ zo i yarapɛla, Gakelebale lé bélidɔwe kɛlɛle i ’léé we gi; naa, Gakelebale ka fwi Éjipiti tɛrɛ la é bɛ plɛplɛ nya.

Ézékiɛl 9:4

Gakelebale lé a lɛ léma: ’I gié Jérusalɛm woro dii yé munu lé woo bakinima flin woo, ’té munu lé bozowenu kɛlɛle éé wu vɔa wo ma bɛ, ’i tɔmase gyɛ wo yarapɛla.

Zakari 13:6

Yé dé wa laa a lee léé: Mɛ ɛ i tuo i bɛ maa? É dan a zi pa lɛ léé: An béé lé kɔn gi lé an tuo.

Kelewenu 26:22

Naa, Kazambale ɛ bɔ an va amalé maa ana fɔɔ kyɔ yi ’ko nya; yé maa a we fena tɔmunu valé mi planu lɛ, yé wenu lé balelayemunu valé Moizi wo fe léé, wo dan bɔ lɛ, maa yee ɛ fe ’té, maa ’ka we bɛ fe lɛ lo.

1 Korent munu 12:13

Kazambale Léli do kpen nya lé wo kaa faa batizéwo kɛlɛle kɔlɛ do kpen nya we ma; dé ko a Grɛkinu nyaoo, dé ko a luu nyaoo, dé ko a miné nyaoo, yee Léli do kpen lé kaa faa a mini bélé ’yi zo.

Galasi munu 3:28

Juifi mi valé Grɛki mi ’ka é dɛrɛ lo; luu valé migɔné ’ka é dɛrɛ lo; gɔné valé le ’ka é dɛrɛ lo, naa, ka faa a mi do nya Jézu Krist gi.

Galasi munu 6:17

É sia bléyi ’ko va, té mi do kpen é ganedɔwe bɛ fe an lɛ é dɛrɛ lo; naa, Jézu ta manɔn pɔlɛ ɛ ke an kɔlɛ ma ’ko.

Éfez munu 6:8

Ka a gi dɔɔ léé, kaa faa va mi do do, dé é a luu nyaoo, dé é a miné nyaoo, wezin lé é a kɛlɛ é dan a ma ban ye lɛ Mizan va.

Bélidɔwesɛbɛ Fiézan 11:18

Dérenu lé maa a fena ka lɛ, ’ka wo pa ka bli gi, ’ka wo pa ka bɔn‐in. ’Ka wo vɔ ka bɛ ma tɔmase nya; wo dan kɛlɛ lɛ ka yarapɛla sɛbɛwɔlɛ nya.

Bélidɔwesɛbɛ Fiézan 6:8

’Ka wo yere ka bɛ ma tɔmase nya, ’ka wo polu dɔ ka ’wuo ma yé é vo é plale ka yarapɛ la.

Kolɔs munu 3:11

Grɛki koo, Juifi koo, ganedɔzan koo, ganedɔlozan koo, bwigimunu koo, Site mi koo, luu koo, miné koo, wo ’ka ’ko lo, naa, Krist a fɛ faa nya, yé é a we faa gi.

2 Timoté 3:8

Fɛan zo lé Janɛs valé Jambrɛs dɔ Moizi ma plɛplɛ, a zo duo lé munu ’ko éé dɔa webozen ma plɛplɛ. Wa é vɔnle we ’male gi, wo ’ka mi nya blipale lé we vazia lo.

Wegɔɔnle 11:18

Bɛnnu bli fli; yé izé bliflile nwa yé migalenu lé weblebléyi bɔ; i wuozan balelayemunu koo, Kazambale lé munu koo, mi kiénénu valé mi segelenu lé woo kanaan i tɔ lee koo, wo faa goolipabléyi bɔ, yé tɛrɛ sɛrɛmunu kulugabléyi bɔ.

Wegɔɔnle 15:2

Yé maa fɛ do ye, é a bélé wɛyi zo, ’té é a bélé vlinvlin wezan zo, yé é a bélé é a é vɔɔle kyɛ nya, yé wi koo, é yili koo, a tɔ lé nibiéro koo, munu lé wo wo kele, wa é dɔle yee vlinvlin wezan wɛyi ta, ’té Kazambale lé kɔnɔnu a wo lee.

Wegɔɔnle 19:18

minwiinzannu koo, sunyazannu koo, mi plɛplɛnu koo, wisoonu valé ’wotazannu koo, munu faa, miné valé luunu, mi kiénénu valé mi blɛnnu, wo faa koo, yé ’ka wo wi ble.

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.

Wegɔɔnle 19:5

Yé dére do si webleblin va yé é léé: ’Ka kozé Bale tɔ zin fe; ’kaa a wuozannu faa, ka lé ka kanaan a lee, mi kiénénu valé mi blɛnnu, ’ka kolé Bale tɔ zin fe.

Wegɔɔnle 20:12

Yé maa migalenu ye, mi blɛnnu valé mi planu, ’té wa é dɔle webleblin ’lɛ. Wo sɛbɛnu fuo. Yé wo sɛbɛ do fuo é ziin, ’bɛ ɛ ke mibélilenu tɔgyɛlasɛbɛ nya. Yé wo migalenu lé we ble ’wo kɛlɛwe yɛrama, wenuan wo ke é gyɛle sɛbɛ ’konu gi, a yɛrama.

Wegɔɔnle 20:4

Yé maa webleblinnu ye, yé Bale weblele se kɛlɛ wotazannu lɛ. Yé munu lé wo wo ’wuo kini Jézu lé we fele valé Kazambale dére lé we ma koo, munu lé wo ’ka dia lɛ ’wo bli la wi valé é yili ’lɛ lo, ’té wo ’ka wi lé tɔmase gyɛ lɛ, dé wo yarapɛla léé, dé wo bɛ la léé, ana lo, maa wo boennu ye. Wo nwa é yuɛma é ziin yé wo pla munu nwiin Krist va lɛɛ wuru soru.

Wegɔɔnle 6:15

Tɛrɛ la minwiinzannu koo, mi blɛnnu koo, sunyanwiinzannu koo, fuablezannu koo, vanu koo, luunu faa valé minénu koo, wo yɔɔ gɔmagurunu gi, é valé gɔlɛ blɛnblɛnnu méléna.

Wegɔɔnle 7:3

Té ka wenyané kɛlɛ tan tɛrɛ koo, wɛyi koo, yilinu koo, wo ma lo, fɔɔ ko tɔmase gyɛ kozé Bale wuomunu yarapɛla.